ولادة متعثرة

صوت مكتوم
طالع من جوة قلبى
فيه بحة ألم
بيبشربالمولود السعيد
اللى إستنيته كتير
عقلى و روحى بيتخانقو عليه
عقلى يقول
حيبقى كلام
كلام فى الهوا
لا يضر ولا ينفع
خلينا جنب الحيطة
وبكرة حيكبر
ويبقى شعارأو مانشيت
والناس تمشى وراه
وقلبى يقول
لأ ...........شِعر
المولود حيطلع شِعر
كلام بجد
أحاسيس بشر
ولما يكبر
حيبقى تاريخ
عقلى رفض
وشجب واستنكر
وأعلن إنه الإله
الأمر الناهى
وأن المولود كلام
فمُت أنا