انطباعي دايما عن رامي انه انسان حساس و رقيق و عنده دايما / غالبا طاقة إيجابية بتدفعه للتفاؤل و حب الحياة و توقع الأفضل، و ده كنت بشوفه علطول في ابتسامته رغم ظروف الحياة اللي مش دايما كانت سهلة.
اخر كلامنا كان في المرة اللي اتقابلنا فيها في القاهرة و كنت فعلا مبسوط لما قابلت مراته اللي كان ارتبط بيها و هو لسه في دبي و اللي دايما كان حاسس انها عوض من ربنا ليه في الدنيا و شوفت ده فعلا في نظرته ليها و احنا قاعدين بنتعشي احنا التلاتة و بنضحك و هما الاتنين بيحكولي علي نوادر بنتهم الصغيرة و ازاى عندها حس فني رقيق و ذكي حتي من سنها الصغير ده. ماكنتش مستغرب من ده تماما.
ربنا يرحمك يا رامي و يغفرلك و يجعل مثواك الجنة و يصبر اهلك و يكون لطيف و حنين ،كما نعلم عنه، على مراتك و بنتك.
آمين
ليست هناك تعليقات:
إرسال تعليق