Talk to Her

http://www.imdb.com/title/tt0287467/?ref_=fn_al_tt_1

الفيلم حلو و ساب عندى احساس غريب. ممكن اشوفه تانى و غالباً هادور على الناس اللى عملوا الاستعراض الاولانى.

انا حبيت الاستعراض ده

و كان ممكن اقعد كمان ساعتين اتفرج على ده

آخر ايام ليا فى اسكندرية الأجازة اللى فاتت حلمت بطنط فايزة انى بقولها ممكن احضنك. قالتلى ليه. قولتلها علشان عاوز اعيط بقالى فترة و مش عاوز اعيط قدامهم. قعدت اعيط فى حضنها بقيت الحلم.
الحلم ده تقريباً بافتكرة كل يوم من ساعتها لحد انهاردة.

Super moon

au Caire!

انا فى اسكندرية من امبارح فى اجازة 10 ايام. لقيت كراسة فيها كلام و خواطر كاتبها من 2004 مش فاكر منها اي حاجة "الحياة الضبابية التى نعيشها ليس من شأنها ابراز اى نوع من انواع الحقائق او استشعار احاسيس و مشاعر صادقة فكلها تخضع للظروف الطارئة و هذا من شأنه قتل الشعور العام و غياب الوعي باستمرارية الاشياء و عدم الاستقرار النفسي.
العلاج فى رأي ، قليل من الحب او قليل من الحزن او كثير من الإيمان"

انا ابتديت اشك انى عرضت نفسي لعلاج ذاتى من 10 سنين اللى به اقدرت اعرف استمر فى الحياة بشكل شبه طبيعى لحد دلوقتي. .

واحدة من الاتنين

"-كان ياما كان، فى سالف العصر و الأوان، و ما يحلى الكلام إلا بذكر النبى عليه الصلاة والسلام.
-ها
-قولوا عليه الصلاة والسلام.
-عليه الصلاة والسلام. ها.
-كان فيه ولد شجاع و جرئ اسمه الشاطر حسن...
-لأ كان اسمه يحيى.
-حاضر.... كان فيه ولد شجاع و جرئ اسمه الشاطر يحيى. و كان يحيى بيحب كل الناس و الحيوانات و حتى كان بيحب الفار اللى مستخبى فالفتحة اللى فى الحيطة اللى فى أوضته. و كان دايماً ينادى عالفار و يخليه يستخبى تحت السرير لما يعرف ان مامته جايه تحطله المصيده."

-------------------------------------
"بيفكر قد ايه الحياة رحلة عبثية للوصول لحاجة مش مؤكدة و ان قد ايه طول الطريق بيحاول يخلق او يتخلق له اهداف بتبان انها مهمه فى وقتها و مع الوقت بيبان هشاشة الفكرة و هشاشة و عدمية الهدف و بالتالى هشاشة الطريق كله.

كان بيفكر فى كل ده بطريقة عشوائية، الافكار و مشاهد من ذاكرته لمواقف حصلت و حوارات متخيلة كان مجهزها فى دماغه علشان يرد بيها على ناس ماخلصش المناقشة معاهم علشان رده ماكنش جاهز وقتها او علشان حس انهم مش هايفهموا وجهة نظرة و الزاوية اللى بيشوف بيها الموضوع. 

ابتدى يجهز فى دماغه الكلام اللى هايسيبه قبل ما ينتحر و قعد يفكر فى الطريقة اللى هايسيبه بها، جواب, ايميل, مجموعة رسايل للأشخاص اللى مهتم انه يوصلهم اخر كلماته. الموضوع بقى مربك اكتر عند المرحلة ده و كره نفسه انه ازاى مهتم باللى هايكتبه و هايسيبه للناس رغم ان سبب احساسه هو عدمية اى فعل او كلام فى تقليل القبح اللى موجود و فى التأثير بصورة عامة.

كان وصل و هو ماشى لمدخل شارع ضلمه كان عمره ما مشى فيه قبل كده بليل على الرغم من انه عدى من جنبه اكتر من مرة فى طريقه للقهوة اللى بيتقابل فيها مع صحابه. فكر انه ليه مايجربش حاجه جديدة و يمشى فيه و بالمرة يشوف لو فيه محل فاتح  يجيب منه سجاير.

كان فيه محل واحد فى الشارع و كان قافل و حس انه يوم نحس و فجأه لقى صوت جاى من البلكونه اللى فى الدور الاول فى العمارة اللى فوق المحل:

- كنت عاوز حاجة من المحل؟

بص فوق لقى واحد و واحدة واقفين فى البلكونة و الاتنين مولعين سجاير و الراجل ماسك كوباية فى الايد التانيه.

هو: كنت عاوز أشترى سجاير و ...

الست: سجايرك خلصت؟

هو: لا لسه باقى بتاع 3 4 سجاير كدة.

الراجل: فيه سجاير هنا. تحب تطلع؟

هو: ....

الست: ها؟

هو: ماشى انا طالع.

- الرجل: اطلع على السلم بلاش الاسانسير و هافتحلك الباب، خش على طول ما ترنش الجرس.

هو: ماشى انه شقه؟

الراجل: هاتعرف."

مطحنة البن

حبة صور من جوهانسبيرج

قاعد فى مطار دبى terminal 3 مستنى الطيارة على جوهانيسبرج.  أول مرة اروح جنوب افريقيا بس سمعت عنها كلام حلو.
و بالمناسبة اول مرة اعرف او اسمع عن وجيه غالى و روايته بيرة فى نادى البلياردو.  عاوز ابقى ادور عليها و اجيبها ان شاء الله.

اللهم لك كمال العلم و تمام القدرة و كلية الحكمة فأرن الحق حقاً و أرزقنى اتباعه و حبب إلى اتباعه و يسر على اتباعه و أرن الباطل باطلا و وفقنى اجتنابه و يسر لى اجتنابه و حبب الى اجتنابه و لا تجعله ملتبسا على فأضل. اللهم و لا تحملنى ما لا طاقة لى به و أعف عنى و أغفر لى و أرحمنى.

-أنت عارفة كام مرة كان نفسى ......... :). لأ أكيد مش عارفة..

- هو صحيح الهوا غلاب؟
-و انت مال دين امك..

حبيبي لابس برنيطه: http://youtu.be/hVoAuVW0azs

رضوان، ملاكى الحارس الجديد..

ﻟﻴﺲ ﻣﻦ ﻋﺮﻑ ﻋﻠﻢ
ﻓﺎﻟﻤﻌﺮﻓﺔ ﺣﺠﺎﺏ ﻋﻦ ﺍﻟﻌﻠﻢ
فلهذا هي ﻃﺮﻳﻖ ﺇﻟﻴﻪ
ﻭ ﺍﻟﻌﻠﻢ ﻛﺸﻒ ﻟﻠﻤﻌﺮﻓﺔ..
_______
ابن عربي

من تحرى حقيقة الدهر أضحى
عنده الحزن و السرور سواء
إن يكن حادث الزمان سيفنى
فليكن كله أسى أو هناء
**********************
دع عنك حرص الوجود و اهنأ
إن أحسن الدهر أو أساء
و اعبث بشعر الحبيب و اشرب
فالعمر يمضى غداً هباء
**********************
إن تواعدتم رفاقى ﻷنس
و سعدتم بالغادة الهيفاء
و أدار الساقى كؤوس الحميا
فاذكرونى فى شربها بالدعاء
*********************
لا تنظرن إلى الفتى و فنونه
و انظر لحفظ عهوده ووفائه
فاذا رأيت المرء قام بعهده
فاحسبه فاق الكل فى عليائه
*********************
إن تجد لى بالعفو لم أخش ذنبا
أو تهب لى زادا أمنت العناء
أو تبيض بالعفو وجهى فإنى
لست أخشى صحيفتي السوداء
*********************
من رباعيات عمر الخيام
تعريب أحمد الصافى النجفى
دار المشرق للثقافة و النشر - طهران

Bordeaux 2003.
الازازة ده جبتها معايا من نيس لما كنت هناك من شهرين.  انا قريت عن ال bordeaux 2003 قبل كدة و قد ايه السنه ده كانت حلوة و châteaux فى حرارة 2003 عمل نبيذ فيه ناس بتعتبره احلى نبيذ عملته bordeaux طول عمرها.
الازازة كانت غالية فعلاً بس لما لقيتها قدامى جبتها و قلت ده هاتتفتح فى مناسبة. النهاردة انا فتحتها و انا قاعد مع نفسي فى البيت عمال اتفرج على افلام و المناسبة هيا ان مزاجي الليلة عنب :)
http://www.bbr.com/vintage-22003-red-bordeaux-2003

تجربة جديدة و مرحلة جديدة و ربنا يستر..

- لو الانتحار مش حرام،  أعتقد كان هيبقى فيه عدد كبير من الناس اللى مش متعارف اصطلاحيا انهم متدينين مقبلين على الانتحار.
- لا يعتب حدا.. ولا يزعل حدا. 

http://www.imdb.com/title/tt0107653/?ref_=fn_al_tt_1

مش عارف ازاى ماتكلمتش عن Naked  قبل كدة. ده واحد من أعظم الديالوج المكتوب اللى شفته فى حياتى. الحوار عظيم و منطقى بعكس معظم الافلام اللى بشوفها غالباً حاجه فى الحوار بتفصلنى فى النص علشان باتبان الشخصية الواحد للكاتب على لسان الشخصيات المختلفه. الموضوع ده متعالج فى Naked فى ان السكريبت الاصلى كان 25 صفحة بس الحوار اللى فى الفيلم معظمه ارتجال الممثلين لمدة 11 اسبوع قبل التصوير.

Louise: How did you get here?

Johnny: Well, basically, there was this little dot, right? And the dot went bang and the bang expanded. Energy formed into matter, matter cooled, matter lived, the amoeba to fish, to fish to fowl, to fowl to frog, to frog to mammal, the mammal to monkey, to monkey to man, amo amas amat, quid pro quo, memento mori, ad infinitum, sprinkle on a little bit of grated cheese and leave under the grill till Doomsday.

https://www.youtube.com/watch?v=5YcsoQ4JgBQ

- إزاى تسعد شخص بتحبه:

1- تسيبه يعمل اللى هو بيحبه؟

2- تحاول تغيره و تخليه يعمل الحاجات اللى انت فاكر انها هاتسعده؟

3- تعمل الحاجات اللى هو بيحبها معاه علشان انت اصلاً بتحب نفس الحاجات ده و بتعملها حتى و انت لوحدك بس بتبقى احلى لما بتعملها معاه؟

--------------------------------------

- أنت جرحت أو أذيت كام حد قبل كدة؟

- 39. و أنت؟

- 2.

- ياه.. أنت أكيد حد نقى و جميل.

- لأ. أنا عرفت 2 بس طول عمرى.

----------------------------------------------------------

- يا أخى أوسخ و أحقر حاجه فى الوجود هما الشراميط.

- ليه بس.

- ده واحدة بتبيع جسمها بالفلوس لناس هيا مابتحبهمش. أحا مافيش حقارة و ابتذال أكتر من كدة.

- عندك حق. الا صحيح انت اخبار المشكلة الاخرانية مع مراتك ايه؟

- لا خلاص الموضوع هدا الحمد لله. بص احنا المرة ده اتكلمنا بوضوح. هيا اتضح انها كانت تعرف واحد من ايام الجامعة، بس ما حصلش حاجه يعنى, و ماحصلش نصيب بينهم و جيت انا نزلت من السفر و اتقدمتلها و اتجوزنا. فهيا قلتلى بصراحة انها مش بتحبنى الحب اللى هو بتاع الافلام ده بس مستريحة فى القعدة معايا و انا من ناحيتى مش مخليها نفسها فى حاجة.

- طب الحمد لله ان الموضوع هدا. طب و اخبار شغلك ايه؟

- يا عم ده حاجة بت وسخة. انا لا بحب الشغلانة ده أصلاً و لا بحب الناس اللى فى الشغل و لا طايقها بس مش هلاقى حته تانية تدينى نفس المرتب اللى باخده.

----------------------------------------------------------------------

- على فكرة، بيتهيألى الانبيا دول كان عندهم شعور بالوحدة.

- يا سلام ازاى بقى؟

- علشان ماعتقدش انهم كانوا بيحسوا ان الناس بيحبوهم.

- أحا ده كان حواليهم اتباع و ماس كتير نفسهم يبقوا معاهم او قريبيين منهم.

- اها اكيد, كل دول كانوا معجبين بيهم او بالكلام اللى بيقولوه، بس ولا واحد فيهم كان مرتبط بانبى او الرسول و بيحبه. كانوا بيبصلهم نظرة اعجاب و تقدير زى looking up to بس ماعتقدش كان حد بيبصلهم و يسبلهم بعنيه زى الافلام.

- بيسبل للانبيا؟

- اها يسبل كدة زى لبنى عبد العزيز و هيا بتحب رشدى أباظه.

- اها.

----------------------------------------------------------------------

يوم 1 سجاير لف.
فرق رهيب فى التجربة. ريحة التبغ الخام الغامق مع احساس انك بتلمس التبغ و تفركه قبل ما تشد ورقة البفرة و الفلتر. تجربة حسية و الريحة و الطعم و حتى النيكوتين مختلف تماماً..

هذا الكتاب ينتمى إلى القليلين... الذين لعل أحداً منهم لم يولد إلى الحياة حتى الان.
و لعلهم أن يكونوا أولئك الذين سيفهمون زرادشت.
...
يجب أن يكون المرء نزيها حتى الصرامة في الأمور الفكرية كى يتمكن من احتمال جديتى و اندفاعى.. عليه أن يكون متمرسا على الحياة فوق الجبال ليرى فى الأسفل النمائم البائسة حول السياسية و أنانية الشعب.. يجب أن يغدوا غير مبال، و ألا يكون ثمة سؤال أبداً إن كانت الحقيقة ذات نفع، أو أنها تنقلب شؤما على أحد.

يجب أن تحاز قوة الميل إلى الأسئلة التى لا يملك أحد الشجاعة اليوم كى يعرضها؛ الشجاعة تجاه الأشياء الممنوعة،  و ضرورة التهيؤ للمصاعب.. من العزلة يجب أن تكون خبرة.
مستمعون جدد يجب أن يوجدوا لأجل موسيقى جديدة. ..
عيون جديدة ترى ما هو أبعد.. ضمير جديد لأجل حقائق حتى الان هى بكماء... المحافظة على القوى الذاتية و الحماسة الخاصة. . يجب أن يكون هناك ثمة احترام للذات،  و محبة للذات، و حرية غير مقيدة تجاه الذات.

حسن اذا! هؤلاء المطرقون هكذا هم فقط قرائى، قرائى الاخصاء، قرائى المختارون.
أية أهمية للأخرين،  الآخرين الذين لعلهم كل البشرية؟
يجب التفوق على البشرية بالعزم، و بتشدد النفس.. و بالاحتقار.
...
مقدمة فريدريك نيتشه لكتاب عدو المسيح (بتصرف)
ترجمة جورج ميخائيل ديب
طبعة دار الحوار للنشر والتوزيع
الطبعة الرابعة 2012

"لو تعلمون مني ما أعلم من نفسي لحثوتم على رأسي التراب"
... من كلام عبد الله بن مسعود رضي الله عنه. (فصل) من حكم ابن مسعود رضي الله عنه من كتاب الفوائد للإمام الجليل شمس الدين أبي عبد الله محمد بن أبي بكر بن أيوب الزرعي المعروف بابن القيّم 

الاسبوع اللى فات نزلت 3 ايام اسكندرية خميس و جمعة و رجعت دبى السبت. الاجازة كانت قصيرة بس حلوة شوفت فيها ناس كتير من العيلة و حضرت فرح كريم و اطمنت على وليد اللى مش عارف ازاى جاله انزلاق غضروفى و هو 28 سنة بس ان شاء الله يتحسن و مايحتجش عملية علشان بابا و ماما مش مستحملين.

تجربة جديدة بالنسبالى انى حضرت حضرة صوفية للطريقة الشاذليه فى ابو العباس. كانت تجربة جديدة و حلوة و انا بردد مع اناس فى الحضرة الورد بتاع الطريقة و اللى منه اجزاء من نهج البرده.

و طبعاً منظر البحر من القلعة و المكتبة من فوق سطوح بتنا..

فى حب الجبنة..

From La Ciotat with Love...

انا فى فرنسا الاسبوع ده كله. الجو حلوز بس يوم السفر كان مجهد جداً و بالذات مع التوهان و انا سايق من نيس ل لا سيوتا و دخل فى قرى و و طرق فرعية صغيرة قوى. المسافى اللى كنت باسوقها فى تلات ساعات تالت ساعات و نص اخدتها فى 5 ساعات و كان معايا واحدة عندها فوبيا السفر و الاماكن المجهولة قعدت على اخر ساعة تقريباً بتصوت..!!!

انا فى كوناكرى في فندق palm camayenne و الاوضة بتبص عالمحيط الاطلنطى.