1- مع كل علاقة جديدة، بيتخَلّق منك نسخة ذهنية جديدة فى دماغ و خيال الطرف التانى.
2- على حسب تنوع شخصيتك و أهتماماتك و عدد الأبعاد اللى بتكون شخصيتك و ضيف عليهم فرق "السعة" اللى بينك و بين الطرف التانى، كل ده بتخليه يشوف أجزاء او أبعاد معينة (المربع مش هايشوف من المكعب الا مربع).

3- الطرف التانى أحياناً بيفضل فاكر ان حقيقتك و شخصيتك هيا فى الصورة الذهنية اللى عنده.

4- لما بيبقى فى ناس كتير حواليك بينك و بينهم فرق "سعة"، ده بيديلك احساس بالوحدة مهما كان الحب اللى هما بيحبوهولك.
5- مش معنى ان ناس عرفت بعضها فترة طويلة قوى يبقى ده دليل انهم عرفوا بعض كويس. ده معناه انهم عرفوا بعض فترة طويلة و بس.
6- العلاقات الانسانية الحقيقية هيا أبسطها و أقلها فى التفاصيل. مع زيادة التفاصيل و الشرح، بتزيد المسافة بين الاشخاص، لو مش دلوقتى، يبقى بعد شوية.