اوعى تنسى اى حاجه حصلتلك فى الماضى
-------------------------------------------
ماتأمينش بأى حاجه الا بحقيقتك و لما تلاقيها خليك معاها لحسن تتوه منك تانى
-----------------------------------------------------------
دايما افتكر نفسك و انت صغير و افتكر كنت بتحلم بإيه و حاول تحققه. عمرك ما هاتحس براحه الا لما تحقق احلامك الصغيره و انت لسه برئ
--------------------------------------------------------------
خليك شجاع و جرئ طول ما انت متأكد من الحق. اوعى تنام و انت حاسس انك خايف من حاجه و لا من حد. علشان تبقى مستريح
---------------------------------------------------------------------------
لما تبقى عاوز حاجه من الحياة متستناش حد يديهالك و لا القدر علشان انت طيب و كده ما حدش هايديك غير ...... لما تحب حاجه خدها انت بنفسك او على الاقل حاول تاخدها و استمتع بالحاجه مرة و بالمحاولة مرتين
-----------------------------------------------------------
خليك من جوه زى من بره خليك شفاف متصالح مع نفسك. ده هايديك قوة و طاقه داخلية و خارجية كبيرة جدا. كل الجدران بين حقيقتك و اللى الناس شايفاه ده بتقلل من طاقتك و روحك على الحياة
--------------------------------------------
خليك متسامح دايما بس مش ضعيف و ما تشتغلش نفسك فى ده لحسن ده من الحاجات اللى بتبوظ
-----------------------------------------------------------
حاول من فترة للتانية تجرب جنونك. كل الافكار المجنونة اللى بتعدى على دماغك من وقت للتانى اطلقها على العالم والناس. اللى بيحبوك بجد مش هايزعلوا و الباقى مش مهم
-------------------------------------------------------------
فكر دايما بإيجابية فى الحياة و خلى عندك هدف مرتبط بإيمان بحاجه معينه مهما كانت. لو مش لاقى ادى لحاجه معينه الاهمية ده علشان تلاقى سبب انك عايش او انتحر
--------------------------------------------------------
دايما خطط انك ترجع للحب الحقيقى فى حياتك
----------------------------------------------
اوعى تعبد ماضيك
هناك 10 تعليقات:
انا مش شافيفاها تخارف
شايفاها كلام جميل جدا
.
FREE Kareem! God Bless you Kareem, you are a hero for freedom. Millions of people are with you in spirit.
You are not alone. Many people are working to get you out. You will get out. Someday there will be a movie about your story. Please stay safe. We love you!
.
absurd thought -
God of the Universe says
apologize to evil
religion is not at fault
all prophets' words are good
.
absurd thought -
God of the Universe says
surrender to jihad
sell out your great grandchildren
so theirs live Taliban life
.
absurd thought -
God of the Universe says
don't tell the truth
evil men will jail you
kill you to protect their lies
.
absurd thought -
God of the Universe says
don't destroy the new Nazis
exterminate their death cult
expose sick evil prophets
.
Campaign To FREE Kareem!
.
Mubarak Fears Islamist Nazis in Arabic
.
Hard To Swallow Blog in Arabic
.
Philosophy of Liberty Cartoon
.
Help Halt Terrorism Today!
.
USpace
:)
.
اوعى تعبد ماضيك
The best and true one
amy lee:
الف شكر على الكلام الجميل ده
eman m:
انت عارفه انا اللى خلانى افكر فى الكلام ده و اكتبه الجملتين الاولانية و الاخيره فهمل فعلا كانوا اصل الموضوع بالنسبالى انى استحاله هاعرف اهرب من حاجه حاصلتلى قبل كده فا من الغباء انى احاول اهرب هاضيع وقت و استهلك روحى على الفاضى فخلينى احاول اراجع كل حاجه على انها تجربة و ممكن من فترة للتانية اطلع الماضى اعرضه على انه اسكتشات انا فيها بس عمرى ما ابقى عبد لأى حاجه حصلت قبل كده و لا اخلى اى موقف او حتى رأى اتقال او حتى انا اقتنعت بيه فى وقت من الاوقات انه يبقى اله ليا او ايقون باتبعه
سعيد بمرورك
thank u
u know it was realy good to read ur words today before the new weak
i guess it may help
thanks again
Camellia Hussein:
I'm really happy to know that my words left any impression with u or was with any help.
welcome any time
هاد مو تخريف ...بالعكس هاد حكي كتير قيم وحلو ينم عن تجربة حكيمة في الحياة ...لو كل التخاريف متل هيك ...كلامك رانع
تقبل مروري
عبث...
عبث:
و الله يا عبث اللى عنده تجربه واللى معندوش تجربه و اللى قال و اللى ما قالش المهم مين سعيد فى حياته
ربنا يسعدك
حلوة اوي إوعي تعبد ماضيك .. لو ينفع أضيف من عندي
"حتي لو اقتضي الامر انك تنساه"
بجد تدوينه راااائعه .. أبدعت
ياسمين
عاقلة على ارض الجنون:
مش عارف موضوع ان الواحد ينسى ماضيه ده ينفع و لا لأ لو ينفع يبقى تمام بس ماعتقدش و هايفضل من فترة للتانية يطلعلك و يفكرك و ممكن مع محاولات النسيان يتشوه كمان و تدخلى احداث ماكنتش موجوده او احساسك بالحدث نفسه يتغير و يتغير لحد ما تنسى هوه تأثيره الاصلى عليكى كان ايه
فا انا بفضل اننا نثبت صورته عندنا نحس بتأثيره و يكون لينا قدره اننا نبص للماضى ده منفوق او من بره البرواز يعنى لما نستعيد اللحظه تتعرض علينا زى مانكون بنتفرج عليها مش عايشين فيها علشان مانقعش تحت تأثيرها و تتملكنا و فى نفس الوقت نقدر نستفيد منها و نحس بنقاط الضعف او القوه او العجز او الغرور او اى حالة كنا عليها و ساعدت ان اللحظه ده تمر بالشكل ده
بس يا ستى
شرفتينا بتعليقك
إرسال تعليق