قريت من شوية هنا عند
انها مش مقتنعة بفكرة
انا الصراحة بيعجبنى البلوج بتاع
AZ
و بتابعة على طول فقولت لما ادلو بدلوى كده مش عييب يعنى وكمان هيا قفلا التعليقات
هوه الصراحة انا كنت لسا من يومين مع واحد صديقى حموم بنتفرج على
و برده من الافلام الجامده الصراحة و قعدنا بعد الفيلم و احنا بنسجر نتكلم عليه و انا الصراحة كنت مقتنع ان وجود شخصية و حتى لو كانت مريضة بس تبث الروح فى الناس احسن من حالة الخصيان اللى الناس عايشين فيها
يعنى مثلاً انا بيتهيألى ان الناس اللى كانوا عايشين فى عصر الملك و عاصروا عبد الناصر ايام ارفع رأسك يا أخى و الكلام ده و ماتوا على ذلك قبل النكسه كانت حالتهم النفسية زى الفل
يعنى سيبك من اى حاجة و خطط و وطنية و كلام كبير و مراهنات على شعوب ماتت اصلاً من زمان
ف انك تيجيب واحد يصحى الناس ده و يالا بينا يا رجال و انتوا كويسين والله و هانعمل بيكوا احلى شغل وفعلا يبقوا عندو الروح ده سواء بجد او هوه مناخوليا بس الناس هاتقوم من الموات اللى هما فيه و بعدين بقه يبقى ربنا يتولاهم مش مشكلة بس على الاقل يبقوا غيروا جو
و طبعاً بالنسبة لأن ده شخصيات مرييضة وكده علشان اتعاملوا بساديه فأنا الصراحة لو كده نتوقع عدد لا نهائى من الشخصيات ده و خاصة بعد ما شوفنا معاكو فيلم السهرة اللى هوه البيه الظابط بيحط عصايه مش ولبود فى مكان عفة سائق فى قسم الشرطة
و كمان بعد ما شوفنا الكوليكشن من افلام التعذيب اللى بتحصل فى الاقسام طبعا اللنكات ده من الوعى المصرى اللى الصراحة وائل عباس عامل شغل الله ينور
طبعاً و اكتر من التعذيب و السادية انا من وجهة نظرى كفاية سياسة الامبالاه اللى حكومة اسم النبى حارصة بتتابعها مع الناس يعنى اللى مش عاجبه حاجه ممكن يسب مييت ايمان للريس و الجكومة ومافيش مشاكل و ملفيش تغيير برضه
السياسة الوسخة ده من وجهة نظرى اكبر اسباب الخصيان الفكرى و الاجتماعى اللى حاصل الناس كلها بقت عندها يقين ان
مافيش فايدة
و بعضهم وصل لمرحلة نفسية زيه زى اللى بيتحطله العصاية بس ده بيغرسوله العصايه فى روحه و فى عقيدته و فى كل الحاجات اللى كان فاكر انها من حقه
ف يا الف مرحب بالنمازج المريضة لو هاتقوم الناس من اللى هما فيه و اللى يحصل يحصل بعد كده مش هايكون انيل من ال خمسه و عشرين سنة اللى فاتوا
مع كامل احترامى بجد يا
AZ
هناك 4 تعليقات:
انا مشفتش الفيلم ولا اعرفه بس بجد موضعك ده انا حاسه دلوقتي حاسس اني مش عارف اعمل ايه اكبر دماغي واعيش ما الكل عايش وارمي ضميري في اول زبالة ولا اخسر كل حاجة واكسب نفسي بجد مش عارف بس كل الي عارفه اني ربنا هيسألنا في يوم هنقف ادامه عملنا ايه وليه ده الي مخوفني اكتر يا تري لو هو سعد قال لصفية ليه مفيش فايدة ولا سابها كده وخلاص
ان انت تكسب نفسك و تخسر كل حاجة تانية ده الاوبتمم يا باشا
بس زى كل الحاجات الاوبتمم ما بتشوفش النور و بتفضل عايشا بس جوانا
و بتفضل تعمل حاجات غلط بره و روحك شايلة الطهر و البراءة بس للأسف لحد وقت معين و بعدين روحك تبدى تطبع و تتلوث من تكرار الاثم ايا كان و بعدين تبقى زيك زى الكل ويتولد واحد برئ تانى يسأل نفسه يا ترى اعمل زى ده ولا اخسر كل حاجة و اكسب نفسى
اولا ازيك
انا الحقيقه مشوفتش الفيلم دا
بس حبيت اني اقول رايي علي اساس فهمي المتواضع للموضوع نفسه والجزء اللي اثارني في كلامك عن اشعال حماس الناس لفكره معينه تخليهم يخرجوا من الساقيه اللي ماشيين فيها ومغمضين عنيهم وقافلين دماغهم سواء برضاهم او غصب عنهم
المشكله ممكن تكون في ان الناس دي ممكن تتحمس لاي فكره حتي لو كانت سلبيه ومبيبقاش عندها قدره علي تمييز دا لانها بطلت تفكر من زمان
مشكله كمان بحسها هي ان في ناس كتير ميته اساسا وعايشين كدا زي فيلم رعب من غير روح ولا عقل زي ما يكونوا اتبرمجوا علي الحياه بالشكل دا
المشكله اني بقيت كمان بخاف اتحمس لاي فكره لاني بقيت بشك في مدي صحتها وايه اللي وراها
سوري للهرتله والتطويل بس الشخص المقهور اللي جوايا مقدرش يسكت
tona:
اهلاااااااااا فيينك من زمان يا فندم
و الله بالنسبة للقلق ان الفكرة تكون سلبية طبعاً انت عندك حق بس ما فيش سلبية اكتر من اللى احنا عايشين فيها يعنى مش هايجيبوا جديد او على الاقل هانتنقل لمرحلة وحشة جديدة و ده تغير فى حد ذاته
بس انا كلامى عن الفيلم كان عن الفكر الانتقامى ان واحد حول ثأره الشخصى من الحكومة لقضية ثأر عام لكل الشعب و ده فى حد ذاته انا مش شايفه غلط لأن ماحدش هايحس بالظلم الا اللى وقع فيه و بزياده حبتين زى بطل الفيلم ده
او الاحساس بالغضب الشديد لفقدان الامل و الاحباط زى فى فيلم هتلر مع شوية مانخوليا طبعاً بس مافيش مشاكل اهوه حرك المياه الراكده و السلام
موضوع ان ناس كتير ميته انا معاكى طبعاً
الناس كلها ميته لإما بتشوفيهم فعلاً ميتين لإما حاطين نفسهم فى فقاعه معينة عاملينن نفسهم مالهومش دعوة باللى بيحصل بره الفقاعة او حتى متصورين ان العام كله جوه الفقاعة بتاعتهم ده
انا بقيت بشك ان فيه حاجه اصلاً اسمها صح
اهلا بيكى دايما
إرسال تعليق