The Beautiful Country

فيلم لمخرج نرويجى. عجبنى رسم الشخصيات فى الفيلم.

و طبعاً Tim Roth

Bai Ling حلو قوى لعبت شخصية لينغ 

دلل نفسك مع عيش السرايا و قهوة لبنانى على أنغام فيروز

انا عاوز من ده يا عم حزنبل

http://www.imdb.com/title/tt0084503/?ref_=fn_al_tt_1
is now playing on TCM Channel!

Whale Rider

تانى فيلم نيوزيلندى أشوفه.

الفيلم عجبنى و بالذات مع حبى لأسطورة الحوت.

انا ازاى لحد دلوقتى ماكتبتش عن الناس القريبة منى و اللى فيه معاهم ذكريات كتير؟ حاجة مؤسفة جداً ان الواحد يفضل طول الوقت مهتم بالعالم اللى جواه بس.

الناس و الاماكن أهم!

معركة حقيقية خاسرة أفضل من نجاحات منزوعة الطعم!

حبة صور-1

الصورة ده صورتها فى مارس 2011 كنت سايق من Nice ل La Ciotat و تهت. المسافة بينهم حوالى 190 كم  كنت باخدها فى العادى فى ساعتين من على طريق A51. بس المرة ده تهت و دخلت من طريق جبلى بيعدى على كذه قرية صغيرة و مزارع نبيذ و وصلت الفندق فى La Ciotat بعد 5 ساعات سواقة.  الدنيا كانت بتشتى جامد و المرة ده مالقتش عربية صغيرة فاضطريت اأجر عربية كبيرة نسبياً (السفرية اللى قبلها كنت مأجر smart). اللى خلانى أفتكر الصورة ده انى كنت مبسوط قوى يومها انى اكتشفت الطريق ده و شوفت حتت جديدة و البيوت و المزارع و حتى الطريق كان ممتع و مبهج.

صورة منغمشة ل Monte Carlo Casino فى Monaco. المكان ده فى الفخامة المبهجة. احساس الفخامة فيه طبيعى و جميل مختلف عن احساس الفخامة فى قصر الامارات مثلاً او برج العرب اللى الفخامة فيه مصطنعة و مش باحسها متماشية مع المكان و الذوق العام رغم حبى لدبى.

الصورة ده و احنا فى اعلى حتة من Route Des Cretes. نزلت بعدها انا و Evgeny و عتيق خان على مدينة Cassis و ضربنا Bouillabaisse. ده شوربة سمك مشهورة بيها مارسيليا و مناطق جنوب فرنسا عامة.

الصورة ده فى فرنسا برضه بس قبل الصور اللى فوق بسنتين فى نوفمبر 2009 فى مكان حقول برية على طريق A51 جنوب فرنسا.

لارناكا - قبرص مايو 2009. أحيه عاليوم ده. ابتدا فى نيقوسيا عاصمة قبرص اليوم اللى قبليه الساعة 7:30 المغرب و خلص فى لارناكا تانى يوم الساعة 11 الصبح. و اللى حصل ما بينهم ما يتنيسيش :) :)

 و أدام افتكرت قبرص اكيد لازم اجيب  Art Cafe1900. واحد من احلى الاماكن اللى روحتها. هو عبارة عن دورين. الدور اللى تحت بار لطيف كدة و البارمان اسمه ماريوس راجل خمسينى لابس لبس الكشافة زى العسل و أعد يتكلم و يهزر معانا و الدور اللى فوق مطعم اللى ماسكاه ست لطيفه جدا اسمها ماريا. أكلت فيه أحلى ستيفاديو دقته فى التلات مرات اللى زرت فيهم قبرص . ماريا و ماريوس بيحبو بعض من زمان و عاملين المكان ده علشان يستمعوا و يعبروا فيه عم نفسهم و ليهم موقع حاطين فيه صور و القصة بتاعة المكان http://www.artcafe1900.com.cy/

بالتساوي

******* 

المرأة التي تحبُّ التفَّاح

قطفت ثلاث تفَّاحات

واحدة لها

واحدة لي

واحدة لحبيبتي.

الرجل الذي يلعب بالأحجار

بنى ثلاثة بيوت

واحدًا له

واحدًا لصديقه

واحدًا لي و لحبيبتي.

الطفل الذي يعدُّ النجوم

عدَّ ثلاث نجمات

واحدة له

واحدة لي

واحدة لحبيبتي.

الرجل الذي يريدُ كُلَّ شيء

اشترى ثلاثة خناجر

زرع الأوَّل في صدري

و الثاني في صدري

و الثالث في صدر حبيبتي.

*******************************************

 ما يحدث لي و لكم

*************

ماذا يحدث لي

إنَّني أتألَّم جدًّا

و أقول: آااااخ

كُلَّما رأيت البشر و الحيوانات و الأشجار!

ماذا يحدث لي

إنَّني سعيد جدًّا

و أقول: لا بأس أيُّها الصديق

لم يزل لدينا بشر و حيوانات و أشجار

البشر يعملون و يحبُّون

الحيوانات تعمل و تحبُّ

و الأشجار تزهر دائمًا

و لكن ما هو سيء

أنَّنا ما زلنا نقول: آااخ

في الصباح

و المساء

و عندما نضع رؤوسنا فوق الوسائد

------------

رياض الصالح الحسين

من ديوان بسيط كالماء، واضح كطلقة مسدَّس

1982

عالم جميل حزين جميل.

خيري شلبي (31 يناير 1938 - 9 سبتمبر 2011)

ربنا يرحمك يا عم خيرى.

شكر موصول لبلال علاء انه عرفنى على رياض الصالح حسين

لمن أتحدَّث اليوم

الإخوة أشرار

و الأصدقاء ليسوا أصدقاء حب.

لمن أتحدَّث اليوم

القلوب قلوب لصوص

و كل رجل يغتصب ما عند جاره

--------------------- 

شاعر مصري قديم

The Most Fun you Can Have Dying

ده أول فيلم نيوزيلندى أتفرح عليه. 

 الفيلم عجبنى 

كم الضيافة و الترحاب و الوشوش البشوشة الطيبة و كمية الاخضر فى الغابات من عنتيبى لكامبالا لحد الفيو من بلكونة الاوضة يخلينى اقول ان مشكلة السياحة في مصر مش فى الحكومة ولا النظام.

عن اللا شيء الحزين و قضايا خاسرة أخرى.

Tomorrow to Uganda for the next 4 days. First time for me in East Africa!

تلات سلامات يا واحشنى

تلات أيام...

*******************

يَس بقى بيحب Angry Birds قوى. كل حاجة عنده بقت Angry Birds. هو أصلاً بقى شبه ال Angry Birds. و أى لبس لازم يكون عليه Angry Birds. و ايه، عارفهم واحد واحد: الأحمر و الأصفر و طبعاً الأزرق اللى فيه منه Ice Angry Birds المرسوم على البيجاما بتاعته اللى لو مغسوله، بنبقى كلنا بندعى ربنا انها تنشف بسرعة علشان يَس يلبسها و نرجع نحس بدفء ال Angry Birds تانى فى البيت.

من كام يوم لقيت يَس بيقولى أنت تعرف الحكاية بتاعة ال Angry Birds ايه؟ هو ليه Angry مش Happy؟ و هو طول عمره هايفضل كدة Angry و لا هايبقى خلاص Happy؟

*******************

بعادك يا جميل طوّل

و ده أول بعاد بيطول

*******************

فريدة بقت مشكلة. عاوزة تعرف كل حاجة و بتسأل على أى حاجة، ليه و بتعمل ايه و لبست البنطلون ده مش ده ليه و كنت فى الحمام بتعمل ايه.

كل يوم الصبح و انا نازل الشغل لازم تقولى هاتلى شوكلاته بيضه. ده شوكلاته من Kinder على شكل بيضه مقسومه نصين، نص فيه شوكلاته و النص التانى فيه لعبه بلاستك بس قطع صغيرة لازم تركبها على حسب الكتالوج الصغير اللى بيجى معاها. بنقعد نركبها سوا و نلعب بيها ساعة بالكتير قبل ما تتكسر او تضيع.

بس فريدة بقالها فترة مش طويلة: بعد ما تفكرنى بالشوكلاته تقوم باصه لى باصه كده انا عارفها و فاكرها من زمان و انا صغير و تقولى "أوعى تتأخر".

*******************

عرفت الوحدة ايه هيا

و ايه أيامى فى بعادك

و شوفتك هانت الدنيا

و لا فكرت فى عتابك

و أعاتبك ليه و أنا بجبك

و أقولك ايه و أنا بجبك

يا مالى الدنيا فى عنيا

تلات سلامات و شويه

تلات سلامات

بإيدى سلام ... و عينى سلام

و قلبى سلام.

------------

الكلام باللون ده من كلامات أغنية تلات سلامات من تألف مرسى جميل عزيز

للتأريخ: 

مبضون جداً من عمرو سليم اللى كنت بشوفه نقى و بتابع رسوماته على طول من ايام الدستور القديم مروراً بالمصرى اليوم و الشروق.

عمرو مش شايف غير الاخوان "الارهابيين" و قطر و ابو تريكة و "مصر رجعت تانى لينا" و مش شايف الخره اللى مجتمعنا بقى فيه و مش شايف كم الكراهية اللى فى نفوسنا تجاه نفسنا و مش شايف القفا المجنح اللى اخدناه بعوده القمع و زوار الفجر. بجد خسارة.

Each moment here I die a little more!

- بس أنا شايف ان ....

- بس أسكت خالص.

-يا عم هو انا لحقت اتكلم؟

-بس اسكت. انت مخطوف ذهنياً دلوقتى و مش عارف بتقول ايه.

-لماذا لا يموت كل الأوغاد؟

-حرام يا راجل ماتقولش كده. طب مش مهم انا أموت. انت عاوز تنتحر ولا ايه؟ 

طب شوية حقائق جنب بعضها كده يمكن تساعدنى أفهم شوية:

1- بداية الشرخ كان فى الاستفتاء الملعون بتاع 19 مارس 2011 اللى كانت جهة فيها الاخوان و الاسلاميين و معاهم (و يا محاسن الصدف) المجلس العسكرى الموقر اللى السيسى كان أحد اعضائه. الاستفتاء النجس ده بتاع غزوة الصناديق و قالت الصناديق للدين نعمممم كان نقطة البداية ان المصريين يقفوا ضد بعض بشعارات تكفير و تحقير.

2- فى نوفمبر 2011 حصلت أحداث محمد محمود اللى الشرطة قتلت فيه عدد كبير من الثوار و كان موقف الاخوان مخزى لما باعوا الثوار و رفضوا النزول بحجة انهم حاسيين ان ده فخ و من خلال مجلس الشعب أعلن الكتاتنى "لقد أخطرنى الان وزير الداخلية انه لم يطلق خارطوش على المتظاهرين" و سقفله الاخوان و بقيت تيارات الاسلام السياسى و ظاط بعضهم تحت صمت الاخوان ان اللى فى محمد محمود دول مدمنين و بيتعاطوا ترامادول و لازم الشرطة تخلص عليهم. جدير بالذكر ان من غير الضغط اللى حصل عالمجلس العسكرى فى محمد محمود كنا ممكن زمانا لسه فى خارطة الطريق بتاعة طنطاوى.

3- ديسمبر 2011 فى أحداث مجلس الوزراء و تعرية ست البنات تحت تعليقات سافلة من الاخوان و الاسلاميين من نوعية (دول مش عاوزيين الاستقرار - أجندات خارجية - و هيا ايه اللى وداها هناك).

4- فى انتخابات الرئاسة و فى الجولة الأولى مايو 2012 حصل محمد مرسى على 5.7 مليون صوت قصاد 5.5 مليون صوت لشفيق. الفرق البسيط ده (260 الف صوت) كان مرجح انه يروح لصالح شفيق فى الجولة التانية بعد ما ناس كتير فقدت اى ثقة فى الاخوان. و هنا ظهرت حملة عصر اللمون مصاحبة لوعود و تصريحات ان مرسى هانعرف نشيلة لو ماعجبناش و وعود مرسى بالقصاص لدم الشهداء و بعمل لجنة الدستور من كل التيارات لاخراج دستور توافقى و كل ده أدى لتشكيل" الجبهة الوطنية لحماية الثورة" اللى كان فيها حمدى قنديل و وائل غنيم و وائل قنديل و علاء الأسوانى و اتفاقهم مع مرسى فى مؤتمر فيرمونت و ده خلى ناس كتير تأييد مرسى فى أول حكمة. (انا بحمد ربنا انى ابطلت صوتى فى الجولة التانية).

5- الشرخ التانى فى المجتمع المصرى كان فى قرار محمد مرسى انه يعرض الدستور للاستفتاء الشعبى بعد ما انسحب من اللجنة جهات كتير و نزل بسببه دم على اسوار الاتحادية.

6- مرسى كان رئيس فاشل و غير قادر على جمع شمل المصريين. بالعكس كان بيفرقهم اكتر بخطاباته اللى للأهل و العشيرة و مؤتمراته اللى بتحض على الفتنه ضد الشيعة و غيرهم. ده غير انى شخصياً كنت بحس بالعار لما بشوف ايا من خطاباته اللى مستواها الفكرى او الكاريزمى او الثقافى متدنى جداً و كنت دايماً بقول للناس اللى حواليا انه بغض النظر عن اى شيئ فالتاريخ دايماً هايفتكر ان المصريين فى اول فرصه حرة للاختيار اختاروا محمد مرسى.

7- طوال مدة مرسى كان واضح الفشل و العشوائية فى اتخاذ اى قرار لدرجة ان المستشاريين بتوعة اللى من برا الاخوان (و حتى اللى متعاطفين منهم مع الجماعة) استقالوا و النائب بتاعوا استقال هو كمان و كلهم انكروا عليه قراراته الهطلة اللى نزلته هو و جماعته الارض و منها الاعلان الدستورى الديكتاتورى.

8- الاخوان كجماعة و كقواعد شعبية نجحت انها تكره الناس فيها عن طريق الخطاب الاستعلائى الاستفزازى من نوعية (موتوا بغيظكم و مرسى حارقكم و التصوير بالزيت و السكر مع الابتسامة البلهاء المستفزة) و غيره من خطابات تكفيره اقصائيه من نوعية (اعداء المشروع الاسلامى - اعداء الدين و الليبرالية ان امك تقلع الحجاب).

9- ظهر تخاذل مرسى فى تطهير الداخلية اللى قال عنها انها فى القلب و انها شريك فى ثورة 25 يناير و كمان ظهر عجزه عن ادارة مقدرات و موارد الدولة و فشلة فى صد و منع المؤامرات اللى قال انها السبب فى ازمات الكهربا و البنزين و غيرها.

10- مرسى كان لازم يمشى علشان البلد و علشان الاخوان كمان.

11- الاعداد الكبيرة (جداً) اللى نزلت فى 30-6 ماكنتش مفاجأه و كان بيتجهزلها من فترة بحشد من الاعلام و ممكن تواطئ من الجيش لو عاوز بس الاكيد ان كل دول ماعملوش حاجة غير استثمار غضب الشعب.

12- البرود و التناحة اللى استقبل بيهم مرسى الملايين اللى فى الشارع و خطابه الفارغ بتاع انا الشرعية بيؤكد انه كان منعزل تماماً و ما بيسمعش لأى نصح.

13- الجيش فى 3-07 اتدخل لصالح جهة ضد جهة و اهمل الاصوات اللى راحت الانتخابات و اللى حصل ده مالهوش اسم غير انقلاب.

14- انا كان وجهة نظرى ان يستمر الضغط اللى فى الشارع لحد ما مرسى يمشى و بالتأكيد ماكنش هايعرف يستخدم الداخلية و لا الجيش فى القمع لأنهم مش معاه اصلاً (كانوا نفعوا مبارك!!).

15- احداث الحرس الجمهورى مذبحة مسؤول عنها الجيش و الشرطة هيا و احداث المنصة.

16- مسؤولية الدولة (السيسى دلوقتى) حماية الموطنين. القتل اللى حصل فى بين السرايات و الاعتداء عالكنايس و توريع المسيحيين فى رقبته و مسؤولية وزير الداخلية القبض عالمجرمين و تقديمهم للعدالة.

17- اللى حصل فى رابعة و النهضة و ما بعدها عار عالجيش و المذبحة فى رقبة السيسى.

18- الاستهزاء و الشماته فى الموت و الدم من شيم الوضيع عديم الاصل.

19- لو الاخوان باقى عندهم اى ذرة من حب او خوف عالبلد و على دم المصريين، يطلعوا دلوقتى يقولوا انهم هاينسحبوا من الشوارع حتى لو شايفيين انهم على حق علشان المعركة مش زى ايام مبارك ما بين شعب و مؤسسات دولة فاسدة، المرة ده فى شعب فى الطرفيين و طرف منهم معاه جيش غشيم بيقتل شعبه و شرطة لسه وسخة. و يقولوا انهم فى سبيل ان المصريين ما يقفوش قصاد بعض، هما بيفضلوا يكونوا الطرف المنسحب (منسحب من قدام طرف الشعب التانى مش من قدام الدولة و بطشها).

على جنب:

د. المصطفى حجازى: أخصصصصصصصص!!

I don't like the game anymore.

About to give up.

Sad.

هناك مرحلة معينة من القبح لا يمكن مقاومتها إلا بالابتذال.

"A guy told me one time, "Don't let yourself get attached to anything you are not willing to walk out on in 30 seconds flat if you feel the heat around the corner.""
Neil McCauley (Robert De Niro) to Vincent Hanna (Al Pacino)
Heat
1995

كأغنية قديمة.