Stella at 1UP. My last night at my apartment in TECOM :(
Less than a few weeks to move to Johannesburg...
الجمعة، نوفمبر 27، 2015
السبت، نوفمبر 14، 2015
الأربعاء، أكتوبر 21، 2015
الاثنين، أغسطس 03، 2015
الأحد، يوليو 26، 2015
الاثنين، يوليو 20، 2015
الثلاثاء، يونيو 09، 2015
التحول لشجرة
الفكرة ده فكرت فيها من مدة كبيرة و النهاردة لقيتها متنفذة فعلاً :)
http://www.the-open-mind.com/forget-coffins-these-pods-will-turn-you-into-a-tree-when-you-die/
الجمعة، يونيو 05، 2015
- عارف لما يبقى حد واحشك. بتدور عليه فى اي حاجة.
- تدور على اى صورة ليه، تقعد تفتكر اى ذكرى ليه تضحك منها، او حتى تدمع لما تفتكرها.
- احيانا بقى مابتلاقيش او الصور و الذكريات مش بيبقوا كفاية او بالعكس بيوحشك اكتر. تقوم مكلمه. بتبقى بس عاوز تسمع صوته اللى انت فاكره.
× طب هو ادام حد عزيز عليك قوى كده، ليه مش بعض او عالاقل فى اماكن قريبة تعرفوا تشوفوا بعض بسهولة؟
- ...ظروف.
× اها صحيح.
الأربعاء، مايو 20، 2015
الأحد، مارس 29، 2015
السبت، مارس 07، 2015
و ان مر يوم من غير رؤياك..
-------------------------------
سفينة كبيرة فى وسط المحيط. المايه على مد البصر من كل الاتجاهات. ناس كتير واقفين على السطح. واقفين ساكتين كأنهم فى عالم تانى، ما حدش بيبص لحد و لا بيتكلم، كلهم باصين ناحية المايه. المحيط كان هادى فى اليوم دة.
---------------------------------------
فاكر لما مرة طلعت رحلة تخيم لوحدى. رحت عند أبعد نقطة على الحدود مابين الامارات و عمان، كانت ده أقرب نقطة من المحيط الهندى. بعد ما نصبت الخيمة، قعدت شوية مبهور بشكل السما؛ فوقيا كان مهرجان نجوم.
السما فعلاً كانت منورة بس بالنجوم. نجوم كتير بكل التشكيلات و المجموعات اللى أعرفها و اللى ماأعرفهاش. كنت سامع صوت الموج بيضرب على الشط و يرد تانى. كنت شفت و قربت من المحيط الاطلنطى لما كنت قاعد فى فندق بيبص عليه فى كوناكرى و نزلت فعلياً فى وسط مضيق هرمز قبل كدة بس ده كانت أول مرة اكون قاعد على شط المحيط و فى الوقت ده من الليل.
صوت الموج بعد شوية سيطر على كل حاجة تانية: كنت بسمع الموج بيضرب على الشط و يكمل صداه جوايا قبل ما يرد تانى عالمايه.
قعدت مسحور الله أعلم قد ايه و بعدين قررت انزل. كانت الساعة تقريباً قربت من اتنين. انا متعود أنزل البحر بليل سواء ايام اسكندرية او الخليج فى دبى بس المحيط مختلف تماماً عن البحر، كبير بتوحش. مسيطر و غامض بشكل غير طبيعى اول ما نزلت حسيت برهبة و كل ما ادخل جوة اكتر الرهبة ده زادت و حسيت ان الكائن الخرافى ده ممكن يطلع منه اى حاجه.
طلعت على طول و ما طولتش و مانزلتش تانى الا لما الدنيا نورت على خمسة و نص كدة.
----------------------------------
There's a kid who had a big hallucination.
-----------------------------------
حوت أحدب كبير بيظهر واحدة واحدة. راسه أول حاجة بتظهر من تحت المايه. راسه كبيرة و فى أخرها بتظهر عنين شايلة حزن و ارهاق الى شافه في ال 150 سنة اللى عاشهم. بياخد نفس بيطلع به نافورة هوا و بينزل ببطء تانى.
بيطلع فجأة لحد ما بيظهر اكتر من نص جسمه فى سطح الماية بشكل شبه عمودى قبل ما يهبد نفسه بقوة على سطح المحيط و يختفى مرة تانية.
-------------------------------------
و يوم ما تسعدنى بقربك.. ألاقى كل الناس أحباب.
---------------------------------------
الموج بيعلى فجأة و السما بتغيم. المشهد كله بيتحول للرمادى و السفينة بتبان من بعيد مش واضحة قوى. من غير اتفاق، الناس بترمى نفسها بشكل تتابعى من على السفينة.
------------------------------------------
and if I show you my dark side.
would you still hold me tonight.
and if I open my heart to you and show you my weak side.
What would you do?
-----------------------------------------
- بابا، انت عاوز تلعب معايا؟
- اه يا يس.
- هاتلعب قد ايه؟
- كتير.
- يعنى انفنتى لعب؟
- اه.
- :) تحب تلعب معايا بوكس بوكس و لا نرسم؟
------------------------------------------