- بتتقابلوا أو بتجمعكوا الحياة. بتعرفوا بعض؟
-لا مش قوى.
-عملت ايه؟ بعدت؟
-لا.
-أمال؟
-قضيت سنين ابنى جسور ما بينا و اخده من ايده فى جولات كتير جوه نفسى. اصلى عارف الطرق جوه كتير و تتوه و مافيش علامات رغم انه كلها بتودى لطريق واحد بس هما لسا ما يعرفوش ده. و بعد عِشرة سنين طوال هانتكلم و نبتسم و نلاقى نفسنا بنضحك مع بعض و نزعل مع بعض و زى ما بيقولوا "بيفهموا بعض من نظرة العين".
- جميل. و بعدين؟
- و لا قبلين. فى الوقت اللى هابقى مكشوف تماماً قدامه و هابقى فاكر انى شايفه و عارف كل الطرق جواه كويس. هلاقيه لسه عنده حركات جديدة و خدع انا ماعرفهاش و هايعملها قدامى و انا هابقى باصص و انا فاتح عينى زى العيل الصغير. المشكلة انه هايجرحنى و هو بيعملها.
- و بعدين؟
- و لا قبلين. برجع لوحدى تانى.
ليست هناك تعليقات:
إرسال تعليق