ليه زعلت أوى لما شفت علمنا متركب بالمعكوس. لدرجة انى مقدرتش استحمل المنظر و رحت عدلته. رغم انى لو حد حكالى او قريتها ماكنش الموضوع هايفرق معاياه خالص.
السبت، ديسمبر 24، 2005
السبت، ديسمبر 17، 2005
عن هؤلاء الذين لا وجود لهم
عن هؤلاء أكتب, الذين لا وجود لهم فى العالم الحقيقى الذين يعيشون فى عوالمهم النفسية فقط متوحديين مختبئين خلف عبثية الفكرة و عبث المشاعر و الافكار دون أن يدركوا أن الحياه أقصر و أبسط من غزل عقولهم و أرواحهم عن هؤلاء أكتب, الذين لا يعملون , لا يؤثرون بل هم دائماً و أبداً مفعول بهم أو فيهم فدائماً الظروف و الاقدار و الرب. فدائماً يجدون الاعذار لعدم الفعل, لعدم التأثير و يكتفون من الحياه بإقناع أنفسهم بأنهم الاسمى و الارق و الاقدر على الفهم و يشفقون عليك فأنت لا تدرك معنى الفكر الحقيقى و المعنى الحقيقى للحياه فأنت يا ولدى مخدوع فى تلك الحياه حتى النخالة. كلهم خدعوك بداية من الرب و الاهل و الاصدقاء فلا يوجد اى شىء حقيقى فى عالمهم و يعيشون على فكرة الخداع و الشك و نظرية المؤامرة و تمضى بك الايام و الشهور و تجد سنوات مرت و انت لم تحقق أى شىء غير غزل العنكبوت الذى يملاء رأسك و روحك
لا أدرى حقيقة, و لكنى أمضيت فترة كبيرة من حياتى مع هؤلاء فى البعد الهش الغير مرئى و لكن بمجرد ان اتيحت لى الفرصة ان اعيش و اتعايش مع الحياة بكل ماديتها و قسوتها و جمالها و بساطتها وتعاملت مع اشخاص من الخارج ووجدت ان مساحة الفكر و التأمل موجودة و محفوظة طالما تستمتع بها و تعطيك بعدأ تحب ان تتواجد فيه و لكن أيضاً يوجد ما تفعلة, ما تنتجه و تكون بارع فيه فأنت تعيش فى العالم الحقيقى و ليس فى عوالم تخيلية. و اذا كان هروباً من الواقع فالأواجهه أو أغيره فهى حياتى و لا تدع أحد مهما كان يؤثر عليها بل دع مفاتيحها و كلها معك. انزع خيوط العنكبوت التى تشرنقت داخلها فى بيات نفسى دائم
الأربعاء، ديسمبر 14، 2005
ولادة متعثرة
صوت مكتوم
طالع من جوة قلبى
فيه بحة ألم
بيبشربالمولود السعيد
اللى إستنيته كتير
عقلى و روحى بيتخانقو عليه
عقلى يقول
حيبقى كلام
كلام فى الهوا
لا يضر ولا ينفع
خلينا جنب الحيطة
وبكرة حيكبر
ويبقى شعارأو مانشيت
والناس تمشى وراه
وقلبى يقول
لأ ...........شِعر
المولود حيطلع شِعر
كلام بجد
أحاسيس بشر
ولما يكبر
حيبقى تاريخ
عقلى رفض
وشجب واستنكر
وأعلن إنه الإله
الأمر الناهى
وأن المولود كلام
فمُت أنا
طالع من جوة قلبى
فيه بحة ألم
بيبشربالمولود السعيد
اللى إستنيته كتير
عقلى و روحى بيتخانقو عليه
عقلى يقول
حيبقى كلام
كلام فى الهوا
لا يضر ولا ينفع
خلينا جنب الحيطة
وبكرة حيكبر
ويبقى شعارأو مانشيت
والناس تمشى وراه
وقلبى يقول
لأ ...........شِعر
المولود حيطلع شِعر
كلام بجد
أحاسيس بشر
ولما يكبر
حيبقى تاريخ
عقلى رفض
وشجب واستنكر
وأعلن إنه الإله
الأمر الناهى
وأن المولود كلام
فمُت أنا
السبت، ديسمبر 10، 2005
أجيال الشاى باللبن
مع انى ما بطيقش الشاى باللبن سواء المشروب او الحياه عامة اللى ملامحة مش واضحة و بفضل اتكلم كتير و لازم الواحد يكون مُحدد و بتاع و شاى بالنعناع, بس لما بالصدفة امبارح مسكت الجريدة القومية المنيلة بتاعتنا و قريت الكلام اللى كتبينوه عن نجيب باشا محفوظ فى عيد ميلاده اللى مش عارف كام كده. كان عمال بيحكى انه فضل يعربد (نسوان بأه و مسخره) على حد تعبيره "العربده الكامله" يعنى زى الجريمة الكاملة كده و بعدين بأه لما وصل من العمر أرذله (42 عام من السيكو بيكو المتين) قرر انه يتجوز بتقوله ايه يا ولاد يتجوز (كنت هاشخ* له) المهم المعلم بأه كاتب انه تزوج من السيده حرمه اللى شاف فيها نموزج الست اللى هاتعرف تساعده على الكتابه و التركيز فى عمله و تراعى بيته و خلال حكاياته عن الحب الحب و الشوق الشوق من ايام ما كان عمره 9 سنين ما جبش سيرت مراته لدرجة انه قال ان اعظم قصه حب حصلتله و هوه عنده 17 سنه لما اعد يعاكس واحده فى المترو (اظاهر انها كانت جامدة) و بعد كل الكلام ده ال * راميط بتوع صفحة المرأه فى الاهرام افاضوا فى القول ان نجيب محفوظ انصف المرأه و مش عارف ايه كد الصراحه أحييييييييييييييه يعنى بس ده مش موضوعنا.
المهم انا بعد ما قريت الكلام اللى كنت عارفه قبل كده لأنى من عشاق كتابات نجيب محفوظ بس الكلام داس على الجرح أهى هيه دى الناس اللى مابتحبش الشاى باللبن و الا بلاش الصراحه يعنى نموزج. الراجل لما قال يا حب و عواطف مشى مع بنات و قابل و كتب جوابات و عذابات الحب و لما قال يا مسخرة نام مع نسوان و شرب و عربد و حشش و اتكيف و لما قال يا تمرد قال مفيش ربنا و رفض المبدأ من أساسه و بعدين قال يا توبه تاب و اناب و اصلح و صلى و كتب صوفى و اقترب لما رأى الإيمان الكامل و لما قال يا هدايه اتجوز.
اما احنا بقى الجيل المبارك اللى اتعرفنا على الحب عن طريق القصص و الروايات و الافلام و رنات الموبيل و عرفنا الجنس من خلال الافلام و الصور و العادة السريه وعرفت الدين من الشرايط و الداعية العصرى حتى لما جينا نتمرد قلك ربنا .. ربنا حلو و موجود بس النبى ده مش عارف ايه و اللى قلك ربنا موجود بس انا مش عاوز انفذ كلامه او فى قصور مش عارف كده فى ايه. المهم انه مافيش حد عاش التجربة لأخرها أو راح لأسود أو أبيض كله عايش فى منطقة ضبابيه غير محدده المعالم. محدش عاوز يفتح باب أى من الاتجاهين كله واقف فى منطقة الشاى باللبن الاعظم عمال يجري يوارب الباب الشمال شويه و يتفرج على العالم المسحور و اللذيذ و بعدين حاجه كده جواه تنأح عليه يقوم جاى جرى قافل الباب و يجرى يوارب الباب اليمين و يتفرج شويه و روحه تستريح و يعيش لحظه نقاء و شفافيه و بعدين روحه تمل و يفضل على الحال ده لا هوه محصل لا ده و لا ده و مكتفى بكوباية الشاي بالبن اللى معاه.
الأحد، نوفمبر 27، 2005
أيها الساموراى أنا معكم و إن لم أكن معكم
من فيلم الساموراى الأخير 
الساموراى يتدافعون فى الهجوم بينما يرد عليهم اليابنيون بألة الحرب الحديثة الى تطلق 200 رصاصة متتالية
والتى قاموا بشرائها من الأمريكيين
السامراى يموتون جميعاً ولا يتبقى إلا قائدهم(كاتسوموتو ) والذى يقتل نفسه على طريقة الساموراى بغمد السيف حتى مقبضه فى بطنه
ولا يتبقى إلا توم كروز
الساموراى يتدافعون فى الهجوم بينما يرد عليهم اليابنيون بألة الحرب الحديثة الى تطلق 200 رصاصة متتالية
والتى قاموا بشرائها من الأمريكيين
السامراى يموتون جميعاً ولا يتبقى إلا قائدهم(كاتسوموتو ) والذى يقتل نفسه على طريقة الساموراى بغمد السيف حتى مقبضه فى بطنه
ولا يتبقى إلا توم كروز
الساموراى الأخير
أيها الساموراى
كنت أتمنى أن أكون معكم قالباً وليس قلباً
فأنا قلبى أوضع من أن يكون قلباً محارباً بين قلوبكم
بينما جسمى هو لها
يتلقى عنكم الرصاصات بلا ألم
أيها الساموراى
لقد قاتلتكم من أجل مبادئكم
الشرف
العدل
الوطن
وأنا الأخر كانت لى بعض المبادىء
ولكنى أضعف من أن أحملها بين ضلوعى
أيها الساموراى
هل تريدون سماع قصتى
فربما وجدتم بى بعض الأمل
لقد اعتقنت عشرات المبادىء منذ قديم الاذل
ربما من قبل أن تعرف البشرية كلمة ساموراى
وامنت بها جميعاً
بالله
بالشرف
والعدل
والوطن
والحق
والضمير
والحب
كل تلك المبادىء دون أى ترتيب قد مزجت معاً
كى يبعث منها كيانى
ولكنى لم أعمل بأى منها
فقط ظلت بداخلى
تحرقنى بضيائها
فبالله عليكم خذونى معكم
أيها الساموراى
لقد أحببت ذات يوم
وووجدت معنى لكل الكلمات والاهات التى طالما سمعت بها من العاشقين
وجدت معنى للواحة
الكلمة التى طالما عذبتنى
لقد وجد المسافر أرضه بعد مئات السنين من التيه
وجدت الحبيبة
ولكنى كنت كما عودتكم ضعيف
أضعف من البوح بتلك الكلمات
أحبك
أعشقك
أريدك
فغادرت واحتى وأنا أشد عطشاً
أيها الساموراى
لقد امنت
بالله خالق السموات و الأرض
وامنت
بما انزل فى قلبى من وحيه
امنت بإنه يحبنى وإننى قريب منه
ولكنى لم أفعل شيءً
فقط امنت
امنت وصمت
أيها الساموراى
انا مثلكم
وإن كنت أختلف معكم فى بعض الأمور
ولكنى أكن لكم عظيم الإحترام
لقد ضحيتم بأجسادكم فى معركة كنتم تعلمون أنها خاسرة
فقط
من أجل مبادئكم
أما انا فكنت دائما أضعف من أن أحمل أسلحة الحياه الدنيا
الحقيقة إننى كنت خائفاً
من أن تزهق روحى بسبب تلك الأسلحة
من ان تجبرنى على القتال
من أن تدفعنى إلى معارك لا قبل لى بها
وأقتل
وكنت أجبن من أتخيل نفسى قتيلاً
أيها الساموراى
ها أنا أقولها ثانيةً
انا معكم
بأعز ما أمتلك
وكل ما أمتلك
جسدى
فلا قلبى ولا روحى تساوى شيئاَ
خذونى كدرع لكم
فلقد توقف جسدى عن إلاحساس بالامه منذ زمن بعيد
أيها الساموراى
عٌذراً إن كنت لا أملك سيفاً
عٌذراً إن كنت ضعيفً فى القتال
فقط خذونى معكم
كصاحب مبدأ
الخميس، نوفمبر 24، 2005
متصدقهمش يا بحر
متصدقهمش يا بحر
صدقنى كلهم كدابين اللى بيقولو أنهم بيحبوك وبيتوهو فى جمالك
صدقنى إنت مجرد أكلشيه جميل بالنسبة ليهم
قال ايه الواحد منهم يروح يقعد علي شطك شوية
تروح عنه كل همومه
وخلاص الدنيا بقت حلوة
والواحد فيهم بقى أبيض من جوة ومن برة زى ما ولدته الحاجة
فمتصدقهمش يا بحر
الناس كلها بتحبك أنا متأكد من كدة
بس مش بالشكل اللى إنت عايزه
الناس لقوا فيك صورة جميلة ممكن تساعدهم فى صورهم وكتابانهم ورسومهم
الواحد من دول يدوب يقف قدامك دقيقتين خلاص روح الفن نزلت عليه
وبقى بيكاسو و شوقى فى بعض
يا سلام كمان لو رمالوه كام طوبة فى المياه علشان المنظر السينمائى يكتمل
فمتصدقهمش يا بحر
أتحدى واحد من دول قعد على شطك خمس دقائق الساعة واحدة فى عز الصيف
أتحدى واحد ماللى بيتغزلوا فى جمالك وقف علشان يتمتع بجمالك الساعة واحدة بليل فى عز أمشير
إنت عارف لو كلامهم صحيح
كان يبقى كورنيشك مليان صيف شتا ..............بس تعمل ايه فى الناس الناقصة
متزعلش يا بحر
مش إنت السبب صدقنى
إنت طول عمرك زى مانتا
عمرك ما اتغيرت
لأنك مش بشر
هى بس الناس تعبانة شوية من الحياه
عارف إن إنت عندك إكتئاب حاد من كتر ما سمعت شكاوى
بس انت طول عمرك فاتح صدرك لينا
وعمرك ما اتضايقت من اللى بيفضفضولك
إنت بتزعل بس
من اللى شايفينك منظر حلو
أو يقعدو عليك شوية علشان يعملوا نفسهم بني ادمين
صدقنى كلهم كدابين اللى بيقولو أنهم بيحبوك وبيتوهو فى جمالك
صدقنى إنت مجرد أكلشيه جميل بالنسبة ليهم
قال ايه الواحد منهم يروح يقعد علي شطك شوية
تروح عنه كل همومه
وخلاص الدنيا بقت حلوة
والواحد فيهم بقى أبيض من جوة ومن برة زى ما ولدته الحاجة
فمتصدقهمش يا بحر
الناس كلها بتحبك أنا متأكد من كدة
بس مش بالشكل اللى إنت عايزه
الناس لقوا فيك صورة جميلة ممكن تساعدهم فى صورهم وكتابانهم ورسومهم
الواحد من دول يدوب يقف قدامك دقيقتين خلاص روح الفن نزلت عليه
وبقى بيكاسو و شوقى فى بعض
يا سلام كمان لو رمالوه كام طوبة فى المياه علشان المنظر السينمائى يكتمل
فمتصدقهمش يا بحر
أتحدى واحد من دول قعد على شطك خمس دقائق الساعة واحدة فى عز الصيف
أتحدى واحد ماللى بيتغزلوا فى جمالك وقف علشان يتمتع بجمالك الساعة واحدة بليل فى عز أمشير
إنت عارف لو كلامهم صحيح
كان يبقى كورنيشك مليان صيف شتا ..............بس تعمل ايه فى الناس الناقصة
متزعلش يا بحر
مش إنت السبب صدقنى
إنت طول عمرك زى مانتا
عمرك ما اتغيرت
لأنك مش بشر
هى بس الناس تعبانة شوية من الحياه
عارف إن إنت عندك إكتئاب حاد من كتر ما سمعت شكاوى
بس انت طول عمرك فاتح صدرك لينا
وعمرك ما اتضايقت من اللى بيفضفضولك
إنت بتزعل بس
من اللى شايفينك منظر حلو
أو يقعدو عليك شوية علشان يعملوا نفسهم بني ادمين
الأحد، نوفمبر 20، 2005
رحيل
نظرت إليه, كان صامتاً كالعادة. أرى الترقب فى عينيه. هو يشعر بشي ما سيحدث اليوم و لكنه غير متيقين. لا لا هو يعرف بالتأكيد و لكنه غير مصدق. لا أريد أن أتردد كالعادة.أريد حسم المسألة.
كلما حاولت أن أدير له ظهري و أنصرف واتركه يستوعب ما اعتزمت عليه ألمحه بطرف عيني يرمقني بإستهانه و يدير لي ظهره بمنتهى الثقة, ثقة من يعرف انى لن أكمل الالتفاتة و فعلاً أرجع خجلاً انظر إليه بنصف عين ثم ببطء أصوب نظري للأرض و أفكر قلقاً كيف ينظر إلى ألان هل ينظر باستهزاء هل يرمقني من أسفل لأعلى. أرفع عيني عليه فأجده يحدجنى بنظره صامته واثقة.
كان واثقاً أنى سأظل تابعاً له و لأحلامه و أرائه و كيف لا و هو ملاكي الحارس كل ما أقوله صواب, كل ما أفكر فيه حكمة بالغة. أذكر عندما بلغنا الحلم أنا و هو كيف تجردنا من ملابسنا و وقفنا أمام بعضنا البعض. أذكر يومها و أنا أنظر لشيئي ثم أنظر له كيف هذا. هذا ليس لطفل مراهق يبدو كاملاً كما أراه فى الأفلام الجنسية التى كنا نشاهدها معاً. كل شئ كنت أراه عندي صغيراً أو تافهاً أو حتى عادياً يصوره هو لى على أنه من عظائم الأمور وأنى منقطع النظير أفكاري لا يستطيع أحد فهمها قلبي ينبض ذهباً كل هؤلاء الحمقى الذين تقابلهم لم يستطيعوا فهمك هؤلاء الرعاع أمامهم مئات السنين ليدركوا عظمتك. هكذا كان ينبئني و صدقته.
كلما حاولت أن أتكلم مع أحد غيره تـكون الأفكار حاضره متيقظة أريدها أن تندفع بغزاره على لساني بنفس الغزارة و البلاغة التى أتحدث بها معه و لكن هيهات, لم أستطع يوماً أن أتواصل مع أحد كما استطعت أن أتواصل معه و أحكى وأشرح وأبرر كل أفعالي و حركاتي و سكناتي و دائماً يفهمني حتى أنني أحياناً كان يفهمني أكثر من نفسي.
و هو دائماً صامت لا يتكلم يكتفي بالنظر إلى عيني و أنا أفهم كل شئ يريد أن يقول أنت الأفضل أنت الأذكى لن يستطيعوا فهمك لن يقدروا على فك طلاسمك السحرية أنت نبي غير مرسل أنتظر معي و سيأتيك الوحي كما جاء غيرك.
و لكنى شعرت بسخف كل هذا و خاصة بعدما اندمجت فى الحياة العملية أكثر و قابلت أناس أخريين غيره و استطعت أن أتواصل معهم, نعم ليس بنفس الحميمة و الفهم و لكن نتواصل بحقائق. و اكتشفت أنني لست أذكى و لا أفضل من كل هؤلاء البشر أنا مجرد رجل عادى هو فقط يظن أنني خارق للعادة و صحبتي معه أصبحت عائقاً بيني و بين التواصل الحقيقي مع أناس أقابلهم يومياً.
لم يعطني فرصه لتحليل ما قلته أو فكرت فيه فدائماً أنا الصواب و لكن حان الوقت للتفكير للتمرد للرحيل عن كل هذا الزيف, أريد أن أعيش حياه حقيقية حتى لو كنت فيها مجرد رجل عادى أفضل من ان أعيش معه وحده نبياً مخلدا.
نظرت له نظره حاسمه و أخيره رأيته ينظر إلى بتوسل أن أبقى لم اهتم به و استدرت مبتعدا عن المراّه.
كلما حاولت أن أدير له ظهري و أنصرف واتركه يستوعب ما اعتزمت عليه ألمحه بطرف عيني يرمقني بإستهانه و يدير لي ظهره بمنتهى الثقة, ثقة من يعرف انى لن أكمل الالتفاتة و فعلاً أرجع خجلاً انظر إليه بنصف عين ثم ببطء أصوب نظري للأرض و أفكر قلقاً كيف ينظر إلى ألان هل ينظر باستهزاء هل يرمقني من أسفل لأعلى. أرفع عيني عليه فأجده يحدجنى بنظره صامته واثقة.
كان واثقاً أنى سأظل تابعاً له و لأحلامه و أرائه و كيف لا و هو ملاكي الحارس كل ما أقوله صواب, كل ما أفكر فيه حكمة بالغة. أذكر عندما بلغنا الحلم أنا و هو كيف تجردنا من ملابسنا و وقفنا أمام بعضنا البعض. أذكر يومها و أنا أنظر لشيئي ثم أنظر له كيف هذا. هذا ليس لطفل مراهق يبدو كاملاً كما أراه فى الأفلام الجنسية التى كنا نشاهدها معاً. كل شئ كنت أراه عندي صغيراً أو تافهاً أو حتى عادياً يصوره هو لى على أنه من عظائم الأمور وأنى منقطع النظير أفكاري لا يستطيع أحد فهمها قلبي ينبض ذهباً كل هؤلاء الحمقى الذين تقابلهم لم يستطيعوا فهمك هؤلاء الرعاع أمامهم مئات السنين ليدركوا عظمتك. هكذا كان ينبئني و صدقته.
كلما حاولت أن أتكلم مع أحد غيره تـكون الأفكار حاضره متيقظة أريدها أن تندفع بغزاره على لساني بنفس الغزارة و البلاغة التى أتحدث بها معه و لكن هيهات, لم أستطع يوماً أن أتواصل مع أحد كما استطعت أن أتواصل معه و أحكى وأشرح وأبرر كل أفعالي و حركاتي و سكناتي و دائماً يفهمني حتى أنني أحياناً كان يفهمني أكثر من نفسي.
و هو دائماً صامت لا يتكلم يكتفي بالنظر إلى عيني و أنا أفهم كل شئ يريد أن يقول أنت الأفضل أنت الأذكى لن يستطيعوا فهمك لن يقدروا على فك طلاسمك السحرية أنت نبي غير مرسل أنتظر معي و سيأتيك الوحي كما جاء غيرك.
و لكنى شعرت بسخف كل هذا و خاصة بعدما اندمجت فى الحياة العملية أكثر و قابلت أناس أخريين غيره و استطعت أن أتواصل معهم, نعم ليس بنفس الحميمة و الفهم و لكن نتواصل بحقائق. و اكتشفت أنني لست أذكى و لا أفضل من كل هؤلاء البشر أنا مجرد رجل عادى هو فقط يظن أنني خارق للعادة و صحبتي معه أصبحت عائقاً بيني و بين التواصل الحقيقي مع أناس أقابلهم يومياً.
لم يعطني فرصه لتحليل ما قلته أو فكرت فيه فدائماً أنا الصواب و لكن حان الوقت للتفكير للتمرد للرحيل عن كل هذا الزيف, أريد أن أعيش حياه حقيقية حتى لو كنت فيها مجرد رجل عادى أفضل من ان أعيش معه وحده نبياً مخلدا.
نظرت له نظره حاسمه و أخيره رأيته ينظر إلى بتوسل أن أبقى لم اهتم به و استدرت مبتعدا عن المراّه.
الأحد، نوفمبر 13، 2005
الجمعة، نوفمبر 11، 2005
نهاية فنان
كان فيه زمان إنسان
إنسان لكن فنان
انا لسه فاكر شكله
وعيونه ونظرته
وشفايفه وبسمته
وكانت على وشه كلمة
بتقول ده واد فنان
وتمر بيه الأيام
تحيره وتغيره
وتسيبله فى كل صفحة علامة
علامة إستفهام
ويوم ورا يوم
ينزوى الفنان
ويصبح كأى انسان
وتمر كمان أيام
خلاص مات الفنان
راحت روح الجان
ماتت النظرة البريئة
ضاعت البسمة الرقيقة
واتولد الإنسان
وركب الإنسان حصانه
اه لو كان زى زمان فنان
كان جرى بحصانه ولف الدنيا
لأ جرى ايه
ده كان طار بيه
كان اخد حبيبته وطار بيها بعيد
لكن يا خسارة
كان اخد حبيبته وطار بيها بعيد
لكن يا خسارة
مات الفنان
وبقى الانسان
جرى بالحصان
داس البشر
سبى صبايا زى القمر
زرع الخوف من غير مطر
وفى اخر الليل يرجع لبيته
وزى كل ليله النوم يجافيه
فيطلع البوم صور فى كراكيبه كان خباه
ويبكى على صورة كانت زمان جواه
دى كانت صورة لية معاه
وبقى الانسان
جرى بالحصان
داس البشر
سبى صبايا زى القمر
زرع الخوف من غير مطر
وفى اخر الليل يرجع لبيته
وزى كل ليله النوم يجافيه
فيطلع البوم صور فى كراكيبه كان خباه
ويبكى على صورة كانت زمان جواه
دى كانت صورة لية معاه
الثلاثاء، نوفمبر 08، 2005
Pigs On The Wing
If you didn't care what happened to me,
And I didn't care for you,
We would zig zag our way through the boredom and pain,
Occasionally glancing up through the rain,
Wondering which of the buggers to blame
And watching for pigs on the wing.
BUT
You know that I care what happens to you,
And I know that you care for me,
So I don't feel alone.Or the weight of the stone,
Now that I've found somewhere safeTo bury my bone.
And any fool knows a dog needs a home,
A shelter from pigs on the wing.
Pink Floyd. Animals. (p)1977
And I didn't care for you,
We would zig zag our way through the boredom and pain,
Occasionally glancing up through the rain,
Wondering which of the buggers to blame
And watching for pigs on the wing.
BUT
You know that I care what happens to you,
And I know that you care for me,
So I don't feel alone.Or the weight of the stone,
Now that I've found somewhere safeTo bury my bone.
And any fool knows a dog needs a home,
A shelter from pigs on the wing.
Pink Floyd. Animals. (p)1977
الخميس، نوفمبر 03، 2005
شخبطة
فى القارب
...............
جربت قبل كدة شعور
إنك تكون فى رحلة فى قارب
والناس حواليك كلها قاعدة متنحة وباصة لقدام
وإنت الوحيد اللى عمال تبص عل السمك فى المية
وعلى حركة المجداف
وعلى وشوش البشر اللى معديين
طيب جربت تكمل الرحلة لحد الأخر
خلاص وصلتوا الشط التانى
الناس كلها نزلت ومشيت
وإنت الوحيد اللى لسة واقف
عمال تفتكر كل لحظة فى الرحلة
وعينيك على المراكب الجاية
اللى محملة ناس متنحين
.........................................................................................
يعنى ماردشت يعنى
جربت قبل كدة شعور
إنك تكون فى رحلة فى قارب
والناس حواليك كلها قاعدة متنحة وباصة لقدام
وإنت الوحيد اللى عمال تبص عل السمك فى المية
وعلى حركة المجداف
وعلى وشوش البشر اللى معديين
طيب جربت تكمل الرحلة لحد الأخر
خلاص وصلتوا الشط التانى
الناس كلها نزلت ومشيت
وإنت الوحيد اللى لسة واقف
عمال تفتكر كل لحظة فى الرحلة
وعينيك على المراكب الجاية
اللى محملة ناس متنحين
.........................................................................................
يعنى ماردشت يعنى
.........................
شعور وحش جداً إنك تكون بتحب تدوينات شخص ما جداً
وتفضل مستنى أى بوست جديد ليه
وأول ما تلاقيه تقراه على طول أونلاين وتعلق عليه
حتى لو ما عندكش كلام مفيد تقوله بس عاجبك البوست
تقوله أى حاجة تشجعه
حلوة أوى
جامد يا مان
بس مع الوقت
تلاقى أن الشخص ده ولا حاسس بيك
عمره ما علق عليك مثلاً
ما بيعبرش كومنتاتك
تبتدى تحس إنه ما يعرفش إن عندك بلوج أصلاً
الصراحة
الواحد بيبقى نفسه ينتقم
يطنش الشخص ده خالص ويحلف إنه مش حيعتب البلوج بتاعه تانى
بس فى إلأخر
تشتاق للحاجات اللى بيكتبها
وتخش البلوج بتاعه
وتقرا تدويناته
وتعلق عليها كمان
وتنتصر الكلمة
شعور وحش جداً إنك تكون بتحب تدوينات شخص ما جداً
وتفضل مستنى أى بوست جديد ليه
وأول ما تلاقيه تقراه على طول أونلاين وتعلق عليه
حتى لو ما عندكش كلام مفيد تقوله بس عاجبك البوست
تقوله أى حاجة تشجعه
حلوة أوى
جامد يا مان
بس مع الوقت
تلاقى أن الشخص ده ولا حاسس بيك
عمره ما علق عليك مثلاً
ما بيعبرش كومنتاتك
تبتدى تحس إنه ما يعرفش إن عندك بلوج أصلاً
الصراحة
الواحد بيبقى نفسه ينتقم
يطنش الشخص ده خالص ويحلف إنه مش حيعتب البلوج بتاعه تانى
بس فى إلأخر
تشتاق للحاجات اللى بيكتبها
وتخش البلوج بتاعه
وتقرا تدويناته
وتعلق عليها كمان
وتنتصر الكلمة
الأحد، أكتوبر 30، 2005
أرواح مريضة--1
كان يجلس بين أصدقائه بالمقهى. جلسته المعتاده فى المنتصف. دائماً محور الاهتمام و التفرد. يعتبرونه نموزج غير متكرر فى الحياه هو غيرهم بالتأكيد و ربما غير كل البشر بل و بعضهم كان يضفى عليه درجات ما فوق االبشريه.كان بالنسبة لهم الاب الروحى و الملجاء النفسى و الواحة التى يلقى بها كل واحد منهم فضلاته النفسيه و مخاوفه و اسراره وتسائلاته التى لا يجد اجابه عليها و لا يثق الا برأيه هو. يلقون بحمولهم و يستريحوا بعدها. و هو دائماً ما يتقبل هذا الدور و يجيده و يدمنه.
بالأضافة لقراءاته الغيرالمحدوده و التى كان الغرض منها معرفة العنوانين و المصطلحات الفخمة التى لا يعى منها أحدهم حرف أعطاه هذا الدور ثقل كبير بين هذه المجموعة و كان هو يحتاج لهذا الثقل والا طار فى الهواء من كثرة ما يحمل فى عقله و روحه من فراغ!!
كانوا كعادتهم يثرثرون و يتجادلون و إذا اختلفوا فى الرأى صوبوا أنظارهم بخشوع اليه و كل فريق يحكى موقفه و يستميت فى برهنة وجهة نظره و كان هو كعادته يدهشهم بألمامه بوجهة نظر الطرفين قبل حتى أن يكملوا ونقض كلا الرأيين أو يحرف فى رأى منهم و يغير من ألفاظه و يتبناه هو ويقتنع الجميع بالرأى السديد.
و نادراً ما يحدث ان يجادله أحد فى أمر ما قاله. بل لم تحدث الا مرة واحدة و كانت ليلة مشهوده لا ينساها أحدهم االى الان عندما أبدى مصطفى إعتراض على أحد أراءه. كانت أول ممرة تحدث على الاطلاق و كانت وجهة نظر مصطفى مقنعة جدأ ولكنه لم يعجبه ان يجتمع الطرفان هذه المره دون الرجوع اليه بل واقتنعوا بوجهة نظر هذا المصطفى!!!. فقام على الفور فرفض الفكرة بأسلوب قاطع ففوجئوا بمصطفى يقول "ايه يا عم ده, انت هاتشتغلنا ولا ايه" حاله من السكون مرت لثوانى معدودة. كلهم يتذكرون نظرة الدهشه و الاستعلاء فى عينيه ثم بدأ الهجوم. هجوم حاد لمدة نصف ساعة لم يعطى أحد فرصة للكلام و كان الهجوم معتمد على براعته فى الجدال التى اشتهر بها فلم يجد مصطفى الا ان يعلن راية الاستسلام. وعلت ابتسامة الراحة وجوه المحيطين به فهو بالنسبة لهم الجدار الامن و العازل من ضعفهم النفسى واصبح وجودهم معتمد على وجوده و وجوده معتمد على ضعف أرواحه.
اما هو فأرتسمت على وجهه نظره غريبة فبينما كان النصر المذهل علنياً كانت هزيمته امام نفسه مروعه لأنه ببساطة كان مقتنع برأى مصطفى.
بالأضافة لقراءاته الغيرالمحدوده و التى كان الغرض منها معرفة العنوانين و المصطلحات الفخمة التى لا يعى منها أحدهم حرف أعطاه هذا الدور ثقل كبير بين هذه المجموعة و كان هو يحتاج لهذا الثقل والا طار فى الهواء من كثرة ما يحمل فى عقله و روحه من فراغ!!
كانوا كعادتهم يثرثرون و يتجادلون و إذا اختلفوا فى الرأى صوبوا أنظارهم بخشوع اليه و كل فريق يحكى موقفه و يستميت فى برهنة وجهة نظره و كان هو كعادته يدهشهم بألمامه بوجهة نظر الطرفين قبل حتى أن يكملوا ونقض كلا الرأيين أو يحرف فى رأى منهم و يغير من ألفاظه و يتبناه هو ويقتنع الجميع بالرأى السديد.
و نادراً ما يحدث ان يجادله أحد فى أمر ما قاله. بل لم تحدث الا مرة واحدة و كانت ليلة مشهوده لا ينساها أحدهم االى الان عندما أبدى مصطفى إعتراض على أحد أراءه. كانت أول ممرة تحدث على الاطلاق و كانت وجهة نظر مصطفى مقنعة جدأ ولكنه لم يعجبه ان يجتمع الطرفان هذه المره دون الرجوع اليه بل واقتنعوا بوجهة نظر هذا المصطفى!!!. فقام على الفور فرفض الفكرة بأسلوب قاطع ففوجئوا بمصطفى يقول "ايه يا عم ده, انت هاتشتغلنا ولا ايه" حاله من السكون مرت لثوانى معدودة. كلهم يتذكرون نظرة الدهشه و الاستعلاء فى عينيه ثم بدأ الهجوم. هجوم حاد لمدة نصف ساعة لم يعطى أحد فرصة للكلام و كان الهجوم معتمد على براعته فى الجدال التى اشتهر بها فلم يجد مصطفى الا ان يعلن راية الاستسلام. وعلت ابتسامة الراحة وجوه المحيطين به فهو بالنسبة لهم الجدار الامن و العازل من ضعفهم النفسى واصبح وجودهم معتمد على وجوده و وجوده معتمد على ضعف أرواحه.
اما هو فأرتسمت على وجهه نظره غريبة فبينما كان النصر المذهل علنياً كانت هزيمته امام نفسه مروعه لأنه ببساطة كان مقتنع برأى مصطفى.
الأربعاء، أكتوبر 26، 2005
و القمر بسنان و بيشرب سجاير كمان
لية العديد من المحاولات فى شعر العامية وللأسف أكتشفت إنى مش موهوب, كتبت حوالى 50 عمل قطعت منهم حوالى 45 عمل على الأقل
المهم فى مرة كتبت قطعة شعرية بديعة مصابنى
المهم فى مرة كتبت قطعة شعرية بديعة مصابنى
:بقول فيها
خلاص هنساك
وانسى الليالى كمان
وانسى القمر بسنان
يا نهار أبيض" القمر بسنان "حالة من الضحك الهيستيرى
لأ مش معقولة إلأنحطاط الأدبى يوصل للدرجة دى
رجعت تانى أعيد الكتابة
خلاص هنساك
وانسى الليالى كمان
وانسى القمر بسنان
أكتر من 10 محاولات من هنا ومن هنا مفيش فايدة
وانسى الليالى كمان
وانسى القمر بسنان
يا نهار أبيض" القمر بسنان "حالة من الضحك الهيستيرى
لأ مش معقولة إلأنحطاط الأدبى يوصل للدرجة دى
رجعت تانى أعيد الكتابة
خلاص هنساك
وانسى الليالى كمان
وانسى القمر بسنان
أكتر من 10 محاولات من هنا ومن هنا مفيش فايدة
"القمر لسة بسنان"
شوية كدة وسرحت فى الملكوت
وبدأت أكتب من جديد
أيوة القمر بسنان
والشمس ليها ودان
ومطلعالى لسانها كمان
دى حاجة جنان فى جنان
لا لا لا ده مابقأش شعر ده حقيقة
أنا شايف أنى صعب انى أحول الواقع لكلام مكتوب
فأكتشفت إنه من الأسهل أنى أحول الواقع لخيال
فيها ايه القمر لو عنده سنان
ويا حبذا لو ماكانش بيغسل سنانه كمان وبيشرب سجاير
بالشكل ده حتبقى سنانه صفرة ومش حتبان للناس لما يشوفوا القمر أصفر زى ما بيبان فى أفلام الكارتون
وكمان الشمس ماله أن يكون عندها ودان على الأقل علشان تعرف تلبس نضارة قمر
والصراحة هى مطلعالى لسانها فعلاً
شوية كدة وسرحت فى الملكوت
وبدأت أكتب من جديد
أيوة القمر بسنان
والشمس ليها ودان
ومطلعالى لسانها كمان
دى حاجة جنان فى جنان
لا لا لا ده مابقأش شعر ده حقيقة
أنا شايف أنى صعب انى أحول الواقع لكلام مكتوب
فأكتشفت إنه من الأسهل أنى أحول الواقع لخيال
فيها ايه القمر لو عنده سنان
ويا حبذا لو ماكانش بيغسل سنانه كمان وبيشرب سجاير
بالشكل ده حتبقى سنانه صفرة ومش حتبان للناس لما يشوفوا القمر أصفر زى ما بيبان فى أفلام الكارتون
وكمان الشمس ماله أن يكون عندها ودان على الأقل علشان تعرف تلبس نضارة قمر
والصراحة هى مطلعالى لسانها فعلاً
كل يوم الصبح وانا ماشى فى الشارع أبصلها الاقيها مطلعالى لسانها وبتقولى يالا يا اهبل غور
الوضع فعلاً بقى مزرٍ جداً
أعتقد أننى فشلت فى التعامل مع معطيات الحياة المادية
فعملت لنفسى عالم خيالى بعيش فيه
الحكاية دى عندى من أيام الطفولة من أيام ما كنت بلعب بالعملات ماتش كورة؟؟؟؟؟؟؟؟؟؟؟
أنا مقتنع من زمان أن موهبتى الوحيدة هى الخيال
يمكن عشان كدة نفسى أبقى مخرج
باحس أنى كل الأفلام الى حاعملها حتبقى فانتازيا
بحب إدارة المشروعات
بحب الشطرنج
بحب أى حاجة ثوابتها قليلة ونسبة الخيال فيها كبيرة
fininding neverlandبحب
بحس أنهم بيتكلمو عنى أنا بالذات فى الفيلم ده مش حد تانى
بحس أنى لو كنت موهوب زى الراجل اللى عمل بيتر بان
كنت ممكن أبقى واحد تانى
الصراحة فكرة العالم المُتخيل أنا عارف إنها فكرة فاشلة
خصوصاً فى ظل العالم اللى إحنا موحولين فيه دلوقتى اللى بيخلينا نتعامل مع أسوأ ماديات الحياة
أنا عارف أن عدد كبير من المدونين الأفاضل عايشين فى عالم الخيال ده
بس يمكن علشان أغلبهم فى الكلية
لسة ما جربوش الأنتقال من العالم الخيالى بكل جماله الى العالم الحقيقى
transition zone أنا جربت أدور على
الوضع فعلاً بقى مزرٍ جداً
أعتقد أننى فشلت فى التعامل مع معطيات الحياة المادية
فعملت لنفسى عالم خيالى بعيش فيه
الحكاية دى عندى من أيام الطفولة من أيام ما كنت بلعب بالعملات ماتش كورة؟؟؟؟؟؟؟؟؟؟؟
أنا مقتنع من زمان أن موهبتى الوحيدة هى الخيال
يمكن عشان كدة نفسى أبقى مخرج
باحس أنى كل الأفلام الى حاعملها حتبقى فانتازيا
بحب إدارة المشروعات
بحب الشطرنج
بحب أى حاجة ثوابتها قليلة ونسبة الخيال فيها كبيرة
fininding neverlandبحب
بحس أنهم بيتكلمو عنى أنا بالذات فى الفيلم ده مش حد تانى
بحس أنى لو كنت موهوب زى الراجل اللى عمل بيتر بان
كنت ممكن أبقى واحد تانى
الصراحة فكرة العالم المُتخيل أنا عارف إنها فكرة فاشلة
خصوصاً فى ظل العالم اللى إحنا موحولين فيه دلوقتى اللى بيخلينا نتعامل مع أسوأ ماديات الحياة
أنا عارف أن عدد كبير من المدونين الأفاضل عايشين فى عالم الخيال ده
بس يمكن علشان أغلبهم فى الكلية
لسة ما جربوش الأنتقال من العالم الخيالى بكل جماله الى العالم الحقيقى
transition zone أنا جربت أدور على
ما بين العالمين
عالمى الخيالى وعالمهم الحقيقى
بس الصراحة دورت كتير وأول ما لقيت نفسى بحط أيدى عليها
حسيت أنى روحى بتتسحب منى
حسيت أنى بابيع نفسى
أنا كدة يا حياة يا تتعاملى معايا حتة واحدة
يا يفتحالله
ساعات يبقى نفسى لو فى سكينة تقسمنى نصين
نص يموت و نص يكمل فى الدنيا
تسألنى تختار أنهو نص علشان يموت
حقولك مش عارف
عالمى الخيالى وعالمهم الحقيقى
بس الصراحة دورت كتير وأول ما لقيت نفسى بحط أيدى عليها
حسيت أنى روحى بتتسحب منى
حسيت أنى بابيع نفسى
أنا كدة يا حياة يا تتعاملى معايا حتة واحدة
يا يفتحالله
ساعات يبقى نفسى لو فى سكينة تقسمنى نصين
نص يموت و نص يكمل فى الدنيا
تسألنى تختار أنهو نص علشان يموت
حقولك مش عارف
الثلاثاء، أكتوبر 18، 2005
مصر امبارح والنهاردة و بُكرة
(1)
المكان:محطة القطار اللى باشترى من كشك الجرانين اللى فيها الجرانين بتاعتى
شابة فى العشرينات من عمرها تسأل صاحب الكشك:جرنال الحادثة موجود لو سمحت
صاحب الكشك:لأ خلص
البنت: ياه خلص
أنا فى سرى:ياه خلص انا فاكر انى كنت شفت عناوين كم عدد من أعداده قبل ذلك وكانت كوميدية جدا
صاحب الكشك:اه علشان باطيطسا
أنا والفتاة:؟؟؟؟؟؟؟؟؟؟؟؟؟؟؟؟؟؟؟؟؟
صاحب الكشك:ايوة باطيطسا اللى مكتوب على دراعه لا الله الا الله
صراحة كنت انوى ان اترك هذه الواقعة عند هذا الحد وأترك الباقى لخيال القارئ‘
ولكن
كانت هناك عدة تساؤلات فى ذهنى
عن كم البشر الذين يقومون بشراء هذا الجرنال من أجل مثل هذا الخبر
هل نحن فى حاجة فعلاً إلى مثل هذا لتأكيد إيماننا
هل تكون تلك النهاية
البحث عن أى دلالة إيمانية للعودة الى الله
حتى ولو كانت رجل مكتوبة على ذراعه لا الله إلا الله
هل وصل بنا اليأس الى هذا الدرجة؟؟؟؟؟؟؟؟؟؟؟
هناك تساول اخر
هل توجد حقاً مثل هذه العلامات؟؟؟؟؟؟؟؟؟؟
لقد رأيت الكثير منها
أشجار تأخذ شكل لفظ الجلالة
عبارات على الأيدى
"لن أضرب أمثلة أخرى بالتأكيد جميعكم رأيتم الكثير من تلك العلامات
هل حقاً تلك العلامات حقيقية
أم هى مجرد صدف
.....................................................
شابة فى العشرينات من عمرها تسأل صاحب الكشك:جرنال الحادثة موجود لو سمحت
صاحب الكشك:لأ خلص
البنت: ياه خلص
أنا فى سرى:ياه خلص انا فاكر انى كنت شفت عناوين كم عدد من أعداده قبل ذلك وكانت كوميدية جدا
صاحب الكشك:اه علشان باطيطسا
أنا والفتاة:؟؟؟؟؟؟؟؟؟؟؟؟؟؟؟؟؟؟؟؟؟
صاحب الكشك:ايوة باطيطسا اللى مكتوب على دراعه لا الله الا الله
صراحة كنت انوى ان اترك هذه الواقعة عند هذا الحد وأترك الباقى لخيال القارئ‘
ولكن
كانت هناك عدة تساؤلات فى ذهنى
عن كم البشر الذين يقومون بشراء هذا الجرنال من أجل مثل هذا الخبر
هل نحن فى حاجة فعلاً إلى مثل هذا لتأكيد إيماننا
هل تكون تلك النهاية
البحث عن أى دلالة إيمانية للعودة الى الله
حتى ولو كانت رجل مكتوبة على ذراعه لا الله إلا الله
هل وصل بنا اليأس الى هذا الدرجة؟؟؟؟؟؟؟؟؟؟؟
هناك تساول اخر
هل توجد حقاً مثل هذه العلامات؟؟؟؟؟؟؟؟؟؟
لقد رأيت الكثير منها
أشجار تأخذ شكل لفظ الجلالة
عبارات على الأيدى
"لن أضرب أمثلة أخرى بالتأكيد جميعكم رأيتم الكثير من تلك العلامات
هل حقاً تلك العلامات حقيقية
أم هى مجرد صدف
.....................................................
(2)
فى حلقة "القاهرة اليوم" السبت الماضى
إستضاف مذيع البرنامج عمرو أديب الفنان عادل امام لمشاركته تقديم الحلقة
كما دأب منذ بداية رمضان بمشاركة أحد الفنانين له فى تقديم البرنامج
الى هنا والأمر عادى
ولكن المفاجأة كانت فى فقرة الاستشارات الدينية والتى تولى الاجابة عنها الداعية خالد الجندى
حيث كان عادل امام هو الذى يتلقى أسئلة و استفسارات المشاهدين عبر الهاتف
(بينما يتولى خالد الجندى الأجابة (لأ تفكيرك ما يروحش بعيد أوى كدة
الصراحة المفاجأة كانت شديدة أوى
لدرجة أنى فكرت جدياً فى الأتصال بالبرنامج و سؤال الأخ خالد الجندى
عن الفنان الذى لا يخلو أى فيلم من أفلامه من بوس و أحضان والذى منه
ثم يقوم بعد ذلك بتقديم فقرات دينية
الصراحة أنامش متخيل شعور الأستاذ خالد الجندىو فريق الأعداد بيقوله أن عادل امام هوا الى حيكون معاه
حاحاول أتخيل سيناريو للموقف
كما دأب منذ بداية رمضان بمشاركة أحد الفنانين له فى تقديم البرنامج
الى هنا والأمر عادى
ولكن المفاجأة كانت فى فقرة الاستشارات الدينية والتى تولى الاجابة عنها الداعية خالد الجندى
حيث كان عادل امام هو الذى يتلقى أسئلة و استفسارات المشاهدين عبر الهاتف
(بينما يتولى خالد الجندى الأجابة (لأ تفكيرك ما يروحش بعيد أوى كدة
الصراحة المفاجأة كانت شديدة أوى
لدرجة أنى فكرت جدياً فى الأتصال بالبرنامج و سؤال الأخ خالد الجندى
عن الفنان الذى لا يخلو أى فيلم من أفلامه من بوس و أحضان والذى منه
ثم يقوم بعد ذلك بتقديم فقرات دينية
الصراحة أنامش متخيل شعور الأستاذ خالد الجندىو فريق الأعداد بيقوله أن عادل امام هوا الى حيكون معاه
حاحاول أتخيل سيناريو للموقف
.....................................
خالد الجندى:الللللللللللله هى وصلت لكده يا جماعة عادل امام يا نهار أبيض
المخرج::يعنى يا أستاذ خالد أنتو تكونوا قاعدين جوا بتصورو والزعيم برة قاعد يقمر عيش يرضى مين ده بالذمة
خالد الجندى:فاتتنى دى ياأستاذ أشرف(أشرف شيحة هو مخرج البرنامج) وعموماً عدولة مننا و علينا
طارق الكاشف(المنتج الفنى):روق كده اُمال يا خالد ويا ريت أى فتاوى خاصة بالمرأة تباظيها لعادل هو جامد أوى فى فتاوى الحريم
مع احترامى الكامل لموهبة عادل امام واعجابى الشديد بالعديد من أفلامه بس اللى حصل ده كان مسخرة
خالد الجندى:الللللللللللله هى وصلت لكده يا جماعة عادل امام يا نهار أبيض
المخرج::يعنى يا أستاذ خالد أنتو تكونوا قاعدين جوا بتصورو والزعيم برة قاعد يقمر عيش يرضى مين ده بالذمة
خالد الجندى:فاتتنى دى ياأستاذ أشرف(أشرف شيحة هو مخرج البرنامج) وعموماً عدولة مننا و علينا
طارق الكاشف(المنتج الفنى):روق كده اُمال يا خالد ويا ريت أى فتاوى خاصة بالمرأة تباظيها لعادل هو جامد أوى فى فتاوى الحريم
مع احترامى الكامل لموهبة عادل امام واعجابى الشديد بالعديد من أفلامه بس اللى حصل ده كان مسخرة
ما قبل التدوين
صراحة
وحتى هذه اللحظة لست متأكداً من أن مدونتنا سوف تأخذ موقعه فى وقت قريب وسط هذا الكم الهائل
من المدونات والتى اصبح مدونيها يشكلون فيما بينهم دائرة مغلقة
أتخيل أنه من الصعب جداً اختراقها
ولكننا نعلم من البداية اننا نراهن بأفكارنا وليس بموهبتنا الأدبية
والتى نثق من وجود من يفوقنا فيها موهبة و أسلوباً
ولكن إعتمادنا سيكون بالدرجة الأولى على الأفكار
ومن هنا نشأت فكرة أن أقوم بعمل دعاية للبلوج عن طريق ارسال عنوان البلوج عن طريق ال
وحتى هذه اللحظة لست متأكداً من أن مدونتنا سوف تأخذ موقعه فى وقت قريب وسط هذا الكم الهائل
من المدونات والتى اصبح مدونيها يشكلون فيما بينهم دائرة مغلقة
أتخيل أنه من الصعب جداً اختراقها
ولكننا نعلم من البداية اننا نراهن بأفكارنا وليس بموهبتنا الأدبية
والتى نثق من وجود من يفوقنا فيها موهبة و أسلوباً
ولكن إعتمادنا سيكون بالدرجة الأولى على الأفكار
ومن هنا نشأت فكرة أن أقوم بعمل دعاية للبلوج عن طريق ارسال عنوان البلوج عن طريق ال
comments
وهذه الطريقة لم تحذ على اعجاب بعض المدونين مثلاً الأخ وش مكرمش بل وزميلى فى تلك المدونة ملك
ولكنى صراحةً مقتنع انها الطريقة المثلى
وإنها ليست إستجداء
و خلينا نتكلم بصراحة
ما الغرض من التدوين
أليست مشاركة الأخرين أفكارك ومشاعرك
وإدلأهم بأرائهم فيها
وهل يمكن أن يحدث هذا بدون أن يعرف الأخرون أن لك مدونة تعرض فيها كل ما يجول بذهنك
فإذا لم يحدث هذا
فمن الأفضل أن نبقى كتاباتنا حبيسة الأدراج
ولا داعى لنشرها على الأخرين
وهذه الطريقة لم تحذ على اعجاب بعض المدونين مثلاً الأخ وش مكرمش بل وزميلى فى تلك المدونة ملك
ولكنى صراحةً مقتنع انها الطريقة المثلى
وإنها ليست إستجداء
و خلينا نتكلم بصراحة
ما الغرض من التدوين
أليست مشاركة الأخرين أفكارك ومشاعرك
وإدلأهم بأرائهم فيها
وهل يمكن أن يحدث هذا بدون أن يعرف الأخرون أن لك مدونة تعرض فيها كل ما يجول بذهنك
فإذا لم يحدث هذا
فمن الأفضل أن نبقى كتاباتنا حبيسة الأدراج
ولا داعى لنشرها على الأخرين
الأربعاء، أكتوبر 12، 2005
القدم الحافى و الراس العريانة
مش عارف ايه اللى جاب الفكرة دى فى دماغى.بس فجأه طقت فى دماغى إن الانسان لازم علشان يوصل للحقيقة يعيش بقدم حافى و راس عريانة (خليك مؤدب و مشيها راس القرد) يعنى يخلع من رجليه كل التـقل و الحديد اللى مكتفين رجليه و تبقى رجليه حافيه يعرف يتحرك بيهم فى اى مكان,ينط..يرقص. المقصود هنا طبعاً انه يتحرك لتغير الوضع اللى مش عاجبه و مش حاسس بالسعادة فيه اللى الحالة اللى الدنيا تبقى جميلة بالنسبه له و يبقى راضى عن نفسه و عن الموجودات من حواليه.
و حكاية القدم الحافى دى مش سهله و هنقول ليه.
الحاجة التانية انه يعرى راسه و يقشر كل الطين و الصدأ و يمسح التراب و الغبار و كل الحاجات اللى كانت بتخليه يتصرف بشكل و هوه أصلاً بيفكر بشكل تانى أو ساعات بتخليه حتى يوأد الفكرة على أساس انها عيب أو حرام أو حتى ماما و بابا و المجتمع و الناس هيزعلوه منه.انا قصدى فى موضوع الراس العارى ده ان الواحد يلغى كل المرجعيات اللى مش مقتنع بيها تماماً و مش داخله دماغة بس هوه كان بيرجعلها علشان ميبقاش غريب عن المجتمع أو علشان يتفادى الصدام مع حد حتى لو كان بيحبه و بعد ما يلغى المرجعيات ده يبدأ يفكر من جديد بس بنقاء و رضى عن النفس. طبعاً الافكار ده فى الاول هاتكون فيها جرأه و يمكن تهور كأن فيه فرس طالع من دماغك بس انت أهم حاجة تلجمها بس المره دى بفطرتك لأن انا مقتنع ان كل واحد فينا اتخلق بفطرة نقيه شفافة واحنا اللى بنلوثها و نبوظها و نشقلبها و نغيرها. أوعى تجهض فطرتك, اوعى تغيرها و خليك مؤمن بيها و صدقنى هاتوصل للحقيقة.
والجزء بتاع الراس العارى و الافكار المنطلقة ده انا مصدق ان فيه ناس كتير بتعمله و حتى اللى مش بيعمله سهله خالص بس انت قشر كل طبقات الصدأ اللى المجتمع و العادات
و المرجعيات حطته فوق دماغك و غصب عنك من ساعة ما أتولدت و حتلاقى العمليه حلوه خالص و هاتلاقى الحصان طالع يجرى من دماغك.الجزء الصعب بقى هوه حته القدم الحافى ده. لأن ده محتاج تحرك, محتاج ان الافكار اللى فكرت فيها ده تنفذها, ان الحصان اللى طالع يجرى من دماغك ده تركبه و تطير بيه قبل ما يجرى و يسيبك.
يعنى زى ما قلت كتير مننا بيفكر و يتفلسف و بعدين التـقل اللى فى رجليه يوقفه مكانه..روحه تنزف الأفكار و الأحلام بتاعته. و يتعلق قلبه و راسه ببقايا الفكرة و ذكرى الحلم .
لازم نعود نفسنا على اننا منحرقش أحلامنا.لازم ننفخ فيهم من جهدنا و روحنا علشان يتخلقوا و يعيشوا.
متهيألى الواحد لو كان بيعمل كده من زمان كان زمان حياته اتغيرت.
و حكاية القدم الحافى دى مش سهله و هنقول ليه.
الحاجة التانية انه يعرى راسه و يقشر كل الطين و الصدأ و يمسح التراب و الغبار و كل الحاجات اللى كانت بتخليه يتصرف بشكل و هوه أصلاً بيفكر بشكل تانى أو ساعات بتخليه حتى يوأد الفكرة على أساس انها عيب أو حرام أو حتى ماما و بابا و المجتمع و الناس هيزعلوه منه.انا قصدى فى موضوع الراس العارى ده ان الواحد يلغى كل المرجعيات اللى مش مقتنع بيها تماماً و مش داخله دماغة بس هوه كان بيرجعلها علشان ميبقاش غريب عن المجتمع أو علشان يتفادى الصدام مع حد حتى لو كان بيحبه و بعد ما يلغى المرجعيات ده يبدأ يفكر من جديد بس بنقاء و رضى عن النفس. طبعاً الافكار ده فى الاول هاتكون فيها جرأه و يمكن تهور كأن فيه فرس طالع من دماغك بس انت أهم حاجة تلجمها بس المره دى بفطرتك لأن انا مقتنع ان كل واحد فينا اتخلق بفطرة نقيه شفافة واحنا اللى بنلوثها و نبوظها و نشقلبها و نغيرها. أوعى تجهض فطرتك, اوعى تغيرها و خليك مؤمن بيها و صدقنى هاتوصل للحقيقة.
والجزء بتاع الراس العارى و الافكار المنطلقة ده انا مصدق ان فيه ناس كتير بتعمله و حتى اللى مش بيعمله سهله خالص بس انت قشر كل طبقات الصدأ اللى المجتمع و العادات
و المرجعيات حطته فوق دماغك و غصب عنك من ساعة ما أتولدت و حتلاقى العمليه حلوه خالص و هاتلاقى الحصان طالع يجرى من دماغك.الجزء الصعب بقى هوه حته القدم الحافى ده. لأن ده محتاج تحرك, محتاج ان الافكار اللى فكرت فيها ده تنفذها, ان الحصان اللى طالع يجرى من دماغك ده تركبه و تطير بيه قبل ما يجرى و يسيبك.
يعنى زى ما قلت كتير مننا بيفكر و يتفلسف و بعدين التـقل اللى فى رجليه يوقفه مكانه..روحه تنزف الأفكار و الأحلام بتاعته. و يتعلق قلبه و راسه ببقايا الفكرة و ذكرى الحلم .
لازم نعود نفسنا على اننا منحرقش أحلامنا.لازم ننفخ فيهم من جهدنا و روحنا علشان يتخلقوا و يعيشوا.
متهيألى الواحد لو كان بيعمل كده من زمان كان زمان حياته اتغيرت.
الأحد، أكتوبر 09، 2005
الحزن,الحب و الإيمان
الحزن و الحب و الإيمان... هذه المفاتيح السحرية التى أراها تنقى القلوب أو تغسل القلوب من الحقد و الحسد و النفاق و الرياء و الانانية و جميع الطاقات السوداء التى نحملها جميعاً بدرجات متفاوتة. كما أنها تصل بالنفس البشرية إلى سكينة و استقرار الى معرفة الصواب. و ما هو الصواب؟
هل الدين هو الصواب؟ و اذا كان كذلك فأية طريقة؟ هل التبسيط قليلاً هو الصواب؟ ام التشدد هو الصواب؟ ام فهم الدين على حسب أهوائنا هو الصواب؟ هل الدين ايا كان أنزل ليكون شريعة نحكم و نحتكم بها؟ ام مجرد علاقة فرديه بين الله و بينى؟
ما هو المطلوب منى فى هذه الحياة؟ هل خلقت لدور معين؟ ام ان الادوار على حسب براعة المؤديين؟
هل السكوت هو الصواب؟ ام الصراخ و التعبير عن الرفض لمجرد اخلاء الذمة و لست اعلم امام من؟ ام أخذ فعل حقيقى و ليس كما يحدث دائماً من ترك الجرح كما هو واذا اشتد القيح صرخنا اه ه ه ه ه ه ه ه ه ه ه ه ه ه ه ه ه ه 
ونأتى الى مجتمعنا فى مصر لنواجه الاسئلة, هل يحتاج الشعب المصرى و هذا رأى كثير من الناس الى السوط و العصا حتى يفيق من سكرته؟ الا يفيق هذا الشعب الا السوط؟؟
ونأتى الى مجتمعنا فى مصر لنواجه الاسئلة, هل يحتاج الشعب المصرى و هذا رأى كثير من الناس الى السوط و العصا حتى يفيق من سكرته؟ الا يفيق هذا الشعب الا السوط؟؟
هل الديمقراطية و الاحترام حتى فى التعامل اليومى يعنى كثير من الفوضى كثير من الامبالاه؟
هل لكى ينصلح الشعب المصرى يجب ان يكون حاكمه فوق مستوى الشبهات؟ الا يستطيع الشعب المصرى ان يصلح من حاكمه و يبقيه أو لا يستطيع فينحيه؟
ما هو الصواب؟ انى تائه و كلنا لا يعرف الصواب. ربما نحتاج الى مزيداً من الحزن او مزيداً من الحب أو مزيداً من الإيمان.
زرياب و جيفارا
زرياب و جيفارا
تابعت كما تابع الكثيرون اعمالهم على مدونتهم الجميلة
(عشاء للقطط العمياء)
والصراحه انا كنت معجب بالروح اللى بيكتبوا بيها أكتر من الحاجات اللى بيكتبوها
,أنا أعرف هولاء الاشخاص شخصيا ً ِبالطبع هم لن يتذكرونى)
انا برضوه فاكرهم كده يا دوبك
أذكر اننى فى يوم من الايام اطلعت على كشكول به اعمال قديمة لزرياب
الصراحة كانت حاجات حلوة اوى
كان فيه روح جميلة
بالطبع أعماله فى(تحفة العريان) ظريفة
ولكنى لم استسغها كأعماله القديمة
وبالذات بتاعت المعزة التايهة
انا حاولت أقراها من اليمين للشمال ومن الشمال لليمين اكتر من مرة
(وفى الاخر اقتنعت أن انا المعزة التايهة شخصياً
الصراحة انا شديد الحزن على افتراقهم
كنت فاكر انهم حيخزلونى
بس للأسف سابوا بعض زى ما كنت متوقع
(وزى ما انا متوقع انى حاسيب ملك او هوا حيسبنى فى يوم من الايام)
معرفش ليه انا على طول مقتنع ان اى ناس يشتركوا فى تيم واحد ويقربوا اوى من بعض
لازم يسيبوا بعض
أعتقد ان هذا راجع للنفس البشرية المصطبغة بروح الفن
الانسان ميال بطبعه الى إحداث تعاريج روحيه فى حياته
الانسان يميل إلى احداث شقوق بقلبه لكى تحيا بها روحه
يقوم بعمل محطات يبدأ منها فى كل مرة يختلى فيها بنفسه
وهكذا كما فى الفراق
فكل من زرياب و جيفارا
صنع لنفسه محطة عظيمة للتوقف عندها والتفكير فيها والبدء من عندها
هذا بالإضافة إلى الأسئلة المتتالية من الرفاق
انتوا ليه سبتوا بعض
يا جماعة عيب انتوا المفروض تكونوا اكبر من كدا
إحنا مش نقعد طول حياتنا نكتب عن الحياة والحب والمشاعر والأمل
وكل الحاجات دى
وفى الاخر نفارق الناس اللى عشنا معاهم ذكرياتنا
خلاص. …………………….. خلص الكلام
تابعت كما تابع الكثيرون اعمالهم على مدونتهم الجميلة
(عشاء للقطط العمياء)
والصراحه انا كنت معجب بالروح اللى بيكتبوا بيها أكتر من الحاجات اللى بيكتبوها
,أنا أعرف هولاء الاشخاص شخصيا ً ِبالطبع هم لن يتذكرونى)
انا برضوه فاكرهم كده يا دوبك
أذكر اننى فى يوم من الايام اطلعت على كشكول به اعمال قديمة لزرياب
الصراحة كانت حاجات حلوة اوى
كان فيه روح جميلة
بالطبع أعماله فى(تحفة العريان) ظريفة
ولكنى لم استسغها كأعماله القديمة
وبالذات بتاعت المعزة التايهة
انا حاولت أقراها من اليمين للشمال ومن الشمال لليمين اكتر من مرة
(وفى الاخر اقتنعت أن انا المعزة التايهة شخصياً
الصراحة انا شديد الحزن على افتراقهم
كنت فاكر انهم حيخزلونى
بس للأسف سابوا بعض زى ما كنت متوقع
(وزى ما انا متوقع انى حاسيب ملك او هوا حيسبنى فى يوم من الايام)
معرفش ليه انا على طول مقتنع ان اى ناس يشتركوا فى تيم واحد ويقربوا اوى من بعض
لازم يسيبوا بعض
أعتقد ان هذا راجع للنفس البشرية المصطبغة بروح الفن
الانسان ميال بطبعه الى إحداث تعاريج روحيه فى حياته
الانسان يميل إلى احداث شقوق بقلبه لكى تحيا بها روحه
يقوم بعمل محطات يبدأ منها فى كل مرة يختلى فيها بنفسه
وهكذا كما فى الفراق
فكل من زرياب و جيفارا
صنع لنفسه محطة عظيمة للتوقف عندها والتفكير فيها والبدء من عندها
هذا بالإضافة إلى الأسئلة المتتالية من الرفاق
انتوا ليه سبتوا بعض
يا جماعة عيب انتوا المفروض تكونوا اكبر من كدا
إحنا مش نقعد طول حياتنا نكتب عن الحياة والحب والمشاعر والأمل
وكل الحاجات دى
وفى الاخر نفارق الناس اللى عشنا معاهم ذكرياتنا
خلاص. …………………….. خلص الكلام
السبت، أكتوبر 08، 2005
ليه ملك وكتابه
ليه ملك وكتابه
سألنى زميلى(ملك) فى هذه المدونه عن سبب اختيارنا لهذا الأسم
وذلك بعد ان كنا قد اخترناه بالفعل
الصراحه ما اديتوش أى كلام مفيد
مجرد ابتسامات هبلة
ولكنى حقيقة كنت مقتنع جدا بهذا الاسم
انا بحس فعلا انا وهوا اننا ملك وكتابه
احنا الاتنين بنكمل بعض بشكل غير طبيعى
مش قصدى اننا بنكمل بعض عشان نكون شخص كامل
لأ احنا بنكمل بعض عشان نكون الانسان بكل عيوبه ومزاياه
بحس ان احنا الاتنين كنا ممكن نكون شخص كويس
بدل مانكون اتنين تايهين
(على الأقل انا)
ده كان سبب من اسباب اختيارى للأسم
السبب التانى
انى بقيت مقتنع ان الانسان فعلا عباره عن عملة
بحس ان الهدف الأول للناس فى الحياه هوا الفلوس
بحس أن الناس مهما قالت أوعملت
تفضل الفلوس هى المحرك الرئيسى لأفعالهم وسلوكهم
ايوا عارف
ان فى ناس ممكن تقولى الناس اللى بترفض الرشاوى
وناس بترفض تشهد زور بالرغم من حاجتهم للفلوس
اعتقد ان الضمير الدينى يكون هو المتحكم فى هذه اللحظات وليس الضمير الاخلاقى
(كنت دائما اتمنى ان يكون الاثنان ضمير واحد ولكن حتى الان لم اجد دليلا واحدا على صحة ما اقول)
ولكن على الوجه الاخر يبقى الضمير الاخلاقى ضعيفا مهلهلا امام رغباتنا الدنيوية(ايوا يا عم طبعا نفسى اشتغل فى السينما مؤلف او مخرج انا نفسى أبقى فى العملية وبس....الواد خلاص حيموت ويشتغل فى السينما( اونفسى اعمل فرقة مزيكا أو اكون رسام أو اكتب شعر أو روايات)
كل تلك الأختيارات التى يسيل لها وجداننا وتصهر ارواحنا
اه الوظيفة جت
ومش اى شغلانة دى فلوسها حلوه
اه فكك بقى من كل الاحلام
سينما مين يا عمى انت عبيط ولا ايه
(فكك من البلالا اللى انت عايش فيها دى)
المشكله الأكبر تبدأ عندما يبدأ الانسان فى التنصل من الاحلام القديمة
والاكثر مرارة عنما يبدأ فى السخرية من الناس اللى كان فى يوم منهم
(يا عم دى ناس فاضية عايشة فى ماية البطيخ)
ويبقى الأمل
الا ابيع روحى
(يعنى لو المرتب مجزى ممكن افكر)
بارقة امل:أعتقد ان صنع الله ابراهيم يعتبر خير مثال للكاتب المتمسك بقيمه عندما رفض جائزة الرواية العام الماضى وقيمتها 100الف جنيه مصرى فى سبيل التمسك بمبادئه
(سيدى اسمح لى أن ارفع لك القبعة)
سألنى زميلى(ملك) فى هذه المدونه عن سبب اختيارنا لهذا الأسم
وذلك بعد ان كنا قد اخترناه بالفعل
الصراحه ما اديتوش أى كلام مفيد
مجرد ابتسامات هبلة
ولكنى حقيقة كنت مقتنع جدا بهذا الاسم
انا بحس فعلا انا وهوا اننا ملك وكتابه
احنا الاتنين بنكمل بعض بشكل غير طبيعى
مش قصدى اننا بنكمل بعض عشان نكون شخص كامل
لأ احنا بنكمل بعض عشان نكون الانسان بكل عيوبه ومزاياه
بحس ان احنا الاتنين كنا ممكن نكون شخص كويس
بدل مانكون اتنين تايهين
(على الأقل انا)
ده كان سبب من اسباب اختيارى للأسم
السبب التانى
انى بقيت مقتنع ان الانسان فعلا عباره عن عملة
بحس ان الهدف الأول للناس فى الحياه هوا الفلوس
بحس أن الناس مهما قالت أوعملت
تفضل الفلوس هى المحرك الرئيسى لأفعالهم وسلوكهم
ايوا عارف
ان فى ناس ممكن تقولى الناس اللى بترفض الرشاوى
وناس بترفض تشهد زور بالرغم من حاجتهم للفلوس
اعتقد ان الضمير الدينى يكون هو المتحكم فى هذه اللحظات وليس الضمير الاخلاقى
(كنت دائما اتمنى ان يكون الاثنان ضمير واحد ولكن حتى الان لم اجد دليلا واحدا على صحة ما اقول)
ولكن على الوجه الاخر يبقى الضمير الاخلاقى ضعيفا مهلهلا امام رغباتنا الدنيوية(ايوا يا عم طبعا نفسى اشتغل فى السينما مؤلف او مخرج انا نفسى أبقى فى العملية وبس....الواد خلاص حيموت ويشتغل فى السينما( اونفسى اعمل فرقة مزيكا أو اكون رسام أو اكتب شعر أو روايات)
كل تلك الأختيارات التى يسيل لها وجداننا وتصهر ارواحنا
اه الوظيفة جت
ومش اى شغلانة دى فلوسها حلوه
اه فكك بقى من كل الاحلام
سينما مين يا عمى انت عبيط ولا ايه
(فكك من البلالا اللى انت عايش فيها دى)
المشكله الأكبر تبدأ عندما يبدأ الانسان فى التنصل من الاحلام القديمة
والاكثر مرارة عنما يبدأ فى السخرية من الناس اللى كان فى يوم منهم
(يا عم دى ناس فاضية عايشة فى ماية البطيخ)
ويبقى الأمل
الا ابيع روحى
(يعنى لو المرتب مجزى ممكن افكر)
بارقة امل:أعتقد ان صنع الله ابراهيم يعتبر خير مثال للكاتب المتمسك بقيمه عندما رفض جائزة الرواية العام الماضى وقيمتها 100الف جنيه مصرى فى سبيل التمسك بمبادئه
(سيدى اسمح لى أن ارفع لك القبعة)