وعد و مكتوب

2011-11-24T01:05:00.000+02:00

انهرده كملت من العمر تلاتين سنة و انا فى ايطاليا فى فندق
Aurora Garden
فى روما
كل سنة و انا طيب :)

2011-10-18T23:39:00.002+02:00

تانى تانى تانى

2011-09-07T00:55:00.000+02:00

احتياطى .. كس أم الإستئناس. مؤقتاً

2011-08-03T12:35:00.002+02:00

{قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء
بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ }آل عمران26

2011-04-21T08:07:00.002+02:00

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

ربنا يرحم صلاح جاهين
21 ابريل 1986

2011-04-14T15:02:00.001+02:00

غالباً انا عندى اضطراب ثنائي القطب

2011-04-07T12:54:00.000+02:00

و أحبب من شئت

فإنك مفارقه

2011-04-03T23:39:00.000+02:00

انت عارفه
اقولك حاجه مجنونة
.. .... ..... ... .. ... .. ...... .. .....

2011-04-03T23:29:00.000+02:00

انا اتبضنت الصراحة من عدد الناس اللى المفروض عارفنى من زمان و لحد دلوقتى لسه اكنهم كانوا بيشوفوا حد تانى!
بس الحمد لله لسه فيه نفس الاتنين اللى بيتهيألى شايفنى كويس و بينضم ليهم حد تالت هيييييييييييييييه تلاته رقم حلو

البحث عن أقرب غريب

2011-03-26T10:37:00.004+02:00

بس أول كام كلمة علشان أرجع أسخن ايدى تانى و استرجع احساس الكتابة.
-----------------
الواحد كان مفتقد الاحساس ده جداً بالذات فى الفترة الأخيرة. إحساس انك فجأة و بعد طول انتظار و لف فى طاحونة أو طواحين, سواء طواحين بتدورها أو بتدورك, سواء بتحاربها أو بتخلقها بخيالك علشان تحاربها.
بعد فترة من التعامل مع كل أنواع الطواحين ده, بتبدأ تحس انك تهت او انك ضعت. انك فى مكان مش عارفه و مع ناس معدتش عارفهم. كأنك دخلت بوابة ضلمة و عديت من الناحية التانية شخص تانى خالص بملامح جديدة, ملامح شكلية و نفسية جديدة. بتحس فى الأول انك مابقتش تعرف الناس اللى طول عمرك معاهم كأنهم بقوا أغراب. المفاجأة المدهشة المحزنة إنك بتكتشف انك انت اللى بقيت غريب, غريب حتى عن نفسك و انك بقيت بتندهش من الحاجات اللى بتعملها كأن واحد تانى هو اللى بيتصرف و ياخد عنك القرارات.
الموضوع ده مجهد جداً و بذات لما بيحصل كذا مرة جوه بعض يعنى تعدى من أول بوابة ضلمة و تمر بكل اللى فات ده لحد ما تكتشف انك انت اللى غريب مش اللى حواليك و بعدين و قبل ما تلحق تتعرف على الشخص الغريب اللى بقيت عليه تلاقى نفسك بتعدى فى بوابة ضلمة تانية سواء غصب عنك أو باختيارك اللى هو مش اختيارك اللى هو اختار اول غريب بقيت عليه فى محاولة منه انه يا اما يرجعك لأصلك او يكون عاوز يتوهك و يدهولك زيادة على حسب بقى بقيت غريب قد ايه.
المهم انه فى الغالب بتكون النتبجة واحدة و اللى بيطلع من البوابة التانية بيكون شخص غريب عن الشخص الغريب اللى عدى من البوابة الاولانية اللى هو أصلاً شخص غريب عنك و عن شخصيتك الحقيقية.
الفكرة بقى انه ساعات بتعدى خلال أكتر من بوابة من دول, عند مخرج كل بوابة بيطلع شخص غريب بيبص على كل اللى وراه على انهم غرباء, لحد ما بيجى وقت بتنسى فيه حتى الملامح اللى كانت بتميز بيها شخصيتك الاوالانية و بتفقد الحلم انك ممكن ترجعها مرة تانية و بيبقى أكبر أمانيك انك توصل لأكتر شخص غريب انت استريحتله فى كل الغرباء اللى انت كنتهم.
------
18 مارس 2011

صوت بلادى

2011-02-06T15:44:00.000+02:00

صوت بلادى
بلادى بلادى

بيدوى عبر الاجيال

صوت حضاره
من يومها جباره

ياما صنعت أبطال ورجال

صوت شعب ماشى الاف السنين
كل خطوه منه كفاح ملايين

امجاده كتبها بحياته
مصر حياتها خطى المخلصين

عيش حياتك
بس ابحث عن ذاتك
يا مصرى وشوف عمرها كام
نور وجودك
من خطوة جدودك
شعلة عزم وخير وسلام
صوت شعب مصري و أعظم ما فيه
أي أخ عربي يعوزه يلاقيه
أمجاده كتبها بحياته
و مصر حياتها خطى المخلصين

رجالة و طول عمر ولادك يا بلدنا رجالة ..

و غلاوتك يا بلدنا و الله مش محتاجه قوالة ..

ابنك الاسمراني فارد على الشط قناديله..

و المصري سكته محروسة بقرآنه و إنجيله ..

من صوت التاريخ يا مصري تقدر تعرف ذاتك ..

وهبت للدنيا دنيا جديدة من نبض حياتك ..

وقت ما كان لسه العالم بيعيش تايه في الغابة ..

مصر كانت دولة و ليها راية ..

فوق أعلى سحابة ..

سحابة و ندهت للـشمس قومي طلي عالوادي ..

شوفي مصر الفراعنة في وادي ، و العالم في وادي ..

دا المصري في الوادي الأخضر كان سابق زمانه ..

يتمشي في مزارع قمحه و جناين رمانه ..

زادك في القرية نشأك يا مصري في وسط عيلة..

و الأرض الطيبة فرشتها و سماها ضُليلة ..

بتصادفك يا مصري شدايد لياليها طويلة ..

تهزمها بخطوتك الجاية في الأرض الأصيلة ..

و أصيلة يا خطاوي ولادنا و تسلم الخطاوي ..

يا جاية من كفر بهية و الطرحة محلاوي ..

و بهية ياما جدي حكالنا عنها أنا و إخواتي ..

ياما خبزت و قالت له علِّم صبياني و بناتي ..

بشراكِ يا أرض بلدنا المواكب حواليكي ..

سمعوكِ و قالولك جينا نبني و نزرع فيكِي ..

و الشعب اللي امبارح جاب النصر في أعظم صورة ..

بالعلم و بالحب أهو جالك بالخطوة المنصورة ..

منصورة دايمًا يا بلدنا و البركة في شبابك ..

دا طريقهم عرفوه و منور بسم الله على بابك ..

يا ما شاء الله يا جدعان يا ما شاء الله و يا خمسة و خميسة ..

دي العيلة بتستنّى شبابها يزوّقوا العروسة.

2011-01-21T09:09:00.001+02:00

2 hours back, I finished Dubai marathon of 10 Km in 01:05:25
I am really happy :)

2011-01-15T22:09:00.000+02:00

part time friends

2011-01-06T04:12:00.000+02:00

قال له:
و ماذا تعرف أنت عن القريدس حاكم مصر؟
ترائت له صورة القريدس حاكم مصر بجلاله و سلطانه, القريدس الذى طاف العالم أجمع و خضعت له الجيوش. كان يتهادى بأرجله الثلاثة و الثلاثين و جسده الأسطوانى المهيب. و فجأة أحس القريدس بشئ يقترب من خلفه, شيئا كان يتوقع قدومه عاجلاً أو اجلا
و دون أن ينظر خلفه قال القريدس: أجئت أيتها الدودة الزرقاء العظيمة؟
قالت الدودة الزرقاء العظيمة: نعم
القريدس: و لم؟
الدودة الزرقاء العظيمة: جئت أعرض عليك عرضاً لا يمكن أن تردنى فيه
القريس: أهذه من فيلم الأب الروحى؟
الدودة الزرقاء العظيمة: نعم
القريس:أحسنت. و ما هو العرض؟
الدودة الزرقاء العظيمة:أن اخذ منك ثلاث و أعطيك واحدة, أما الثلاث فملكك و جاهك و قوتك
القريدس: و ما تتركى لى؟
الدودة الزرقاء العظيمة:ذكرك, أترك لك ذكرك, أن يظل يتذكرك من بعدك حتى قيام الساعة.
و هنا سكت القريدس.

2010-12-25T13:59:00.000+02:00

إقترب. إقترب و لا تخف. لست قبيحاً جداً كما أبدو. مم تخاف؟ أهي تلك البثور التى تغطى كل وجهى؟ ام رائحة القيح و الصديد المنتشرة فى المجال المحيط بى؟ صدقنى لم أكن دائما هكذا, لم تكن البثور و القيح يملأ جسدى بهذا الشكل من قبل.
هاهاها انت أعتقدت انى كنت يوما بدون قيحى و بثورى. لا أعتقد هذا أو لا أتذكره, أنا أتذكر وجهى دائما بالبثور إنما كانت أقل فى وقت من الاوقات, و الرائحة أيضا لم تكن مثل الان, منفرة و تدعو للغثيان.
أعتقد اننى اعرف ما الذى أدى الى انتشارها بمثل هذا الشكل و أعرف أيضا ما سبب تقيحها و خروج الصديد منها, أو أعتقد هذا على أقل تقدير.
أعتقد ان السبب هو اننى اهملت غسل روحى كما كنت افعل فى الماضى, اه الماضى الجميل حين كنت استطيع تميز ملامحى الاصلية حين لم تكن البثور قد غزت كل رقعة من جسدى بعد. وقتها كنت اميز وجهى و كنت اعرف بدقة مكان البثور بل اننى احياناً حين كنت اقضى وقت أطول من المعتاد فى غسيل روحى , أحيانا كنت أرى شبح ابتسامة, صدقنى, شبح ابتسامة على كتلة البثور التى تراها أمامك, لم تكن كتلة بثور كما قلت لك فى هذا الوقت بل كان وجه.
دعك من الماضى الان و أقترب.
أمازلت خائفاً بعد أن أكدت لك أنه كان لى وجهاً يوماً ما ها؟
تعال, أقترب, قرب خطوة أخرى
خطوة أخرى لا تخف
ها انت ذا بجوارى, ها؟ بالطبع لا أراك, أنا أشعر بحرارة جسدك, أشتم عرقك.
تسأل و ما سبب وجود هذه البثور من البداية؟ هممم هذه قصتها مشوقه و غريبة و لقد أدركتها مصادفة. و لكنى سأقصها عليك فى وقت اخر أما الان فسأغنى لك.

2010-12-07T23:27:00.000+02:00

فيه ناس مهما كان المكان اللى واقفين فيه, يبصوا لتحت, يقعوا أو يخافوا يقعوا
فيه ناس مهما كان المكان اللى واقفين فيه, كل ما يبصوا لفوق يطلعوا لفوق على قد مد بصرهم, أو يحسوا انهم انهم فى طريقهم للطلوع
الناس الأولانين لما بيبصوا لفوق بيشوفوا سقف
الناس التانين لما بيبصوا لتحت بيشوفوا الطريق

2009-12-27T14:48:00.000+02:00

بسم الله الرحمن الرحيم

"وَادْعُوهُ خَوْفًا وَطَمَعًا"

سورة الأعراف- الاية 56

صحاب-2

2009-07-05T17:50:00.002+03:00

لقراءة أفضل راجع أصحاب

تررن تررن
أحمد: ازيك يا حلاوة
عمرو: ازيك يا ميزو اخبارك ايه
أحمد: تمام و الله كله فى الاوك. ده انا كنت بكلم الواد حسنى ف بيقولى انك عيان جامد
عمرو: اه و الله يا حماده جالى دور برد و سخنية بقالى 3 شهور
أحمد: لا سلامتك يا جميل
سكوت
أحمد: عامة انا نازل الخميس اللى جاى كده كده دبى هازور اهلى و اقابل كام واحد و العب بلاىستيشن و نينتاندو. ابقى خلينا نشوفك بقه
عمرو: ان شاء الله يا باشا
أحمد: طب مش عاوز اى حاجه من ابو ظبى
عمرو: .....
أحمد:اى حاجه والله يا معلم محتاجها من ابو ظبى بس قولى انا كده كده جاى دبى يعنى علشان النينتاندو
عمرو: لا يا باشا تسلم الله يخليك
أحمد: طب انا بص اصلى فى الموقع هاقفل معاك و اكلمك بعدين
عمرو: ماشى يا باشا قشطة يالا سلام
..............
بعدها بيومين
...............
تررن تررن
عمرو: ألو
محمود: الو ازيك يابنى عامل ايه
عمرو: تمام يا حوده و الله
محمود: اصل انا كنت قاعد امبارح قاعد زهقان على النت بشات مع 734 واحد و فجأة لقيت حمادة الخرتيت طلع اونلاين و اعدت اشات معاه ساعة و نص و هو طالع لقيته بيقولى ده اخوك عمرو عيان قوى و بتاع
عمرو: اها و الله يا حوده اخدت دور جامد المرادى
محمود: مممممم لا حول الله, و ده من ايه ده يابنى هو انت قابلت اسامة و لا ايه
عمرو: لا و الله يا حوده ده انا حتى قافل الشبابيك كويس
محمود: لا يابنى الف سلامة و الله
عمرو: الله يسلمك يا باشا
محمود: طب مش عاو اى حاجه يابنى اعميلهالك. انا صحيح فى مصر بس لو عاوزنى اعملك اى حاجة
عمرو: تسلم يا باشا بس هاتعمل ايه يعنى يا حودة
محمود: لا و الله انا بتكلم بجد يعنى لو عاوزنى احدثلك الفيسبوك بتاعك او اعملك تشاتنج مع اى حد لحد ما تقوم بالسلامة ان شاء الله
عمرو: الله يخليك يا باشا بس قاطعين النت و الله
محمود: لا حول الله يا رب و كمان قاطعين النت. معلش يابنى و الله مش عارف اقولك ايه
عمرو: الله يخليك يا باشا. يالا يا حوده علشان ما طولش عليك
محمود: خلاص يابنى مع السلامة
عمرو: سلامة
.......................
بعد 4 ايام
...................
تررن تررن
عمرو: الو
هشام: عمووووووووور ازيك يابنى عامل ايه
عمرو: أتش ازيك يا باشا واحشنى جدا
هشام: و انت اكتر و الله يا عمور الف سلامة عليك
عمرو: الله يسلمك يا جميل. ده انت عرفت منين
هشام: ده انا كنت على النت و قابلت محمود و قعد نص ساعة يكلمنى على الغربة و ...
عمرو: غربة ايه يابنى هو مش محمود فى اسكندرية
هشام: لاااا هو انت ما تعرفش
عمرو: لا و الله فى ايه
هشام: مش نقل من اوضته للأوضه اللى جنبها
عمرو: لاا يا راجل ده امته حصل الكلام ده
هشام: من كام يوم و حالته صعبة خالص والله الواحد زعلان علشانة و خاصة ان الاوضه الجديدة مافيهاش كنبة
عمرو: أووووه لا حول و لا قوة الا بالله ليه كده بس
هشام: والله الواد ده حظه غريب
عمرو: اه و الله ربنا يصبره ان شاء الله عامة كام يوم بس و ان شاء الله هايتعود على الاوضة الجديدة
هشام: يا رب
عمرو: ماشى يا أتش مش هاطول عليك
هشام: لا يا باشا و لا يهمك انت المهم تقوم بالسلامة ان شاء الله
عمرو: ان شاء الله يا جميل. الف شكر يا أتش يالا يا باشا سلام
هشام: سلام يا عمور و خلى بالك من نفسك
عمرو: و انت كمان يا أتش سلام

2009-05-29T12:47:00.001+03:00

اللهى يا خالقى و مولاى و سندى, أرجوك فضل من علمك و هدى من هديك. الحب أولى أم الخوف؟

قالو ان رضاك من عبادتك و أن عبادتك فى اتباع أوامرك و اجتناب نواهيك‘ قلت لهم انى متبع طريق حبك و ان رضاك فى اجتناب الظلم و قول الحق و حب الناس كحب نفسك و حب الخير و البحث عنك فى كل شئ.

مولاى "أقوم بالليل و الأسحار ساجية ، أدعو و همس دعائى, أدعو و همس دعائى بالدموع ندى" * و قد لا أصلى بانتظام و قد افعل من الذنوب ما لا أضر به أحد انا معترف بذنبى أمامك و أنت أعلم بى من نفسى إنى ما فعلته الا عن ضعف .

(وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلاً عَظِيماً * يُرِيدُ اللَّهُ أَنْ يُخَفِّفَ عَنْكُمْ وَخُلِقَ الْإِنْسَانُ ضَعِيفاً) (النساء:28)

مولاى أنت أعلم بى من نفسى. مولاى، ربى و خالقى و حبيبى, ضعفى يغلبنى فاتبع أهوائى فأعود فاتوب اليك. فأنا كثير الخطأ كثير التوبة فهل تقبل منى.

أدعوك يا مولاى من فضلك أن رحمتك تغلب انتقامك و أن مغفرتك تغلب عدلك.

"و آخرون اعترفوا بذنوبهم, خلطوا عملا صالحا و آخر سيئا عسى الله أن يتوب عليهم إن الله غفور رحيم" (التوبة: 102)

*: من تواشيح مولاى لسيد النقشبندى

كلام جوايا

2009-04-03T17:55:00.001+02:00

لقد كانت تمطر يا صغيرتى يوم رحيلك. و هذا حدث نادر فى هذة الصحراء التى نعيش بها. لقد حدثتك كثيراً و حكيت لك كثيراً عن أسرارى و مسراتى وأحلامى, و لكنى لم أخبرك يوماً عن أن لى فى قلبى سماءٌ تضيئ بنورك. و يوم رحيلك يا صغيرتى أظلمت سمائي وأمطرت شوكاً كما تمطر الأن شوقاً لرؤياك.

-----------------------------------------------------------------

ربنا خلق الجمال, وخباه قدام عنينا و روحنا. وساب جوا كل واحد فينا سرسوب نور، وقال يالا كل واحد و شطارته يمشى ورا السرسوب ده لحد مايلاقى أصل النور، وساعاتها بس هيلاقينى.

2008-11-07T23:31:00.002+02:00

اااااااااه

مع كل فراق كان القلب بينجرح جرح جديد

ولما القلب اتملى جروح و البعد طال

قلت خلاص زمن الجروح ولى و القلب بقى حديد

لا فراق هايفرق معايا و لا حزن تانى هايتولد

لفت الايام ورجعت شفت الفرح جوايا

و شفت روحى بتتولد و بدأت ادقق فى حاجات بسيطة

و لقى الاحبة من تانى رجعنى من تانى احس الدفا

بس جه وقت الفراق تانى

اتارى القلب متجددش

الا عشان يفضى مكان لجرح جديد

قانون الطفو

2008-10-02T00:55:00.001+02:00

"أحبب من شئت فإنك مفارقه"

Goodbye Richard Wright.

2008-09-24T23:09:00.004+02:00

take care of Syd and Shine in. you crazy diamonds together

تشوهات مثالية

2008-09-22T23:30:00.003+02:00

العلاقات فى الزمن ده بقى معظمها مشوه و مسبب و الخيبة و العجز اننا بقينا بندور على اقل هذه التشوهات قبحا و ايلاما لنا و قد نتجرأ كمان و نطلق عليها صداقه
انا بحس اننا فى رحلة للبحث عن تشوهات مثالية نعوض بيها دفء العلاقات و المشاعر الحقيقية

عندما بعث لى طارق برسالة قصيرة

2008-08-10T02:04:00.004+03:00

لماذا بعث لى طارق برسالى نصية نصية قصيرة ان محمود درويش قد مات
لا أعلم كل ما كنت أظنه انه سكران فى مكان ما و انا جالس فى مكان اخر و كان نص الرسالة "و مات درويش..كزهر اللوز أو أبعد" و كان ردى عليها برسالة أخرى نصها "حلاوته" على ظن منى انه سكران

و بعدما عدت الى المنزل و اكتشفت الخبر ..............
ما أعرفش ليه اتغيرت..ما اعرفش ليه ما بقتش حاسس بنفس الانتشاء اللى كنت حاسس بيه
نظريا و ايه يعنى ما كلنا هانموت ماهو عبد الوهاب المسير مات و انا فى الاجازة اللى فاتت فى اسكندرية و كنت فعلا زعلان
بس المرادى حاسس احساس مختلف حاسس ان خلاص ان فيه عد تنازلى ابتدا او ابتدا من زمان و انا مكنتش واخد بالى
مش عارف حاسس انه فيه حاجه حصلت من فتره و انا طنشت او من فقدان ايمانى بالقضية كبرت دماغى
مش عارف هيه ايه و لا ايه يعنى اهمية او فرق انى كنت اخد بالى
بس هوه ده اللى انا حاسس بيه
يمكن علشان انا كنت فى وادى تانى بعيد اوى عن المواضيع ده بألى فترهيمكن علشان بقالى فترة بفكر فى مستقبلى و مستقبل ابنى و فى الشغل و فى الحياة الواقعية اللى انا عايشها و اد ايه انا فعلا مبسوط فيها ومع مراتى

يمكن علشان بقيت واقعى جدا و كنت اخدت على نفسى عهد انى ما افكرش فى حاجات ما لهاش حلول
بس مش عارف ليه لما حسيت انه ممكن يكون فيه حلم بعيد مات حسيت الاحساس ده

حسيت احساس ممثل على خشبة المسرح بيمثل دور متقن جدا و مندمج جدا و فجأه واحد من بره المسرح بيطلع و يقول حاجه خارجه عن النص بس بتمس الممثل ده
ساعتها مش هايعرف يعمل ايه
احساسه اتغير
خرج بره المود خلاص
مش هايقدر يكمل المسرحيه
على الاقل الليله ده
يمكن بكره يكون نسى و يعرف يكمل

الله يرحم محمود درويش و يسامحه

تخاريف

2008-06-03T01:31:00.003+03:00

اوعى تنسى اى حاجه حصلتلك فى الماضى
-------------------------------------------
ماتأمينش بأى حاجه الا بحقيقتك و لما تلاقيها خليك معاها لحسن تتوه منك تانى
-----------------------------------------------------------
دايما افتكر نفسك و انت صغير و افتكر كنت بتحلم بإيه و حاول تحققه. عمرك ما هاتحس براحه الا لما تحقق احلامك الصغيره و انت لسه برئ
--------------------------------------------------------------
خليك شجاع و جرئ طول ما انت متأكد من الحق. اوعى تنام و انت حاسس انك خايف من حاجه و لا من حد. علشان تبقى مستريح
---------------------------------------------------------------------------
لما تبقى عاوز حاجه من الحياة متستناش حد يديهالك و لا القدر علشان انت طيب و كده ما حدش هايديك غير ...... لما تحب حاجه خدها انت بنفسك او على الاقل حاول تاخدها و استمتع بالحاجه مرة و بالمحاولة مرتين
-----------------------------------------------------------
خليك من جوه زى من بره خليك شفاف متصالح مع نفسك. ده هايديك قوة و طاقه داخلية و خارجية كبيرة جدا. كل الجدران بين حقيقتك و اللى الناس شايفاه ده بتقلل من طاقتك و روحك على الحياة
--------------------------------------------
خليك متسامح دايما بس مش ضعيف و ما تشتغلش نفسك فى ده لحسن ده من الحاجات اللى بتبوظ
-----------------------------------------------------------
حاول من فترة للتانية تجرب جنونك. كل الافكار المجنونة اللى بتعدى على دماغك من وقت للتانى اطلقها على العالم والناس. اللى بيحبوك بجد مش هايزعلوا و الباقى مش مهم
-------------------------------------------------------------
فكر دايما بإيجابية فى الحياة و خلى عندك هدف مرتبط بإيمان بحاجه معينه مهما كانت. لو مش لاقى ادى لحاجه معينه الاهمية ده علشان تلاقى سبب انك عايش او انتحر
--------------------------------------------------------
دايما خطط انك ترجع للحب الحقيقى فى حياتك
----------------------------------------------
اوعى تعبد ماضيك

2008-05-15T11:07:00.005+03:00

انها تلك الروح اللتى خلقتيها حولى و داخلى من عدد التفاصيل الصغيرة

سؤالين

2008-05-11T15:24:00.000+03:00

هوا انا ليه عامل كده؟
هوا انا كنت كده على طول؟

2008-03-21T02:32:00.002+02:00

عارف احساس انك مضطر تشيل قلبك فى برطمان و روحك فى التلاجه علشان تمشى طريق..انا بقه يا اخى قربت ازهق من الرحلة كلها

2008-01-27T18:31:00.000+02:00

هو:أحااااااااااا.......... بتقول هاتتجوز السنة دى
أنا: اه يا عم الحج ربك يسهل
هو: ومال ربنا و مال الموضوع ده!! ده حاجه فى دماغك انت! انت ايه اللى يخليك تتجوز يا راجل يا اهبل انت
انا: يعنى ايه اتجوز ليه اتجوز يعنى اتجوز و هاتجوز نيهاهاهاهاههاها
هو: لأ قصدى يعنى ايه الاسباب انت لسه قدامك حاجات كتير تعملها فى حياتك
انا: زى ايه يا عم الحكيم
هو: احا انت مش شايف كل النسوان الجميلة ده بكل الجنسيات اشى ابيض على اسمر على .
انا مقاطعا: اه على احمر على فسدقى خلاص يا سيدنا ما احنا عدينا المرحلة بقه. الله ما احنا دافنينو سوا نيهاهاها
هو: لا يا خويا كل واحد دفنه مع نفسه
انا و هو: نيهاهاهاههاهااااااااااااااااا
هو:بس برضه لسه فيه كتير و بعدين انت لسه ماشفتش حاجه و انا عارف انك نفسك تلف الدنيا و تشوف بلاد الله اشى ايطاليا على دنمارك على امريكا الاتينيه و تجرب الحريم الاتينى الملعب زى خالدة الذكر شاكيرا هانم طيب الله ثراها هاههاهاها و بعدين انا عارفك تموت فى التجربة طول عمرك بتحب تجرب حتى لو لفترات قصيرة بس تموت فى التجريب
انا: التجربة ماهما كانت بتديلى احساس ان انا لسه عايش و بفكر و باشوف جديد و باعيش حياة جديدة مع كل تجربة
هو: والجواز ده بقه بروح أمك هوه اللى هايخليك تعيش حياه جديده (شخرة قصيرة) أحااا ده انت كده هاتقضى بقيت عمرك كوبى باست يا بتاع الكمبيوتر يا متبرمج
انا و هو: نيهاهاهاههاهاااااااااااااااااااا
هو: لا بس حلوه يا متبرمج ده ها ؟؟
انا: اه حلوه الصراحه..
هو: المهم يعنى الجواز ده هايخلى حياتك تقليدية بحته و ..
انا: لا يا بيكو بس ده بيتوقف على الاشخاص نفسهم يعنى لو فعلا بيحبو بعض كل واحد هايحاول ..
هو: هايحاول ايه بالظبط انت بتشتغل نفسك ولا ايه؟ يعنى كل فترة هاتعملوا عمليات تجميل يعنى و لا هاتغيروا ازاى يعنى؟ انت عبييت يا عم انت
انا: لا بس ما تنساش انه استقرار و ...
هو: طب ماهو ده اللى بقوله من الصبح انت ايه اللى يخليك تستقر دلوئتى اصلاً؟ لف يا عم عيش التجارب بتاعتك اشتغل و جيب فلوس و فى الاجازة ده تروح اوربا السنة اللى بعدها تروح امريكا الجنوبية اللى بعدها تروح اوكرانيا ولا اى حته عاجباك و بفلوسك تقدر تجيب اللى انت عايزه عاجباك اى حابشتاكانات تقدر تجيبها من غير ماحد يقولك ده ايه لازمتها ولا نجيب بيها خضار و سافو و كافولا للعيل
انا و هو: هاهاهاههاههاهاههااااااااااااااااا
انا: حلوه كافولا ده
هو: حلوه هاه مش كده اقولك ايه اللى حلوة ده
انا: النضارة مش كده هههههههههههههه
هو:هاهاهاههاها خلينى مؤدب و هاميشها النضارة
انا: بص يا مشمشى انت عندك حق فى كل كلامك و زى ماتقول كده فيه شعرايه ممكن تخلى الكلام صح او لأ
هو: و اللى هيه ايه بقه
انا: ايمانك بوجود ربنا و ان الواحد المفروض ...
هو مقاطعا: يا عم انت ....
انا: يابا خلينى اكمل انا قصدى لو انت مؤمن ان الجواز ده هوه الحل الاجتماعى اللى ربنا بيقدمهولك و تعالى بجد يا بيزو نفكر مع بعض يعنى بجد و بعدين
هوه: احا و بعدين ايه بالظبط انت عندك واحد زى ماركيز اهوه عايش زى الفل و قضى حياته بالطول و بالورب كمان
انا: ههه اه الصراحه ماركيز ده مسخره تماما شفت صورته و هو طالع بشنبه كده على الناس
هو: هههه اه حاجه كده (و طخن صوته) فيه حاجه
انا: بس برضه على حسب قناعتك يا ميزو ايمانك بالعمليه يمكن فعلا زى ما قولتلك قبل كده مافيش طريق واحد فيه عدد لا نهائى من الطرق و كل واحد بقه و دماغه بس اهم حاجه يكون مقتنع و مبسوط
هو: طب على سيرة دماغه خد ولع يا معلم

يالا يا كوتكوت يالا يا هانى يالا يا حبيبى منك ليه مع Sepultura - Refuse/Resist

2008-01-02T23:19:00.000+02:00

أساسيات الاستمرار- تعديل بسيط

2007-12-27T00:03:00.000+02:00

علشان مش هاتلاقى حد يحبك زى ماانت عاوز
و لو لقيتهفا الدنيا هاتفرقوا
و لو لقيت حد بيحبك فعلا مش هاتلاقيه بيحبك بالشكل اللى انت متوقعه و مش هاتقدر تطلب منه انه يحبك بالطريقه اللى انت عاوزها
و لو طلبت منه هايزعل منك
و علشان الاسس البسيطه للحياه بتفرض الاستمرار فرض الا اذا انتحرت
علشان كل ده انا بفكر نفسى بالبوست اللى نزلته قبل كده
----
كن قويا اقوى من الحياة لكى تستطيع الاستمرار
اجعل خارجك اقوى و اصلد من داخلك و ان استطعت فادفن داخلك
لا تعتمد الا على نفسك و ان خذلتك فأدبها بالغوص فى الدنيا و افعل ما لا تحبه حتى تركع امامك
لا تحب فالحب مهلك بشكل عام
ان احببت فاقنع نفسك بان الجمال فى الحاله و ليس فى الدوام فلا يوجد دوام فى الفناء
كن اقوى من كل من حولك لا تشكو لأحد الا لنفسك
ان اردت البكاء او البوح فاطرد الفكره فورا و فكر فى سخافة ما كنت على وشك ان تفعله
لا ترتبط باى روح من حولك ان اردت الارتباط فارتبط بجماد حاول ان تحب منزلك او عربتك او كرسيك
لا يوجد وفاء ان اردت الوفاء اما ان تقتنى كلب او تبحث عن وفاء لليله واحده من اى ملهى ليلى
لا توجد متعه الا المتع الحسيه لا تجعل نفسك تقنعك باى شئ اخر فابحث عن لذاتك
الرجل من يستطيع تحقيق احلامه لنفسه و فى عالمنا هذا هو العمل فاتقن عملك و سيجعلك قويا
ابتعد عن الضعفاء
الحياه ستستمر رغما عن اى شئ اخر تعتقده فاذهب معها و لا تعطها ظهرك
--------------------------------------------------------------------
اذ لم تستطع ان تفعل ما جاء سالفا فخدر نفسك من حين الى اخر حتى تنتهى الحياه او انتحر
------------------------------------------------------------
التعديل البسيط هو انك لو حاسس ان الحاجات اللى بتخدرك و تبسطك مؤقتا حرام
فا مفيش قدامك الا انك تصبر و تقنع نفسك ان الصبر من مفاتيح اللعبه
او انك تحط مفاتيح اللعبه ده فى ..................
عييينك يا قليل الادب

بره القضبان

2007-12-18T00:44:00.000+02:00

مش مؤلم انك مش لاقى الحب او السعاده
المؤلم فعلا لما تكون عارف مكانهم بس عارف برضه انك مستحيل توصلهم
انا طول عمرى بحارب العجز و بكره و بتمرد على الضعف و عمرى ما اقتنعت بفكرة ان الحياة بتفرض ظروف صعبة و الكلام ده
بس المشكلة بتيجى لما الحياة تضطرك انك انت تفرض الجدران اللى بتفصلك عن السعاده
لما تخليك انت تبنى جدران و قضبان حولين وحدتك
و السجن فى الوقت ده بيبقى اصعب من اى سجن علشان انت اللى بنيه بإديك لنفسك و عارف و سادد كل الثغرات اللى روحك مكن كانت تهرب منها لو حد تانى هوه اللى بنيه

بس برضه بيفضل من وقت للتانى و فى لمحه سريعة جدا اسرع و اصغر من انك تمسكها كفكرة او حلم,
لمحه من انك بره القضبان ده

للتأريخ الشخصى ليس إلا

2007-11-24T07:31:00.001+02:00

لما سألنى واحد صاحبى انهارده حاسس باإيه بأه فى عيد ميلادك اعدت فعلا افكر انا بقيت ايه و لا وصلت ل ايه فى ال 26 سنة اللى فاتوا جت فى دماغى حاجات كتير لوحبيت اعبر عنها ممكن اقول انى حاسس انى فى حكمة و زهد راجل عجوز مجرب عنده 60 سنة و تصرفات و عند عيل عنده 8 او 9 سنين مابيتعلمش من اخطاءه و مشاعر و قلب مراهق عنده 16 سنه لسه بيحب الدنيا و الجمال
لسه بدور على السكه و لسا موصلتش لحاجه
يا رب اوصل بأه :)

2007-11-20T22:27:00.000+02:00

مش فاكر بالظبط امتى ابتديت اتعود على البرد بالشكل ده

برد و لون ازرق كتير زى مايكون جواك زنزانه جدرانها زرقا السكون جواها بتحسه بتأشعر منه و بعدين واحده واحده بتتعود عليه بطريقه مقرفه

انا الفتره الوحيده اللى اخدت اجازه من الشعور اللى مش لذيذ ده هيا الفتره اللى طلعت فيها فوق شجره من خيالنا و لونا الدنيا اللوان جميله ساعتها كنت حاسس ان جوايا غابه بريه مليانه الوان و مزيكا حلوة و ريحة ياسمبن ماكنتش سايبا روحى

بس بعد كده رجعت تانى لنفس الزنزانه

الجديد فى الموضوع انى بقيت حاسس انه خلاص بخ هافضل فى الازرق و البرد جوايا مدة كبيره قوى ماعتقدش انه هلاقى حد يحضنى لدرجة انه يدوب التلج اللى جوه

الولاد الطيبين

2007-11-17T15:42:00.000+02:00

الولاد الطيبين بيحبوا البنات اللى بضفاير
بيحبوا رقتهم و ضحكتهم الصافيه و قلوبهم الخضرا و بيبقوا مستغربين ان لسا فيه قلوب خضرا بالشكل ده

الولاد الطيبين بيقابلوا البنات الحلوين و بيطبوا فى الحب بجد زى المراهقين كل مرة لسبب بس ما بيعرفوش ياخدوا حاجه مش بتاعتهم.

الولاد الطيبين بيحبوا الجمال و الخير لكل الناس و بيحبوا الناس على عيوبهم مش بيبقوا عاوزين يغيروهم بيحبوهم زى ما هما. بس بيدعولهم ربنا انه يهديهم للخير.

الولاد الطيبين عمرهم ما بيكونوا متأكدين فين طريق الخير علشان كده ما بيعترضوش على اى طريق و بيحاولوا يمشوا فيهم كلهم و علطول بيدعوا ان ربنا يهديهم للطريق اللى يقابلهم فيه و هو مبسوط.

الولاد الطيبين ما بيعرفوش يعنى ايه صحاب, هما عندهم اخوات و بس و ممكن كل الناس اللى فى العالم تبقى اخواتهم.

الولاد الطيبين بيحبوا الالوان و الياسمين.

الولاد الطيبين بيبصوا على اللى نايمين معاهم و يتأكدوا انهم بخير, بيقولولهم تصبحوا على خير من قلبهم و بيعدوا فى دماغهم على واحد واحد من اللى يعرفوهم يقولوله تصبح على خير.

الولاد الطيبين قلوبهم لسا رقيقه و لسا بيعيطوا بمنتهى السهولة لما حد بيحبهم يسافر او يفتكروا كلمة فراق.

الولاد الطيبين دايما طول الوقت بيتكلوا مع ربنا و بيحبوا من اسماءه الرحمن.

الولاد الطيبين بيحبوا ربنا
بيسلموا عليه قبل ما يناموا
بيضحكوا من قلبهم لما يبعتلهم اشارة و بيشوفوها

الولاد الطيبين لما بيتعبوا من الدنيا
بيغمضوا عنيهم
و يناموا

B 4 Borhamy

2007-11-16T17:44:00.000+02:00

مش فاكر بالتحديد امتى اتقابلت مع برهامى بس ده كان فى الكلية فى تانيه كلية هندسه قسم كمبيوتر اسكندريه و اكيد اللى كان الوسيط فى العلاقه فى الاول واحد زى العسل اسمه سامح اللى عرفت بعد فتره كبيره انه اسمه محمد سامح و ده اسم مركب.

مش فاكر برضه بالتحديد ايه اللى حصل بعد كده بس فاكر انه اللى جمعنا فى الاول اننا كنا بنسب فى طريقة التدريس فى القسم و الكلام عن الكمبيوتر و البرمجه و داده فايزه اللى لما علطول مكناش بنحضر المحاضرات او السكاشن كنا بنتطلع نشرب قهوة و سجاير عندها.

و طبعا اهم حاجه كانت واضحه اننا بنتكلم على نفس الموجه بس النوايا و الخبايا كانت مستخبية ورا اسرار كتير مكناش لسه عرفنها عن بعض و محدش فينا كان فضولى انه يسأل التانى عليها.

المهم بغض النظر عن الاوقات الظريفه جدا اللى قضيناها مع بعض فى تالته و رابعه كمبيوتر لأن المذاكره كانت بتبقى عندى فى البيت فى الاول قبل ما تنتقل فى اخر رابعه و تبقى على قهوة العمده و طبعا اثناء وجوده هوه و سامح عندى كان بيحصل كل المتخيل و غير المتخيل من لعب و مذاكره و بينك فلويد و ميتاليكا لحد رهان مين يروى للتانى بتاعه و اللى نجح فيها سامح الصراحه

بس بغض النظر عن كل الاوقات الجميله الساحره ده فأنا بترخ علاقتى الفعلية ببرهامى لما سكنا مع بعض بعض فى القاهره فى العماره اللى ورا نادى طلائع الجيش فى ارض الجولف فى حته مابين مدينة نصر و مصر الجديده

انا استلمت الشقه الاول و هو ساب الناس اللى كان قاعد معاهم و جه بعديا بأسبوع تقريبا وكانت العلاقه علاقة صداقه ظريفه طبعا

احنا اعدنا فى الشقه ده مع بعض من شهر سبتمبر 2004 لحد لما جيت سافرت فى سبتمبر 2006 طبعا كان مره هو ساب الشقه شهر و كمان مره شهر و نقل فى مكانين على حسب تنقلاته من شركه لشركه بس البداية و النهاية كانو فى الشقه ده

خلال الفتره ده عرفنا قد ايه احنا قريبين من بعض من جوه بس بطريقه معقده يعنى اللى يقابلنى لوحدى و يقابل برهامى لوحده عمره ما هايحس بالتطابق ده

بس انا زى ما كنت بقول لحوكه او ماشى الطريق امبارح ان فيه ناس بتبقى قريبه منك من جوه و شايفه كل حاجه على بعضها شايفه الاخضر و الاحمر و الازرق بكل تداخلتهم و تراكيبهم عندك و اللى علشان توصفهم او تطللعهم لحد حتى لو كان من صحابك هاتضطر انك تمد ايدك جوه عندك الاول و تطلع لون لون لوحده و فرع شجره تشيله من لفته على اللى جنبه و بعدين تفردهم جنب بعض للشخص اللى انت عاوز تفرجه اللى جواك

بس فى ناس مش محتاج معاهم فرهدة الروح ده و لا انهم يتضروك انك حتى و انت بتفرد الحاجات تحطهم غصبا عنك او لفقر اللغة بحيث يطلع شكلهم كويس و بتسكت زى اى كلب و انت شايف الشخص اللى انت طلعتله الحاجات فخور و مبسوط انه عرف شخص جواه كل الالوان و الاشجار ده او على الاقل و انت حاسس انه فهم و شافه جزء فى بعد معين

و جوه نفسك بتبقى عارف انهم هما هما بس جوه بتعقيدهم و تداخلتهم بيكون ليهم تأثير تانى غير و هما مفرودين متنظمين مش لازم يكون اوحش او احسن او اى حاجه بس مختلف و ليه ابعاد تانيه غير البعدين بس اللى الشخص اللى قدامك قدر يشوفك بيهم

انا شايف ان فيه اتنين بس من كل اللى عرفتهم قدروا انهم يشوفوا اللى جوايا زى ما هوه بكل تعقيداته و تراكيبه و اللى انا بدعى انه كتير اوى اوى و اكيد برهامى واحد من الاتنين دول.

رأيت فى ما يرى النائم

2007-10-27T08:22:00.000+02:00

"انت عارف ايه المشكله, ان احنا بدل ما نفكر و نعامل ربنا زى ما هو عاوز, بنفكر فيه و نعامله زى ما احنا عاوزين"

2007-10-11T01:32:00.000+02:00

مش عارف الصراحه ازى كان المعنى مهم اوى زى ما الواحد كان فاكر و لا لأ

اصل كل ما يظهر فى الصوره بيظهر معاه علطول القلق و راحة البال و حرب طواحين الهواء و بعد ما كل ده يخلص بيجى الاستسلام و العجز و الضعف

يمكن تكون "مرحلة" و طبعا انا اكتر واحد فى الدنيا بيكره الكلمه الغريبه ده لما تيجى توصف لواحد حالتك مهما كانت و يكون رده الجاهز السريع "ده مرحلة و هاتعدى" و طبعا انت بتتثبت الاول و تعد تحاول تقنعه بالاحساس اللى عندك و تحارب شويه و بعدين بتستسلم او بتزهق ادام اصراره و ثقته لأنه بيوعدك بحاجه فى علم الغيب عندك و علم اليقين عنده و انك هاتبقى مييت فل و اربعتاشر كمان

بس بعد فتره و مع كل مرحلة مابتكملش حاربك فيها للاخر و بتسمع فيها نصحيته بتلاقى انك كسرت كل الايقونات اللى كانت فى حياتك اللى هيا عدت عليك فى "المراحل" المختلفه. يعنى حطمت الوحده و الكابه و الثوره و التمرد و الصداقه و الحلم و الدين و حتى الحب

و بتقعد تفكر فى حالك دلؤتى و بتلاقيك بقيت اكتر اتزانا و حكمه و اقوى كتير من الاول و يمكن يبقى شكلك سعيد كمان عن الاول بس انا و انت بس اللى عارفين الحقيقه.. فخليها فى سرك

سلام

انا و عبد المحسن من اليونان

2007-08-14T14:23:00.000+03:00

صديقى الصدوق احمد عبد المحسن و كالعاده اتقابلنا بالصدفه المرعبه و قضينا ليله فظيعه الصراحه فى ايليت اللى فى محطة الرمل

من غير ما نقصد كالعاده برضه

انا اصلا نازل اجازه اسبوعين من ضبى و عبد المحسن و بعد تقريبا سنه من اخر مره اتقابلنا نزل بالصدفه اجازه من امريكا صباح الشرق و الغرب و التوقيت الصراحه

طبعا فيه كلام درر اتقال فى القعده ده عن ال

Archetypes

و الموضوع اللى ميزو بيحضر فيه و الدين طبعا

بس مش وقته المهم انا بس عاوز انزل الصور هده علشان الذكرى بس

كان نفسى الصراحه يكون فيه وقت اطول من كده اقضيه مع صاحبى عبد المحسن

2007-08-08T13:34:00.001+03:00

الليلة ديه هفة عليا زي القمر مايحن للون المغربية
لويوصفوكى راح يظلموكى ما يوصفك غيري انا فى الدنيا ديا
بينى وبينك مفيش لكن ابعد من البعاد انا ياللى لو أعيش مليش غيرك بلاد
قلبى اللى نستيه ازاى يرجع حزين هفة الليلة عليه هفيف العاشقبن
الليلة ديه هفة عليا زي القمر مايحن للون المغربية
لويوصفوكى راح يظلموكى ما يوصفك غيري انا فى الدنيا ديا
نص العمر اللى راح اضيته هناك غريب لمّيت ليكى الجراح وجيبهالك تطيب
ارجوكى متسأليش واحنا فى نص الطريق اصلك مبتعرفيش ايه بيحس الغريب
الليلة ديه هفة عليا زي القمر مايحن للون المغربية
لويوصفوكى راح يظلموكى ما يوصفك غيري انا فى الدنيا ديا

اهداء

2007-07-29T09:23:00.000+03:00

علشان الحياة هاتفضل واخده فى وشها و اازحا ما بتستناش حد

و علشان انا مقضيها لعب

بلعب شويه و ابعد و امشى و ارجع مكانى تانى

وعلشان ساعات لما بخلص لعب و باجى برجع باكتشف بعد فتره انى مرجعتش مكانى بالظبط و انى واقف فى حته تانيه غريبه و بابدأ ازهول كده و اتسطل

و علشان الولد و البنت اللى فوق الشجره و اللى مهما حصل هما هايفضلوا فوق الشجره بيتفرجوا على الدنيا و هما بيمرجحوا رجليهم الحافيه

و علشان جت عليا اللحظه اللى كنت ممكن فعلا اتحول لريحة ياسمين او لحن زى ما كان نفسى و الف و ادخل قلب كل الناس ازرع فرحه و حالة جميله

انا بهدى الصورة دى ليا انا لروحى و بقولها

معلش كملى لعب

أساسيات الاستمرار

2007-07-25T12:05:00.000+03:00

كن قويا اقوى من الحياة لكى تستطيع الاستمرار

اجعل خارجك اقوى و اصلد من داخلك و ان استطعت فادفن داخلك

لا تعتمد الا على نفسك و ان خذلتك فأدبها بالغوص فى الدنيا و افعل ما لا تحبه حتى تركع امامك

لا تحب فالحب مهلك بشكل عام

ان احببت فاقنع نفسك بان الجمال فى الحاله و ليس فى الدوام فلا يوجد دوام فى الفناء

كن اقوى من كل من حولك لا تشكو لأحد الا لنفسك

ان اردت البكاء او البوح فاطرد الفكره فورا و فكر فى سخافة ما كنت على وشك ان تفعله

لا ترتبط باى روح من حولك ان اردت الارتباط فارتبط بجماد حاول ان تحب منزلك او عربتك او كرسيك

لا يوجد وفاء ان اردت الوفاء اما ان تقتنى كلب او تبحث عن وفاء لليله واحده من اى ملهى ليلى

لا توجد متعه الا المتع الحسيه لا تجعل نفسك تقنعك باى شئ اخر فابحث عن لذاتك

الرجل من يستطيع تحقيق احلامه لنفسه و فى عالمنا هذا هو العمل فاتقن عملك و سيجعلك قويا

ابتعد عن الضعفاء

الحياه ستستمر رغما عن اى شئ اخر تعتقده فاذهب معها و لا تعطها ظهرك

--------------------------------------------------------------------

اذ لم تستطع ان تفعل ما جاء سالفا فخدر نفسك من حين الى اخر حتى تنتهى الحياه او انتحر

صفقة الساندوتش

2007-07-22T14:22:00.000+03:00

علشان الموضوع كان خطيرمحمود السورى نزل من سوريا مخصوص علشان يتفاوض على الساندوتش

بس حسنى برضه كان القلق مليه

عمرو كان عاوز يبين انه واثق من نجاح الصفقه

ف بص لحسنى و قاله متخفش ان شاء الله ربنا هايكرمنا

حسنى اطمن و قاله ربنا يطمنك زى ما طمنت قلبى

فى الوقت ده كان محمود الشرير قاعد بيراقبهم وهوه متنكر فى زى محمود المليجى

و علشان كده اضطروا انهم يتنكروا

ف عمرو اتنكر فى زى مهراجا مثلا

و حسنى لبس زى رامبو

و حسنى اعلن فى الصحافه انه هايسافر الولايات المتحده يقابل صحابو الكاو بويز

و طبعا محمود كان مستنيه

بس ده كان تمويه مش اكتر

فى الوقت المناسب محمود السورى ضرب الضربه اللى هيه

و عمرو قام الحركه الاخيره بمنتهى الاحتراف

الحركه ده طلعت من نغاشييش محمود طبعا و فكر بينه و بين نفسه

المره ده ماشى بس المره الجايه لا ممكن ابداً

حسنى كعادته قلق و بص لعمرو و قاله تفتكر ممكن يخدها مننا المره الجايه

بص له عمرو و قاله بنبره الواثق

يلحس إيرى

تمت

ملحوظه.. الروايه التى بين ضلفتى هذا الكتاب من نسج الخيال و اى تشابه بين ابطال الروايه و اشخاص حقيقين انما هوه على عهدة الاشخاص

قريبا

2007-07-11T18:04:00.000+03:00

قريبا قصة صفقة السانداوتش

2007-07-08T18:07:00.000+03:00

بجرى
بجرى
بانهج
عرقان
باصرخ من جوه
اااااااااااااااااااااااااااااااااااااااااااه
قلبى قدامى أحمر قانى بينبض و فجأه خنجر من العدم بيجى و يضربه و هوه لسه بينبض

بجرى
بجرى
باصرخ
ااااااااااااااااااااااااااااااااااااااااااااااااااااه
بقف
بشوف الناس حواليه
بابتسم

بامسح عرقى براحه علشان محدش ياخد باله

بحيى الناس و باضحك معاهم وممكن اساعدهم

بحس ان الجدار العازل اللى عاملته قرب ينهار

بعتذر منهم

بجرى

بقف

وشى قدامى عرقان

حائر ببص يمين و شمال

وشى بيثبت قدامى

كره حديد فجأه بتضرب فى وشى

بجرى

بلاقى حد بحبه

ببتسمله

بيضحكلى

بتلاشى من جوه

الدنيا بقت كلها ورد أحمر

جوه عندى بقى زحمه قوى

قلبى فوق فى اعلى المنظر و الخنجر مغروس فيه

الورد الاحمر كله بقه دم أحمر

كل شئ بيتلاشى

ببص يمين و شمال

محدش اخد باله

بكمل جرى

صحاب

2007-07-04T17:08:00.001+03:00

تررن تررن
محمود: ألوو
أحمد: اهلا يا خويا يخرب بيت ام ألو بتاعتك ده . ايه الاخبار
محمود: اهوه ماشي الحال.
أحمد: بقولك الواد عمرو عيان قوى جاله الدور يتاع الاحتقان و الحرارة بتاع كل مره و لازم نروحله
محمود: لا يا راجل
أحمد: اه ده بقاله يومين و انا كلمت هشام هايجيب العده و يجى
محمود: بس انا السيف مكسور من اخر مره
أحمد: يا عم مش لازم السيف المره ده. هات البلطه أو الحربه
محمود: بس انت عارف انا سيف هوه اللى بعرف استخدمه كويس
أحمد: معلش مااهو احنا هنبقى معاك
محمود: خلاص قشطه هنتقابل هناك امتى؟
أحمد: بليل انهارده و هانفضل معاه للصبح لما يخف

تك تك تك
عمرو بيروح يفتح الباب بيلاقى أحمد فى لبس الجندى الرومانى و الخوذه و الرمح و محمود فى لبس الفايكنج و البلطه و هشام فى لبس محارب عربى و الحرمله و السيف و معاهم بنى ادم مايعرفهوش لابس زى البنى ادمين عادى

هشام: ازيك يا باشا عامل ايه الف سلامه يا عم
عمرو: الله يسلمك يا هتش انت ايه الاخبارات و مين الخنزير اللى انت جايبه معاك ده
هشام: ده واحد كان معايا فى الطياره و كان مستغرب فشخ من اللبس اللى انا لبسه و لما سألنى و قولتله ماصدقش و حلف انه لازم يجى معايا
عمرو: اهلا بيك يا حبيبى و اسمك ايه بقه
الغريب: اسمى على يا عم الحج انت بقه اللى هايحاربه علشانه انهارده
عمرو: ايوه
على: بس معلش تانى كده علشان البشمهندس قالى كلام غريب جدا. انت دلوقتى عيان و هما جايين بلبس الحرب ده علشان يقعدوا معاك علشان يحاربوا الفيروس ولا المرض اللى عندك و يطردوه
عمرو: ايوه
على: احا انت هاتشتغل ميتينى ايوه ايه بالظبط يعنى ايه هايحاربوا المرض بالسيف و الحربه و مش عارف ايه و ايه اللبس الغريب اللى لابسينوه ده انت عبط و لا ايه
عمرو: لا يا مشمش انت بس مش فاهم اصل احنا صحاب
على: سو وات؟
عمرو: انت عارف الناس ده كلها مهندسين و متعلمين و دماغهم كويسه جدا ايه اللى يخليهم يعملوا كده فى نفسهم
على: مجانين طبعا
عمرو: لا هما بيعملوا كده و انا هاقعد دلؤتى وسطهم و هما بلبس الحرب ده و كل اللى هايجى فى بالى ان فيه ناس عندهم استعداد بيعملوا حاجات غريبه و يلبسوا لبس حرب علشان يحاربوا العيا اللى عندى
و مع سخافة الفكرة هاتطلع فكره تانيه فكره الصحاب ان صحابى بيعملوا كده بس علشانى. ده هايدينى قوة بنت حرام داخليه و فعلا هاطرد المرض من عندى
على: عليا النعمة انتو مجانين
أحمد: طب اعد و اتفرج بروح امك و انت ساكت

وقعد عمرو فى النص و أحمد و محمود و هشام عملوا حواليه دايره و اخدوا وضع قتالى و نفس واحد اطلقوا نفس صيحه قتاليه
هاااااااااااا

عبث

2007-06-19T17:58:00.001+03:00

مولااااى انى ببابك
مولااااى انى ببابك
00000000000000000
رأيتنى صوفيا أرتدى جلباب أبيض فضفاض جدا و أدور حول نفسى فى حلقة ذكر وحيداً, أبدو منهكاً مغمض العينين و رافع ذراعى الى صدرى كأننى سأطير و أدور و أدور بدون توقف حول نفسى بدون توقف
أؤدى طقسا صوفيا أريد به أن أهلك هذا الجسد لتسمو روحى الى درجة اخرى لا اعلمها.
000000000000000000000
رأيتنى على صهوة جواد قوى أجرى به فى مكان كبير جداً.
كنت سعيداً أو على الاقل كانت ثمة ابتسامة ثابتة كأنها ركبت تركيباً على وجهى. كنت اثناء انطلاقى بالجواد أمر على أشياء كثيرة, ذهب و أموال و مبانى و أشيء كثيرة تبدو مبهرة و نساء جميلات و حب و ايمان و صدق و ووفاء. لقد كنت ارى هذه المعانى كأنها شئ ملموس غير محدد الملامح و لكنى عرفته بمجرد ان رأيته.
و قد امتلاء المكان على الجانبين بهذه الاشياء و كنت بمجرد ان امر و التفت الي أى شئ اثناء انطلاقى اشعر بها و قد امتلكتها و كانها اصبحت لى.
000000000000000000000000000
رأيتنى أقف امام نافذتين أراقب ما يحدث فى كل منهما.
رأيتنى و أنا صوفى ماذلت أدور و أدور حول نفسى الى ان انهكنى التعب ووقعت على الارض و إذا بى أمد يدى الى كوب و أشرب ما به واذا به خمر, شربت الكأس كله و لم يبد على الاندهاش ثم وقفت و أكملت دورانى حول نفسى فى الحضرة الصوفيه
و رأيتنى و انا على صهوة الجواد و قد وقعت و لم أجد أيا من الاشياء التى امتلكتها اثناء الرحلة و لم اشعر ايضاً بأية مشاعر من الى كنت امتلكها.
000000000000000000
فضلت واقف مكانى
كنت عارف او على الاقل حاسس إن العملية كلها اختبار : هل هاتستسهل و تغيب بأى طريقة كانت ولا هاتستحمل كل حاجة فى الدنيا و تبقى على يقين تام إن عبثية الشعور اللى عندك اللى ناتجة من عبثية الدنيا من حواليك ما هى الا صورة ظاهرية و بس
و ان ورا كل هذا العبث الظاهر فيه احكام و قواعد و موازين الهية ممشية كل حاجه بحكمة بيصورلك غرورك انك لازم تعرفها
و ان وعيك بكل ده ابتلاء و اختبار برده
و لقيتنى واقف بفكر ان الحل هو انى اعيش و اخوض فى الحياة زى ما هية و أقنع نفسى بأهمية أى حدث بيحصل و استمر و أكيد وعيي الزيادة ده كمان هايفتحلى طرق ماهاش اول ولا اخر من السعاده لقينى هاعرف اتعامل مع الناس و الظروف و الاحداث بطريقه ظريفه خالص. بس كده فل جداً و تمام
لقيتنى بفكر هل اصطناع الدهشة و الضحكه و العلاقه و كل حاجه مش ده برده يبقى عبث
0000000000000000000000000
من لى أوذ به إياك يا سندى

2007-04-15T16:07:00.000+02:00

الوعد و المكتوب

اعلان حرية الفضاء الداخلى

2007-03-01T15:43:00.000+02:00

بعد ما كتبت قايمة بكل الناس اللى بحبهم و شوفت مواقفى معاهم من أول ما بدينا و مواقفهم معايا

قررت انسحب بهدوء مؤقتا علشان مش هاعرف اعمل زى ماهما بيعملوا علشان انا مجنون و عندى مقايس زياده حبتين و دماغى و روحى خلاص ماعدتش تستحمل

بس هافضل ملتزم بأى دور أى واحد فيهم محتاجنى فيه

و السلام ختام

سفر الخروج

2007-02-25T06:46:00.001+02:00

و عندما أكتمل الخروج نظرت ورائى فلم أر شيئاً
نظرت أمامى فرأيت العتمة فأطمأنت ثم ظهر هو من قلب العتمة و لكنى رأيت وجهه
هو:طال وقوفك و لم يعد لك إلا أن تختار الطريق
أنا:لقد خرجت توى وأريد أن أستريح
هو:ليس هنا
أنا:أريد أن أستريح
هو:لم يؤذن لك بالراحه بعد
انا:و فيم كل هذا
هو:اذهب و اختار و لسوف ترى
انا:ماذا أختار
هو:ما أخترته قبلاً
أنا:لقد نسيت
هو:لم يؤذن لك بالتذكر بعد..أذهب الان و اختار ولسوف تختار ما أخترته من قبل
انا:و لكنى خائف
هو:لم يؤذن لك بالطمأنينه بعد
انا:أشعر أن دمائى تغلى و أعصابى تشتعل
هو:لم يؤذن لك بالسلام بعد
انا: أين انت لم أعد أراك
هو:لقد حُجبت عنك الرؤية و نفذ منى الكلام

و ظهر أمامى ثلاثة نوافذ معلقه و تحت كل منهم باب موارب
تبسملت و اتجهت للنافذة الاولى

النافذة الأولى
أرى سيده عاريه اَيه فى الجمال و الفتنه مسجيه على الارض فى أنوثه و إغراء لكنها شديدة الضخامة إلا درجة أن هناك رجال يقفون عليها بعضهم يجرى على فمها و اخر عند عنب نهدها و الثالث مقعى على فرجها فى لذه تسر الناظرين. و أخرون حولها كل فى نشوة عند مفتن من مفاتنها و هى تكفيهم جميعا.
و لكن هى منهم فى غير حال
هى تنظر للنافذه تنظر فى عينى مباشرة تدعونى إليها بإشارة واضحه
ثم تكلمت هى و سمعتها انا و الرجال من حولها لا يبدو انهم يسمعون
هى:تعال إلى فسأذيقك طعم كل النساء جميعا
انا: لا اعرف
هى:سأعلمك كل فنون الحب و ساجعل منك فارسا تكتشف كل يوم فى جسدى سر جديد
أنا:و ماذا عن عشاقك الكثيرين
هى:لقد سأمت منهم و سأموا منى
انا:و ماذا سيفعلون و لماذا لا يخرجون
هى: ان الباب للدخول فقط و من يريد الخروج عليه ان يقطع جزء من روحه يتركه لى وهم يهابون هذا
انا:لا أستطيع أن اترك جزء من روحى فأنا لم أملكها بعد
هى:اذا لا تدخل من هذا الباب و ان كنت ستترك الكثير من المتعه
قالتها وتأوهت من مداعابات عشاقها و ممارساتهم

تركتها و اتجهت للنافذة الثانية

النافذة الثانية
أرى مجموعات رجال يمسكون كتب
كل مجموعة منها رجل يقرأ قليلأ فى الكتاب ثم يحدث به جماعته ثم يبدأون فى محاربة المجموعة الاخرى حتى ظننت انها كتب حرب
و اقترب منى رجل من المجموعة الاولى
هو: انت منا تعال الينا
انا:وكيف عرفت اننى منكم ولست من أحد المجموعات الاخرى
هو:اباك منا و جدك كان منا و سلسال عائلتك كلها منا و تفعل ما نفعل و تأكل ما نأكل فأنت منا
انا:وماذا سأفعل ان جئت معكم
هو:ستستمع اليه و أشار الى الرجل فى وسط مجموعته
انا:ولماذا هو أريد ان اقرأ انا بنفسى
هو:هو الوحيد فينا الذى يفهم الكتاب و يشرحه لنا و يقول لنا ماذا نفعل و نحن نطيعه ثم اقترب من اذنى و قال لأن هذا الكتاب هو كتاب الرب و يجب أن نفعل ما فيه
انا:لو كان هذا كتاب الله فأولى بنا جميعا أن نقرأه لعله يريد منا ان نفعل شيئا اخر
هو: لن تستطيع ان تقرأه بطريقه صحيحه هو الوحيد فينا الذى يقرأه و يفهمه و يشرحه لنا
انا: و ما بال هؤلاء الرجال يبدو عليهم السأم مما يقول لماذا لا يتركونكم و يذهبوا مع مجموعة أخرى أو حتى يخرجوا من الباب
هو: الباب للدخول فقط و من يريد تركنا نقتله

قالها و أصابه شيئأ من ظهره فوقع ميتا و على وجهه ابتسامه

تركته و اتجهت للنافذه الثالثه

النافذه الثالثه
أرى وجه الرجل الذى رأيته أول الامر و لكنه يفعل ما أفعل
انا:ما هذه
انا:انها مراٌه
انا:اذا فأنت انا
انا:لا يوجد غيرك هنا
انا:و لكنى لم اختر شيئأ
انا:لأنك لم تختر شيئاً من قبل
انا:و ماذا سأفعل الان
انا:ما قررت ان تفعله قبل
انا:و ما هو
انا:ان تبحث عن نافذه اخرى فى مكان اخر و سأظهر لك هناك ايضا
فأتجهت للباب الموارب اسفل المراُه و دخلت و اقفلت الباب خلفى

Dark Side Of The Moon Live at Dubai

2007-02-22T08:45:00.000+02:00

طبعا انا بس داخل اقول ان اللى حصل امبارح فى حفلة روجر واترز ده شئ فظيع

روجر واترز فشخ 10000 واحد بالراحة كده و بمنتهى الجنون

احااااااااااا مش طبيعى الراجل ده اله الحكمه الصراحه مش طبيعى يعنى

كلمات اغانيه ده ايه ده يخربيته

شووف كده حته من

Perfect sense II

He said Mama Mama, the President's a fool

Why do I have to keep reading these technical manuals

And the joint chiefs of staff

And the brokers on Wall Street said

Don't make us laugh, you're a smart kid

Time is linear

Memory's a stranger

History is for fools

Man is a tool in the hands

Of the great God Almighty

And they gave him command of a nuclear submarine

Sent him back in search of the Garden of Eden

ايه ده مش كلام ده يا جدعااااااااااااااااان

امبارح فى الحفلة لما غنى

Set the controls of the hearts of the sun

و هوه بيقول

Over the mountain watching the watcher

Breaking the darkness waking the grapevine

One inch of love is one inch of shadow

Love is the shadow that ripen's the wine

و لما و هوه بيقول

Witness the man who raves at the wall

Making the shape of his question to heaven

الناس اتفشخت الصراحة ايه يا عم ده حراام مش طبيعى ده

و لما غنا اغنيته الجديده

Leaving Beirut

اللى عملها فى 2006

و طبعا لما جه يقول

The child is grown, the dream is gone.

I have become comfortably numb.

انا كنت بصرخ مع الناس بكل ما فيا من روح الصراحة و انا عاوز حد يجاوبنى على السؤال ده... ليه

فى الاخر

خسارة الصراحة كان نفسى هشام و برهامى يبقوا معايا كانو هايتبسطوا قوى و انا اكيد كنت هاتبسط اكتر

و بهديلهم

We're just two lost souls

Swimmin' in a fish bowl

Year after year

Running over the same old ground

What have we found?

The same old fears

And I wish that you were here

Roger Waters in the House

2007-02-19T16:17:00.000+02:00

رغم كل المشاعر الغريبة العجيبة اللى معايا بقالها مده و رغم انى كتبت بوست سوداوى تماما انهرده و بعدين اتمسح لوحده فده ميمنعش انى فرحان انى حاعمل حاجه كان نفسى اعملها من زماان تقدر تقول كان نفسى احضر حفلة ل Pink Floyd

و اخيرااااااااااااااااااااااااااااااااا

Roger Waters هايعمل حفله هنا فى دبى و انا جبت تذكرة و هاحضرها يا معلم يوم الاربع اللى جاى ان شاء الله

هيييييييييييييييييييييييييييييييييييييييه

كان نفسى هشام يحضر معايا الحفلة ده الصراحه

عن الحنين

2007-02-12T11:49:00.000+02:00

فاكر زمان أيام ما كنا لسه صغيرين

أيام ما كانت قلوبنا لسه ماليانه حنين

كانت دموعنا تنزل بحر مالوش قرار

لو شوفنا معنى الفرقه عالوش ٌ الحزين
----------------------------------------------

البتاعة اللى فوق ده كنت كاتبتها فى لحظة شعور جارف بالحنين

الحنين للرجوع للأصل

حنين للرجوع لقلب الرحم

نظريات--1

2007-02-06T09:45:00.000+02:00

النظرية الاولى: الدين حلو

الدين حلو أوى يا جماعة بس انتو مش واخدين بالكو طب بصوا علينا كده هاتلاقونا على طول مبسوطين و ابتسامة رضا على وشوشنا و الحكاية و ما فيها ان احنا بنتبع السنة النبوية المشرفة و السلف الصالح فى كل حاجه يعنى فى المظهر و ربنا يقدرنا و نتبعهم فى الجوهر الصلاة فى مواعدها فى المساجد اللى فيها بتنقابل خمس مرات فى اليوم او على الاقل بنتقابل مع احبائنا من نفس المنطقة كل يوم فى صلاة الفجر و العشاء فى المسجد و بنقيم شعائر الله وسط مجموعة من الاخوة على نفس الطريق و لا يشغلنا من الدنيا امر و بالطريقة ده عايشين راضين عن نفسنا و كل هدفنا تطبيق الدين على انفسنا و محاولة الطعوة من خلال خطب الجمعة و دروس التحفيظ و هكذا و بالنسبة للحكومة كس امهم يعملوا اللى يعملوه لأن لو الشعب كله بقه زينا ان شاء الله ربنا هايبعث واحد اهل لأن يحكم هؤلاء المؤمنين.

النظرية التانية: الاسلام هو الحل

البلد ده لازم تبقى دولة دينية و نحكم بالشريعة و فى سبيل ذلك احنا هانستقطب طبقة عريضة من الشباب الامور و من كل الطبقات يعنى المتوسط و ما دون دول بينفعوا فى المظاهرات و الاكشن و اللى هاى فاى بيدفع من شان يمول الجماعة و ان شاء الله نخش المجلس و بيقى فيه وزراء و هكذا نتغلل فى عصب الشعب ده لو لقيناله عصب و فى سبيل الهدف الجليل ده معلش يعنى مافيهاش حاجه لو سرحنا بالعيال الجديدة دول او عملنلهم غسيل مخ عادى يعنى احنا فى معركة من اجل الحق و مافيش مانع برده من شوية تميناات احم قصدى تنازلات كده علشان المجتمع يقبلنا و بعدين ربنا يسهل فى ما بعد و مافيش مانع لو العملية كلها طلعت فشوش يعنى ادينا احنا فدنا و استفدنا برضوه

النظرية التالتة: ايه يا عم التعقيد ده

ايه يا عم ايدولوجيات و حركات و الكلام بتاع الناس اللى عايشة ده العملية ابسط مما تتخيل احنا ربنا خلقنا نعبده مش كده و لا انت مش مقتنع. خلاص يبقى انت تعبد ربنا و تحاول تكون كويس فى شغلك و حياتك ز اسرتك تربيهم على كده و تعيش حياتك عادى جدا بس على الاسس ده و حتى لو غلط ف ده الطبيعى ان شاء الله ربنا هايغفرلك. ايه يا عم التعقيد اللى انت بتفكر بيه ده!! احا يه يعنى

النظرية الرابعة: الله كريم

يا سيدنا الكريم الحياة ده احنا هانعيشها مرة واحدة و لازم ننبسط ازاى؟؟ انت اللى تحدد يا حلو يعنى لو شوقك فى الحريم نقى و اختار و جرب كل الانواع و الدماغ؟؟ عندك الشيفاز رجال و البلاك ليبل يطيروا احلى عقده و طبعا الحشيش مزاجه عالى و الراجل اللى يجى و يكرس.

و شغلك؟ لازم تعمله على احلى وضع علشان تجيب الفلوس اللى هاتتبسط بيها و ده فيها سؤال برده

و ربنا؟ يا سيدى الكريم ان شاء الله انا عندى ايمان بأن الله غفور رحيم و مادام ما بأزيش حد و ان شاء الله هايجى يوم و ربنا يهدينى و اصلى ان شاء الله و بعدين ربنا غفور رحيم و هايغفر لنا علشان احنا مسلمين و لا ايه يا اخى مش كده ابداً

النظرية الخامسة: مافيش اصلاً نظرية

بص يا عم الحج ربنا موجود ده على عينا و راسنا. بس موضوع الاديان ده خدعة كبيرة على مر العصور.

صدقينى ربنا خلقنا على شان نلاقيه و نشوفه و نطيعه و هوه ادانا العقل و الحرية فى الاختيار على شان نعمل ده بطرقيتنا

اما الدين ده فمهزله كبيرة و العبادات ده طقوس متوارثه ممكن و مصدقك ان فيه ناس لازم تمشى عليها علشان حياتهم تنتظم بس سوررى مش كله يا باشا

بتقول ايه لو منهج لازم يمشى على الكل

انا بقى مش بتبع المنهج ده اصلا علشان مش مقتنع ان فيه حاجه تقيدك حتى لو كانت الحاجه ده دين

شوف و طوف و لف و استمتع بالدنا و الجمال الموجود و فرغ كل طاقاتك و رغباتك و اطلق العنان لدماغك و فكرك ماتخليش حد يحجمهم و شوف كده هتبقى مبسوط و لا لأ و هاتقدر تلاقى ربنا بطريقة نقية و جميلة و لا لأ

2007-01-23T07:42:00.000+02:00

الاسبوعين اللى فاتوا بتوابعهم لسه هايفجروا دماغى قبل ما انا افجرها قريب

قررت ارجع مصر تانى تانى تانى راجعين للغم تانى بس لإما كده لإما استبعد الدين من حساباتى و اقضيها النسوان و الخمرة لبعضيها و كمان لو اعدت هنا هاضطر انى اظلم انسانة بحبها مش انا طبعا اللى هاظلمها بس الظروف هاتخليها تاخد قرار هيا مش قده دلؤتى و متهيألى هايكون سبب للفرقه فيما بعد لما تتضح خطورة الحاجه اللى عملتها

جميل جدا و الديك بيدن يبقى هاترجع مصر يا وحش

اه والله هارجع بقه هاعمل ايه يعنى

طب جميل امال بتونُون على ايه

بونُون ؟؟؟

ايه ايه عم بونُون ده انت حشاش و لا ايه

(شخرة اسكندرانية مطولة لتنهى هذا البيضان)

طب دلؤتى الوضع كالأتى

لإما اروح شركة كبيرة قوى حاجه من اكبر 3 شركات فى المجال بتاعى عالميا بس للأسف الفرع اللى فتحينه فى مصر شغله روتينى و بيضان الصراحة بس هاخد مرتب ظريف جدا و اسم كبير جدا

لإما أروح شركة نظام شغلهم ممتاز و المستقبل بتاعهم و الحاضر كمان انهم بيكبروا بسرعة جدا ده غير انى كان ليا سابق شغل مع الشركة ده ايام ماكنت فى مصر و بشتغل بدوام جزئى ايام الجيش و الراجل اللى ماسك الشركة هوه حاليا الوحيد اللى انا بحترمة تقنيا فى المجال بتاعنا و هوه كمان كان بيقولى خليك معايا

طب ماهى العملية باينة زى الحجر الدوبل فى الليلة العمياء

يعنى قصدك اختار ايه

(موسيقى حزاينى)

يعنى مش عارف تختار يا رأفت

(احاا اسكندرانية مطولة ايضا)

المشكلة الاساسية انى بكتب الكلام ده هنا من الواضح ان دماغى تلفت على رأى واحد اعرفه

او انى فعلا فقدت طرق التواصل مع كل الناس اللى بحبها

تخاريف

2007-01-16T15:12:00.000+02:00

نظرية التبسيط و الخطوط المستقيمة التى كنت افكر بها خلال الفترة السابقة وان كانت من اكثر النظريات التى تبنيتها اراحة لى و لعقلى الا ان ضميرى غير مستريح بالمرة لها
النظرية تقول ان الله القوى خلق عباده الضعفاء الذين هم نحن و امرهم بفعل مجموع من الاوامر و الابتعاد عن مجموعة من النواهى من يعمل الاوامر و يبتعد عن النواهى سيدخل الجنة و الاخر سيصبح مع الناس التانيين

بالطبع النظرية يوجد بها بنود للأشياء الكثيرة الغير مفهومة و تعالجها بأن يجب ان تسلم كل الامور لله ولا تسأل فقط عش حياتك و دع القلق و افعل ما تفعله بأفضل ما يمكنك من الاداء و كل ما يحترق عقلك لمعرفته ستعرفه فى حينه يوم القيامة يوم نلقى الله جميعا.

انها تطبيق لنظرية الثواب و العقاب و العبودية لله المستحق العبادة بلا أدنى شك.

و لكن, و ماذا عن كل الوساوس الخبيثة التى تجرى فى عروقى و عقلى و روحى مثل النار عن اصلاح الفساد و تحرير فلسطين و اصلاح العباد و تطبيق الشريعة التى انزلها الله على سيدنا محمد (ص) لكى يخرج العباد من عبادة العباد الى عبادة رب العباد.
و العبادة هى الاساس فى الخلق
<و ما خلقت الجن و الانس الا ليعبدون>

و الناس من حولى يعبدون كل شئ الا الله او هكذا أرى.

و لنرجع لنظرية التبسيط أو للقران او للتأملات و كلها وجهة نظر شخصية بحته عن معنى كلمة العبادة و هناك الكثير من التفسيرات اقلهم تصديقا و قوة فى الاقناع ان عبادة الله هى تطبيق للعبادات التى اتى بها الدين من صلاة و زكاه وحج و ما الى ذلك و لكنى و للأسف غير مقتنع بهذا التفسير ويا ليتنى اقتنعت به لكانت حياتى الان افضل بكثير.

والبحث عن معنى الوجود و الغرض من الحياة و ما الى ذلك من الافكار و التاملات التى تجعلك تشيخ قبل الاوان و تفقدك متع الحياة الدنيا و احيانا تأخذك فى الاتجاه الذى تفقد به الدنيا و الاخرة معا و لكنها تجرى فى عروقك نارا و لهيب مستعر و لا يطمأنك الا ان فى ذلك بحثا عن الله فى كل شئ من حولك و داخلك.

هذه المعانى ابحث عنها طوال حياتى للإجابة على سؤال واحد ماذا يريد منى الله ان افعل.

و هنا جاء دور نظرية التبسيط و الخطوط المستقية لجعل حياتى ابسط و اسهل لأنها ببساطة تلغى هذه الافكار و تقول لى عش حياتك يا فتى فقط اطع الاوامر و اجتنب النواهى و حاول ان تصلح من نفسك و من ترعاه و ان حدث و ارتكبت معاصى فأن الله رؤوف رحيم يغفر لمن يشاء من عباده.

انا لا اشكك و لو للحظه فى ان من يأخذ بهذه النظرية عن اقتناع سيكون بذلك حقق الاجابة الصحيحة عن السؤال ماذا يجب ان أفعل و هو السؤال الرئيسى فى هذه الحلقة.
و لكن و لأانى ميقن تماما بأن الحياة ما هي الا ادوار و مواقف يضعنا بها الله فأنا و للأسف أرى لنفسى دور اخر

اظاهر ان انا لازم امشى بقى
سلام

2007-01-11T13:45:00.000+02:00

انا لسه مخلص رواية صالح هيصة لخيرى شلبى من شوية

مش فاكر ان انا عيطت بالطريقة اثناء قراءة حاجة الا و انا بقرأ الواجهة ليوسف عز الدين عيسى

2007-01-11T10:21:00.000+02:00

لا أعرف تحديدا متى فقدت القدرة على المشاركة و ارتضيت فقط بالمشاهده و الاستمتاع

2007-01-08T12:50:00.000+02:00

هذا هو الضابط إسلام نبيه مغتصب قسم بولاق الدكرور انا لسه شايف صورة النجس ده فى موقع الوعى المصرى و انا مع كلام وائل انه لازم يتفضح زى ما وزع صورة عماد.

و الصراحة انا شايف تماشيا مع قانون الطوارئ ان الشعب يرجع يطبق شريعة حامورابى يعنى اى كلب من الشرطه يعمل حاجه المفروض تتعمل فيه و مش كفايه

2007-01-04T10:02:00.001+02:00

معلش يا صاحبى بس لما افتكرت مواقفك معايا و عدم فهمك ليا او حتى محاولة ايصال الشعور ده كنوع من اختبار قوة العلاقة اتبضنت قوى
غوور فى 60 داهيه

2006-12-28T13:11:00.000+02:00

(اللّه نـور السماوات و الارض مثل نوره كمشكاة فيها مصباح المصباح في زجاجة الزجاجة كاءنها كوكب دري يوقد من شجرة مباركة زيتونة لا شرقية و لاغربية يكاد زيته يضي لـو لـم تـمسسه نار نور على نور يهدي اللّه لنوره من يشاء و يضرب اللّه الامثال للناس و اللّه بكل شي ء عليم ) النور ((182))

2006-12-25T10:34:00.000+02:00

خواء و عدم قدرة على رؤية اى مشاعر حقيقية من داخلى تجاه اى شخص او شئ اخر وبالعكس

جهاز الارسال و الاستقبال عندى ضرب لإما هاصلحة لإما هاجيب واحد جديد

احساس ان روحك اصطبغت كلها بلون الخواء الرمادى كأنها مستنقعات وحل يغشاها ضباب من اعلاها و من اسفل منها و من كل الجهات

حتى انا ابتديت اشم ريحة عطن جوه روحى

غفوات..وقت عقلى مستقطع لقتل المتعة

2006-12-04T14:26:00.000+02:00

فى المقهى الروسى فى دبى, الناس عمالة تشرب و بنات اعده من غير هدوم و حاجه قمة فى المتعة الحسية
بدأ عرض تلت بنات زى الفل الصراحة عمالين يغنوا و يرقصوا و بعدين بنتين بيرقصوا و يهزروا مع اللى اعدين
اثناء ده كله دخلت انا عمال افكر لو الحاجات ده جميلة اوى كده و نفس الواحد مياله ليها و فى نفس الوقت ربنا بيقولنا مانعملهاش
مش لو الواحد بعد عنها و قاوم ميل نفسه يبقى كده ساب حاجه هوه بيحبها علشان حب اكبر اللى هوه حب الله
و عمال افكر ان البنات اللى عمالين يرقصوا و فى قمة الغنج و الدلع هما اكيد مستهيفين الرجالة اللى نظرتها جعانة ده و ممكن البت عمالة ترقص و تكشف جسمها و هيا اصلاً و لا هنا و بتفكر هاتعمل ايه بليل مثلاً و ان العمليه مش متعة حقيقية ده مجرد ابتذال للمتعة و تحجيمها فى لقطات
واحد صاحبى قطع عليه سيل الافكار و لقيته بيقولى
"بس البت جسمها فظييع الصراحة"
بصيت لقيت العرض خلص و احنا خلاص قايمين, قولتله
"هاه انه بت ده انا مشفتش حاجه"

----------------------------------------
فوجئت انى عينيه فتحت لوحدها و الدنيا لسه مضلمة و مر وقت فى شعور غريب و فجأه سمعت اذان الفجر, لقيت نفسى فى قمة السعاده و المتعة الروحانيه انى هانزل اصلى الفجر حاضر فى المسجد و قمت و اتوضيت و نزلت
و انا فى الصلاة عمال افكر يا ترى هاكمل الصلاة انهردا ولا خلاص بخ على كده
و يا ترى ينفع الواحد يبقى بيشرب و بعدين يصلى و لا لازم يتمضمض و يا ترى متعة الصلاة ده حقيقية و لا مجرد انه يكون حصلى حاجة كويسة و نفسى منشرحة على الطاعة
و انا عمال افكر فى الحاجات ده لقيت الراجل اللى بيصلى بينا بيقول
"السلام عليكم و رحمة الله السلام عليكم و رحمة الله"
قولتله
"و عليكم السلام يا حبيبى انت جييت"
----------------------------------------
التليفون رن على غير العادة بنغمة انا مكنتش حاططها بس غريبة انا بحب الموسيقى ده من زمان, برد على التليفون لقيته واحد صاحبى بقالنا زمان ماتكلمناش و لا اتقابنا.
اعد يتكلم معايا و يحكيلى على اللى حصله
هوه بيحكى و انا عمال افكر فى مبدأ الاحتياج
يعنى هوه لو مش محتاج يحكى و يفضفض ماكنش اتصل, يعنى مش معنى حب مطلق لو عنده اى ساقيه تانيه يستهلك فيها مشاعرة مكنش اتصل بيا
و انا عمال افكر فى الحاجات ده لقيته بيقولى
"بس تعرف انت واحشنى قوى و نفسى اشوفك"
قولتله
"هاه و قولتلى عامل ايه مع الراجل بن الكلب اللى كان عندك فى الشغل"
-----------------------------------

صرم يا نفيسة

2006-11-28T13:20:00.000+02:00

قريت من شوية هنا عند

انها مش مقتنعة بفكرة

(V For Vendetta

انا الصراحة بيعجبنى البلوج بتاع

و بتابعة على طول فقولت لما ادلو بدلوى كده مش عييب يعنى وكمان هيا قفلا التعليقات

هوه الصراحة انا كنت لسا من يومين مع واحد صديقى حموم بنتفرج على

(Hitler: The Rise of Evil

و برده من الافلام الجامده الصراحة و قعدنا بعد الفيلم و احنا بنسجر نتكلم عليه و انا الصراحة كنت مقتنع ان وجود شخصية و حتى لو كانت مريضة بس تبث الروح فى الناس احسن من حالة الخصيان اللى الناس عايشين فيها

يعنى مثلاً انا بيتهيألى ان الناس اللى كانوا عايشين فى عصر الملك و عاصروا عبد الناصر ايام ارفع رأسك يا أخى و الكلام ده و ماتوا على ذلك قبل النكسه كانت حالتهم النفسية زى الفل

يعنى سيبك من اى حاجة و خطط و وطنية و كلام كبير و مراهنات على شعوب ماتت اصلاً من زمان

ف انك تيجيب واحد يصحى الناس ده و يالا بينا يا رجال و انتوا كويسين والله و هانعمل بيكوا احلى شغل وفعلا يبقوا عندو الروح ده سواء بجد او هوه مناخوليا بس الناس هاتقوم من الموات اللى هما فيه و بعدين بقه يبقى ربنا يتولاهم مش مشكلة بس على الاقل يبقوا غيروا جو

و طبعاً بالنسبة لأن ده شخصيات مرييضة وكده علشان اتعاملوا بساديه فأنا الصراحة لو كده نتوقع عدد لا نهائى من الشخصيات ده و خاصة بعد ما شوفنا معاكو فيلم السهرة اللى هوه البيه الظابط بيحط عصايه مش ولبود فى مكان عفة سائق فى قسم الشرطة

و كمان بعد ما شوفنا الكوليكشن من افلام التعذيب اللى بتحصل فى الاقسام طبعا اللنكات ده من الوعى المصرى اللى الصراحة وائل عباس عامل شغل الله ينور

طبعاً و اكتر من التعذيب و السادية انا من وجهة نظرى كفاية سياسة الامبالاه اللى حكومة اسم النبى حارصة بتتابعها مع الناس يعنى اللى مش عاجبه حاجه ممكن يسب مييت ايمان للريس و الجكومة ومافيش مشاكل و ملفيش تغيير برضه

السياسة الوسخة ده من وجهة نظرى اكبر اسباب الخصيان الفكرى و الاجتماعى اللى حاصل الناس كلها بقت عندها يقين ان

مافيش فايدة

و بعضهم وصل لمرحلة نفسية زيه زى اللى بيتحطله العصاية بس ده بيغرسوله العصايه فى روحه و فى عقيدته و فى كل الحاجات اللى كان فاكر انها من حقه

ف يا الف مرحب بالنمازج المريضة لو هاتقوم الناس من اللى هما فيه و اللى يحصل يحصل بعد كده مش هايكون انيل من ال خمسه و عشرين سنة اللى فاتوا

مع كامل احترامى بجد يا

الطريق الى الله بعدد انفاس الخلائق

2006-11-20T06:55:00.000+02:00

يا رب
و انت اعلم بى من نفسى
ارحمنى يا الله
انا معرفش ليه بيحصل كل ده
و طول عمرى تاعب روحى و عقلى علشان افهم
و موصلتش لحاجة
ساعات بتوه منك و يمكن بدخل يمين او شمال و الدنيا و المعاصى بتاعتى تحجب نورك وتهيألى نفسى انه مش موجود
و ترجع تريهونى تانى علشان ارجع وساعات برجع و ساعات بخاف ارجعلك علشان عارف انى هاتوه تانى فخاف تزعل منى
يا الله
انت وحدك تعرف انى بعمل اى خير علشان بحبك
مش علشان عاوز ادخل الجنة او خايف من النار
و انا معرفش ده يزعلك و لا لأ
بس انا فعلاً كل اتجاهى الدينى و كل مشيى فى الخير فى الدنيا علشان بحبك
و بلاقى فى حبك المعنى اللى بعرفه للحب
يمكن هوه ده اللى مبوظ علاقات كتير عندى
انى فاكر ان هوه ده لحب اللى المفروض انه يكون موجود بينا بين الناس
لماتحب من غير سبب لما الحب يبقى نور يضوى قلبك و روحك لما تعرف ان الللى بتحبه هوه كمان بيفكر فيك فى كل وقت و انه مهما عمل فلمصلحتك و انه طيب معاك و مع غيرك لان اللى بيحب ماينفعش يكره او يبقى مش كويس مع اى حاجه تانيه و ان حبه ده مغلف الوجود اللى حواليه كله
و انه بيضحى و يبذل كل شء علشان اللى بيحبه
بس كتير ما بفهمش تسييرك للأمور و بتعب قلبى علشان افهم
و غرورى بيخلينى اقتنع بالحلول اللى بجابها
و فى غز الغرور و العناد
بيبقى فيه طاقة نور صغيرة فى روحى بطمنى انك انت اللى خلقت العقل ده و هاتسامحه على انطلاقة و انك عاوزة يفكر و يفسر علشان يوصلك
علشان يلاقيك بجد مش عارف انك موجود و سايبك
ايوه بيسمع كلامك و ينفذه بس مش عارفك و لا شايفك فى اى حاجه من اللى حواليه
ساعات بحس انك بتفتحلى اكتر من باب من النور ده علشان اشوفك و الاقيك من طرق كتير
من كل الطرق
الحب القوة الضعف الجمال الرحمة و حتى ساعات كتير المعصية
لك ابواب كتير بعدد انفاس خلقك
انا بحاول اوصل و انت عارف ف ساعدنى يا رب اوصلك
من اى باب
بس المهم يكون باب رضى
علشان ممكن الواحد بعد ما طول عمره بيدور على النور و لما يعرف سكته و يشوفه يتحرق بيه
انا عاوز الاقيك من سكة رضى
الاقيك و انت راضى عنى و مبسوط بالمشوار اللى ورتهونى و انا اخترت امشى فيه

SUN Opens Java

2006-11-16T09:41:00.000+02:00

الجافا اتفتحت يا جدعااااااااااااااااان

الصراحة انا ماكنتش ناوى اكتب اى حاجه ليها علاقة بشغلى هنا بس

ده حدث مش عادى

Sun Opens Java

يعنى الجافا بقت

open source

زيها زى اللينكس و كل الحاجات ال open source

الصراحة انا سعيد جدأ ده ضربة معلم و الواحد كده بيكتب API جديد كده و لا بيشارك فى ال

OpenJDK

حاجة جميلة جدا و الديك بيدن

كوكو كوكووووووووووووووووووووووووو

هاتحجره ولا هاتريحه

2006-11-05T14:00:00.000+02:00

هوا لما الشاب المصرى الاصيل و هانفترض انه مالاقاش بنت الحلال اللى يحبها بس فى نفس الوقت هوه خلاص عمال يعض فى الارض و عاوز يريح المسائل لحسن يموت بحجره
و هانفترض مثلاً جدلاً يعنى انه عنده مقدره على الجواز مادياً و جسدياً و خلافه
السؤال فى الحاله ده عم الشاب الامور ده يعمل ايه؟ يتقدم لوحده مافيش بينه و بينها اى حاجه فى الهوا علشان الراجل يعرف يمارس الجنس بطريقة شرعية؟؟
طب و هانفترض ان ده حصل ازاى البنت الامورة هاتوافق على موضوع زى ده بعد ام الهوجه بتاعت نظرة المجتمع للمرأة و الفتاه و كلنا عدلات و الحركات ده
يعنى البنت بتبقى عارفه ان ده مش جاى علشان بيحبها ولا نيلة و ان الجدع يا عينى بايظ خالص و عاوز يظبط المسائل و رغم كده بتوافق حاجه غريبة جداً الصراحة
و فى نفس ذات الوقت برضه الشاب المسكين ده يعمل ايه ماهو للإما يعمل كده فى الحلال و يبقى طظيين فى الحب و سنينه و الموده و الهيام و الغرام و نقضيها جواز عقل لإما يروح يظبط فى الحرام
طيب و نفس الموضوع بالنسبة للبنت يعنى المفروض لما حاتها تضربها السلك برضه تروح تطلب ايدين واحد ولا بتحبه و لا نيله او تستنى اى باشمهندس معدى و السلام يتقدملها و يناموا مع بعض و السلام و لا تستنى الحب الحب الشوق الشوق ولا ايه بالظبط
و الله يعنى نظام الجواز فى بلدنا مع اشياء اخرى طبعاً بقى حاجة مبتذلة و حقيرة فعلاً
بس ايه العمل برده ماهو الشباب هايموتو بحجرهم كده يا رجالة و المخرج الدينى الوحيد للموضوع ده هوه الجواز و الجواز برضه من غير اى كميا كده فى العمليه بيبقى حاجة كده مش ظريفه خالص

أرواح مريضة—3

2006-10-03T07:36:00.000+02:00

إعتاد أن يجعل منهم ملوك أو يعدهم بذلك, كان يدمرهم بحلمهم.
كان يدخل إلى مناطقهم الخيالية التى يستطيعون فيها تحقيق كل احلامهم القوية التى لم يسعفهم الواقع باللإقتراب منها, كانوا يهربون من الواقع فى تلك المناطق لكى يستمروا فى حياتهم العادية .. المملة. كان هو يرى و يقرأ هذه المناطق بسهولة يستدرجهم إليها يجعلهم يلمسون هذا الشاطئ الخيالى ثم يتجردون من واقعهم و يسبحون إلى ما لا نهاية.
كانوا لا يعودون أبداً و من عاد منهم رجع محطم غير قادر على مواجهة واقعة و لكن دائماً من يعود كان يأتى اليه بكم من المشاعر الغريبة المختلطة, خليط مشوب من الحنق و الامل كانوا ينظرون اليه بحنق و لكن فى منطقة ما فى عقولهم و أرواحهم كان هذا المبتسم الحالم ينظر إاليه بأمل حالماً ماداً ذراعيه قائلاً عبارة طالما سمعها هو من ضحاياه بروحه.
و كان هو فى اعمق أعماق روحه و على الرغم من عدم إيمانه بالأحلام التى يجذب بها ضحاياه كان شخص ما يقف فى تلك المنطقه وحيدأ حالماً و لكن بدون أمل أن يأتى إليه فى يوم من الايام الشخص الذى ينتظره طوال حياته لكى يقول له نفس العبارة التى طالما سمعها من ضحاياه
"اجعلنى ملكاً كما وعدتنى"

عبث

2006-09-28T07:35:00.000+02:00

الاستاذ الدكتور الداعية قاعد الساعة 3 الفجر بيكلمنا عن قصة سيدنا نوح و اللزج مقدم البرنامج بيرجوه انه يربط ما بين افات قوم سيدنا نوح و ما بين الواقع المعاصر و بيفشخ بقه من الدهشه لما الداعية الكبير بيقول ان المركب كانت بتعدى فى وسط الموج مش على الموج !!!! الداعية المصرى العلامة بعد ما خلص البرنامج بتاعوه اللى بيعملوه فى الشارقه مقره الدائم و وطنه الحالى على طول موجز لأهم الانباء مقتل 8 من اسرة واحد فى العراق و جايببين منظر دم الناس و هوه على الارض و مش عارف ولاد ال ... الله ما إنى صائم بقى عمالين بيتاباروا علشان يفرجونا على الدم و بعديها مقتل مش عارف كام و احد كده اللى هما بتوع كل يوم فى فلسطين و برضوا الناس شايلين الجثمان و الله اكبر الله اكبر و تعليقات مختلفه من عباس و هنيه طبعا و مين الشاطر اللى يعرف يستفيد بالموت اكتر

طبعا و انا كل ده و انا بعمل سحور قدام كل الجمال ده عشان قاعد لوحدى فى دوبى على رأى العيال فى اسكندرية خلصت سحور و انا بقول فعلاً العلماء و الدعاة فعلاً لهم دور كبير قوى فى حياتنا و فكرت اكتب مدونة كالاتى: أكتب فى ما لا يزيد عن 3242349 سطر عن دور الدعاة و اثره فى حياة الفرد و المجتمع

اللهم انقذنا بوجودك من العبث فى الدنيا و من الفناء فى الاخرة

اسف يا عمور

2006-09-20T17:11:00.000+03:00

اسف يا عمور و الله مكان قصدى ولا كنت مخططله
اسف لأنى خدت منك حاجات كتير جميلة بس والله انا مخدتهاش الزمن و المجتمع و حاجات كتير يلعن سلسفيل اهلها هيا اللى اخادتها منى
اسف لأنك ماعدتش عنادى و دماغك جزمة زى زمان بقيت بتفكر الاول و ما بتتسرعش زى الناس العاقلة الراسية و كمان اسف لأنك ما بقيتش بتخاف تقعد لوحدك ولا بقيت بتحس ببرودة من الوحدة و تجرى تدور على دفئ مع ناس بتحبها بقيت بتقضى الليالى و الشهور لوحدك و لا انت هنا
وكمان مرة اسف لأنك مبقتش بتعيط زى زمان من اى موقف مؤثر او فراق او حتى لما كنت بتتخيل الفراق بقى فلبك جامد و شجيع
واسف على احلامك اللى اعدت تحلمها و جنونك و عنادك و شقوتك و صياعتك و مشيك فى الشوارع للصبح مع صحابك بقيت بتنام بدرى علشان تبقى فايق للشغل بأه و تشتغل و تشوف شغلك و هكذا
اسف لأن فى حاجة ماتت جوه قلبك مش عارف الصراحة ايه يمكن حب الحياة يمكن الحب عموماً مش عارف بس من ساعة ما بطلت اكتب شعر و بعت الجيتار و انا حاسس انها نقطة تحول و ان اللى جاى مش هايبقى زى اللى فات ابداً
انت طول عمرك شايف المسرحية اللى بتحصل بس كنت بتتمرد عليها و تحاول تحاربها دلؤتى بقيت ترس بيلف و حفظت دورك كويس و ساعدك على كده فهمك القديم لأصول اللعب
اسف يا عمور علشان كبرت

يا رب اى حاجه تحصل بأه

كنا بنقول إن الفراق ده مستحيل

2006-09-06T15:51:00.000+03:00

هيييه دنيا , خلاص ما بدهاش بأه النهارده الاربع مافضلش غير الخميس و الجمعة و يوم السبت أكون فى مطار دبى إن شاء الله
ده تانى مره أروح دبي المرة اللى فاتت فى شهر 4 اللى فات كان شغل لمدة 3 اسابيع اما المرة ده فأنا رايح على شغل هناك يعنى خلاص يا بلد مسافر

اهو شغلى هايبقى فى البتاع اللى فوق ده اسمه وربة سنتر فى الديرة فى دبي
مش عارف الصراحة صباح كمية المشاعر المتضاربة اللى الواحد بيحس بيها على الرغم انى بقالى اكتر من سنتين و نص فى القاهرة علشان الزفت الشغل برده لكن المرادى حاسس ان الموضوع مختلف
يمكن علشان هاسيب هنا ناس كتير بحبها و يمكن علشان عندى احساس عميق بالخيانة و هوه ده اللى اتكلمت عنه المرة اللى فاتت و بعدين نرجع نقول
c'est la vie
الواحد مش قادر يستوعب إن فيه أكتر من مرحلة فى حياته خلاص بخ
حاجة بنت ستين كلب الصراحة قشطة كده يا دنيا الله ينور عليكى كده تماااااااام

و ايه هاسيب اسكندرية و هيه عروسة بعد ما كبشة البنى ادمين اللى عندنا اتكلت على الله فعلاً حاجة سيئة

بجد حاجة سيئة

يوم جديد للخيانة

2006-08-24T11:14:00.000+03:00

اليوم سأبدأ يوم جديد فى الخيانة

لا أعتقد ان هذه المرة ستكون غير سابقتها

سأحزن قليلاً ربما سأدمع أو حتى أبكى

و بعد ان انتهى سأسلك طريقاً اخر

سأترك الورد و الدفء و الارواح الطيبة

و سأجد مبررات كثيرة كالعادة

سأهجر الحب و أذهب أشتكى من اختفاءة فى مكان اخر

وبعد ان اجده سيكون الميعاد مناسباً لخيانة جديدة

سأمزق الروابط جميعاً أو ربما سأترك الورد يذبل

ربما سأعود بعد ان يفقد كل شئ معناه أو ربما لا أعود

ألن ينتهى هذا اليوم أبداً

ألن تنتهى فقرتى فى هذا العرض بعد

ربما سأعود أروى أشجار شاخت فذبلت

و سأشتكى من جفاء العلاقات بحرفية كبيرة

أعتقد انى افعل هذا بحرفية كبيرة

اليوم هو بالفعل يوم مناسب للخيانة

فلقد نبتت شجرة فى قلبى اليوم

الطريق الى الله بعدد أنفاس الخلائق

2006-08-20T23:36:00.000+03:00

سواق التاكسى قالى و انت قاعد هنا لوحدك

قولتله لأ انا اصلا من اسكندرية بس للأسف شغال فى القاهرة فأعد هنا مع اتنين صحابى

قالى اصل الحتة هنا مليانة عرب و النسوان بقت فجرة خالى بالكو

بص يا بيه حاجتين تشوف نفسك ماشى عليهم و لا لأ

العلم و تقوى الله لو ماشى عليهم يبقى تمام و لو لأ الله اعلم بطريقك

قولتله طب انا ممكن اعرف انا ماشى فى طريق العلم و لا لأ بس هاعرف منين ان كنت ماشى على الطريق علشان الاقى ربنا

ايتسم و قالى هاتعرف

لبنان

2006-07-23T16:03:00.000+03:00

مش عارف انا قولت قبل كده ان انا سافرت لبنان و لا لأ انا سافرت تبع الشغل 3 اسابيع كانوا من اجمل الفترات مع عشقى الابدى ل أسكندرية الا ان بيروت طيرتلى عقلى منتهى الجمال و الروح و الطاقة الجميلة المنبعثة من كل حته فى الناس و الشوارع و الناس اللى معلقة سيناريوهات على جدران البيوت و شارع الحمرا و الحيوية اللى فيه هوه و الداون تاون و طبعاً الجبل و شجر الصنوبر الوهمى اللى مغطيه و مزار حريصا اللى لما بتبقى هناك مهما كانت ديانتك تحت تمثال العدرا الابيض الكبير لازم هاتحس بالخشوع

و طبعاً كل ده انا مكنتش اعرفه الا من خلال المجموعة اللى كانت بتحضر معايا الكورس جاد و غسان و جون و موريس و موزين و ميبل و حسين دوول اللى لفيفونى لبنان و جاد ده اللى استاضفنى اكتر من مرة هوه و ميمة مراته بكل الترحاب و الروح المضيافة و غسان اللى اخدنى اخر يوم و لف معايا احد ماجبنا الهدايا و ودانى المكتبة اللى فتحها مع اخوه و ادانى هدايا من هناك للناس اللى فى مصر

جاد لما بعتلة لطمن عليه رد عليه و قالى

we are loosing our country again

غسان من قيمة شهر و نص كده بعتلى عرض باوربيونت عن لبنان و جمالها و الناطق الروعه اللى فيها كان باعتها لأصدقاء ليه فى اوربا كنوع من الترويج السياحى للبلد اللى هما هناك بيحسوا ان ده دور كل واحد فيهم

غسان لقيتو بعتلى عرض باوربيونت اظاهر هوه عملوه طبعاً بعته لكل الناس اللى عندى و اخدت منه مجموعة الصور ده

و يسئلونك عن الحب

2006-07-19T17:23:00.000+03:00

منقول مع ترجمة من ويكيبديا

"
الحبّ حالة أَو ظاهرة عاطفيةِ، أَو قيمة مطلقة. يَتضمّنُ الحبُّ عاطفةَ الجاذبيةِ الحادّةِ عموماً إمَّا لشخصُ آخرُ , مكان، أَو شيء؛ وقَدْ يَتضمّنُ سمةَ إِهْتِمام بهذه الاشياء أَو إيَجِادُ فهم لطبيعتها، يتضمن ذلك حبِّ الذاتِ. الحبّ يُمْكِنُ أَنْ يَصفَ شعور حادَّ مِنْ المودّةِ، عاطفة أَو حالة عاطفية. في الإستعمالِ العاديِ، يُشيرُ إلى الحبِّ الشخصيِ عادة، تجربةَ شعور مِن قِبل شخص للشخصِ الآخرِ.عامة يعتبر تعريف الحب مستحيل.
إنّ مفهومَ الحبِّ، على أية حال، خاضع للنِقاشِ. يُنكرُ البعضُ وجودَ الحبِّ، يَدْعونه إخترعَ تجريدَى جديد. علاوة على ذلك، تقريباً 13 بالمائة مِنْ الثقافاتِ على ما يقال لَيْسَ بها كلمةُ تصف أو تعبرعن الحبِّ . يَزْعمُ آخرين بأنّ الحبِّ موجود لكنه غامضُ؛ بأن يكون كمية فلسفيةُ أو غيبيةُ أو روحيةُ في الطبيعةِ. بإلإضافة الحبّ أحد أكثر المواضيعِ شيوعاً في الفَنِّ

من فضلك أووم أقف من فضلك أووم أقف من فضلك أووم أقف

2006-07-11T12:08:00.000+03:00

قرأت هنا عن الجندى الامريكى اللى اغتصب فتاه عراقية 15 عام و قام بعد ذلك بإحراقها مع أهلها. و بعدين الناس بتوع منظمة كير بعتولى خبر الاعتداءات على المسلمين و على القراَن و الفديو ده بيصور واحد أمريكى و هو بيضرب نار على القراًن لحد ما أتأطع و بعدين رماه أمام مسجد ده غير الناس اللى بيضربوا نار على المساجد فى امريكا. بس فعلاً حكاية الامريكى اللى اغتصب البت ام 15 سنة ده أثرت فيه جامد. الللله الله ينور عليك يا ستمونى يا مكيفه أحبك كده فى السقطة و اللقطة و يا سلام عليك بأه لما بيصعب عليك الناس يا سلام حاجة فنً خانص خانص.
و بعدين امبارح بأه و لا من يومين كنت عمال افكر اسيب الشركة اللى انا فيها لأن جايلى عرض من شركة تانيه اعلى فى المرتب. لأن زى منتوا عارفين ايجار الشقة فى القاهرة غير انى بدفع قسط الشقة اللى حاجزها و كمان انا بتفشخ تاكسيات الصراحة فى القاهرة فا نفسى اجيب عربية صغنونة.
المهم بأه يا بيه الواحد الصراحة بيحس بحاجة ماسة لإقامة علاقة حميمية مع الجنس الاخر أحيييه ما هو طبيعة طبعاً حلوة طبيعى طبعأ ده المهم مش موضوع جنس و بس مع انه عامل اساسى بس انا بقصد علاقة حميمية أكيد انتو عالم مدونين و فهمين.

بس بأه يا باشا هوه منين يودى على فين و تاخد كام و تنزلنى فين
أحاااااااااااااااااااا
هوه أم التمثيلية اللى احنا عايشنها دى هاتنتهى و لا لأ و المفروض يكون دورنا ايه المفروض نتأثر بالحاجات و الاحداث اللى بتحصل حوالينا ده و لا نعيش حياتنا بمشكلنا الشخصية اللى مابتنتهيش ابداً. ماهو ماينفعش أقرا خبر اغتصاب بنت مسلمة عندها 15 سنة على أيد محتل و الرسول بيقول من لم يهتم بأمر المسلمين فليس منهم ده غير واجب رفع الظلم و حاجات كتير أوى لو دخلنا فى السكه ده و بعدين أعد اتناقش مع الراجل بتاع الشقة و الشغل و المرتب و دييك ام الحياة اللى انت اصلاً ما بتستمتعش بيها انت موجود اساساً علشان الطاحونة. يعنى انا بحس ان حتى الحاجات اللى كانت فى وقت من الاوقات ممكن تسببلى سعادة حتى لما كانت بتيجى على خيالى دلؤتى معتقدش ليها نفس التأثير لأنى اتعودت انها مش موجوده يعنى زى الجنس مثلاً و حتى العربية الفخيمة و حتى حاجات كتير أوى تانية.
مش عارف الصراحة فى ناس عايشة حلو و فل الفل و مأضياها كلها تحت فى الدنيا و تتناقش على الفيلم الجديد و قشطة و انا بحسدهم الصراحة بس مش عارف الدماغ ده ليه ساعات تطلع فوق كل الدنيا و تدخل نفسك فى العراق و فلسطين الكلام ده و بعدين تحس ان ده اصلاً اللى المفروض تعمله طب و بعدين هاتأضيها تفكير و السلام ولا ناوى تعمل حاجه بجد.

لو سمحتم اللى اسمه-

Bojja

- من فضلك أووم أقف, من فضلك أووم أقف, من فضلك أووم أقف

رفاهية الشك

2006-06-20T02:09:00.000+03:00

أن توجد بعيداً عن النيران و تجزم انك ستستمتع بالإحتراق فيها. و تفقد هذه الرفاهيه اذا وجدت نفسك امام اللهب و لا مجال للكلام او المزايدات أو الشك

Comfortably Numb

2006-05-31T01:57:00.000+03:00

Hello,
Is there anybody in there ?
Just nod if you can hear me
Is there anyone at home
Come on now,
I hear you're feeling down
I can ease your pain
And get you on your feet again
Relax,
I'll need some information first
Just the basic facts
Can you show me where it hurts ?

There is no pain, you are receding
A distant ship smoke on the horizon
You are only coming through in waves
Your lips move but I can't hear what you're saying
When I was a child I had a fever
My hands felt just like two balloons
Now I've got that feeling once again
I can't explain, you would not understand
This is not how I am
I have become comfortably numb

O.K.,
Just a little pin prick
There'll be no more aaaaaaah !
But you may feel a little sick
Can you stand up ?
I do, believe it's working, good
That 'll keep you going through the show
Come on, it's time to go.

There is no pain, you are receding
A distant ship smoke on the horizon
You are only coming through in waves
Your lips move but I can't hear what you're saying
When I was a child
I caught a fleeting glimpse
Out of the corner of my eye
I turned to look but it was gone
I cannot put my finger on it now
The child is grown
The dream is gone
I have become comfortably numb

Pink Floyd

Album: The Wall [1979]

One of the most songs that affected me during my early days. I remember myself and Hisham when we were walking in Eskander Ibrahim St. during secondary school full of lovely, invisible and undescriptive feelings towards every thing and every one and dreaming of playing Comfortably numb together. me on the lead guitar instead of David Gilmour and he as the vocal on behalf of great Roger Waters.

I remembered all these today when I counted almost 6 months when I last time saw Hisham my friend.

Fuck up life
at this moment I want to live as Comfortably numb

ليه الرجاله عمرها قصير

2006-05-24T20:02:00.000+03:00

علشان ديهو ديه

و ديه و ديه و ديه

تعليق داخلى

2006-05-02T09:01:00.000+03:00

انا بفتقد الدفء جوايا. الدفء اللى كنت بحسه مع الناس اللى بحبها. مش عارف يمكن انا بعدت او هما بعدوا او كبرنا او تهنا الصراحه مش عارف الحاجه اللى عرفها انى بحس دلؤتى ببروده داخليه فظيعة برودة بتخلينى بحس بالخوف ساعات و بجد بفتقد وجود كل اللى بحبهم.

عن الحب و الزواج: الزواج به جمال اقل من الحب. الزواج به التزام اكثر و لكنه الاحساس الوحيد بالإنتماء بعدما فقد الانتماء للوطن او الدين او اية ثوابت اخرى. بعض الاتزام تتعايش معه, كثير من الالتزام بيخنقك ثم تبدأ تدمنه و يملاء كل فراغك الداخلى.

انا بقالى شهر و نص برة مصر فى دبى و بيروت بالرغم من إبهار دبى و روح بيروت الرائعة و على الرغم ان اخر سنتين كنت مقضيهم فى القاهرة علشان الشغل الا انى مابشتاقش للقاهرة انا بشتاق الى الاسكندرية يمكن بصراحة مابشتاقش لمصر ككل بس قلبى متعلق بإسكندرية العظيمة. وحشتينى يا ALEX.

الى حوكا وإتش و حماده ...وحشتنى لمتنا قوى.

أرواح مريضة--2

2006-03-24T14:59:00.000+02:00

المكان: عربة 6 فى قطار 934 متجه ناحية القاهرة
الزمان:الجمعة, 11 مساءًً
يُفتح الستار , نجد حوالى 40 من الركاب يبدو معظمهم من ضباط الجيش العائدين الى وحداتهم و أسرة أو أسرتين مع أطفالهم. تبدو علامات الضيق و الزهق على الجميع و ان لم تكن صريحةو تتصاعد همهمات بين كل الركاب لتتناغم مع صوت القطار الروتينى و هو يتأرجح على القضبان لتعزف سيفونية قبيحة مملة يألفها من تعود السفر بالقطار
تتعالى الهمهمات غير المفهومة فى مقدمة العربة لتتجه أنظار الركاب الى شاب فى أوائل العشرينات من العمر يبدو من ملابسه انه متوسط الحال يبدو من ارتفاع النبرات انه فى مشادة كلامية مع احد الضباط الجالسين مع مجموعة كبيرة من رفاقهم
الضابط 1: انا مش أولتيلك يا بنى ادم تمشى من ام الكرسى ما مشتش ليه
الشاب بنبرة مضطربة: انا بس كنت بسألك انت حاجز الكرسى ولا لأ
الضابط 1 و هو يُمسك بياقة الشاب وبعصبية واضحة: و انت مال اهلك لو انت مش حاجز اتكل على الله ماتعصبنيش عليك على المسا
الشاب ينظر بإحراج الى جموع العربة التى وقفت تشاهده ثم نظر الى أصدقاء هذا الضابط من الضباط ايضاً ثم أخذ يردد بعصبية و سرعة: انت ما تعرفش انا ميين؟
الضابط 2 بإستهزاء: لا يا روح أمك ما نعرفش انت ميين
ضابط 3: بعصبية: يعنى ايه يعنى انت ميين حضرتك؟
ضابط 1 و هو مايزال ممسكاً بياقة الشاب و بدأ فى هزه بعنف: يعنى هاتعمل لدين امى ايه يعنى
الشاب بإضطراب : انا مدير فندق عارف يعنى ايه مدير فندق؟ انا هوديكم كلكم فى داهية عارف.. هوديكم كلكم فى داهية
صوت ضحك مرتفع من جموع الركاب
راكب 1 لزوجته: دا اهبل صحيح دانا افتكرته هايقول دانا وكيل نيابه و لا حاجه
زوجة الراكب 1: و هو ده شكل مدير فندق ده باينه مجنون

نفسى

2006-03-17T03:18:00.000+02:00

نفسى كمية الادراك الكبيرة اللى عندنا دى نقدر نغير بيها حياتنا للأحسن يعنى انا زهقت من مجرد التعبير عن ما ندركه بمهارة فيطلع ده بصوره حلوه تلمس ناس تانيه تتجاوب معانا فنبسط وقتيا.

يعنى لو نقدر بإدراكنا للأمور و تحليلنا ليها نغير الوضع للأفضل ده هايدينا شعور احلى. إلا اذا كنا بنستمتع بالإحساس بألم و الاحباط او نكون قد تعودنا عليه و ننتظره

بيتهيألى الاستمتاع بالتجربة و المحاولة فيها أحلى بكتير

تعلٌق القلوب

2006-02-13T20:07:00.000+02:00

لابد ان يعرف كل منا بماذا تعلُق قلبه. و أن نعيد تقييم ما نضيُع قلوبنا و أرواحنا عليه فلعلنا على خطأ

أن تعيش خارج البرواز للأبد أو عن النضج أكثر من الازم

2006-01-09T20:29:00.000+02:00

لما الواحد يكون ناضج كده و مصحصح محدش يعرف يضحك عليه يبقى فاهم الناس اللى حواليه كويس و فاهم شخصيتهم الحقيقية مش القناع الظاهر اللى بيقدموه و يقدر يحس بالجمال و القبح فى كل اللى حواليه بسهوله.

بس ممكن الواحد يكون اكثر نضجاً يعنى يبقى واقف طول عمره بره برواز الدنيا مش مجرد شايف حقيقة افعال كل واحد لا ده يبقى شايف سلساله من أول ما بدأ و يبقى مقدرالدوافع سواء الاجتماعيه او النفسيه او مهما كانت اللى خلته يعمل الجمال او القبح اللى جوه نفسه.

النوع ده من النضج مرعب فيفقدك المتعة و الجمال فى شخصية الناس و بيفقدك الدهشه داخل روحك بيخليك تسامح كل المخطئين لأنك متأكد من اسباب ضعف روحهم و متعاطف معاهم و حتى بيصعب على الناس انها تخليك تندهش او تحس بالجمال لأنك بأييت حاسس ان اى حد بيعمل الحاجة الطبيعية اللى المفروض انه يعملها. يعنى انت واقف خارج برواز المغارة و الناس عمالة تلف فى الدهاليز اللى جوه.

النوع ده من النضج زى بالظبط الثمرة اللى نضجت اكتر من الازم على الشجرة و محدش قطفها

حاجة غريبة

2005-12-24T20:19:00.000+02:00

ليه زعلت أوى لما شفت علمنا متركب بالمعكوس. لدرجة انى مقدرتش استحمل المنظر و رحت عدلته. رغم انى لو حد حكالى او قريتها ماكنش الموضوع هايفرق معاياه خالص.

عن هؤلاء الذين لا وجود لهم

2005-12-17T23:22:00.000+02:00

عن هؤلاء أكتب, الذين لا وجود لهم فى العالم الحقيقى الذين يعيشون فى عوالمهم النفسية فقط متوحديين مختبئين خلف عبثية الفكرة و عبث المشاعر و الافكار دون أن يدركوا أن الحياه أقصر و أبسط من غزل عقولهم و أرواحهم عن هؤلاء أكتب, الذين لا يعملون , لا يؤثرون بل هم دائماً و أبداً مفعول بهم أو فيهم فدائماً الظروف و الاقدار و الرب. فدائماً يجدون الاعذار لعدم الفعل, لعدم التأثير و يكتفون من الحياه بإقناع أنفسهم بأنهم الاسمى و الارق و الاقدر على الفهم و يشفقون عليك فأنت لا تدرك معنى الفكر الحقيقى و المعنى الحقيقى للحياه فأنت يا ولدى مخدوع فى تلك الحياه حتى النخالة. كلهم خدعوك بداية من الرب و الاهل و الاصدقاء فلا يوجد اى شىء حقيقى فى عالمهم و يعيشون على فكرة الخداع و الشك و نظرية المؤامرة و تمضى بك الايام و الشهور و تجد سنوات مرت و انت لم تحقق أى شىء غير غزل العنكبوت الذى يملاء رأسك و روحك

لا أدرى حقيقة, و لكنى أمضيت فترة كبيرة من حياتى مع هؤلاء فى البعد الهش الغير مرئى و لكن بمجرد ان اتيحت لى الفرصة ان اعيش و اتعايش مع الحياة بكل ماديتها و قسوتها و جمالها و بساطتها وتعاملت مع اشخاص من الخارج ووجدت ان مساحة الفكر و التأمل موجودة و محفوظة طالما تستمتع بها و تعطيك بعدأ تحب ان تتواجد فيه و لكن أيضاً يوجد ما تفعلة, ما تنتجه و تكون بارع فيه فأنت تعيش فى العالم الحقيقى و ليس فى عوالم تخيلية. و اذا كان هروباً من الواقع فالأواجهه أو أغيره فهى حياتى و لا تدع أحد مهما كان يؤثر عليها بل دع مفاتيحها و كلها معك. انزع خيوط العنكبوت التى تشرنقت داخلها فى بيات نفسى دائم

ولادة متعثرة

2005-12-14T16:48:00.000+02:00

صوت مكتوم
طالع من جوة قلبى
فيه بحة ألم
بيبشربالمولود السعيد
اللى إستنيته كتير
عقلى و روحى بيتخانقو عليه
عقلى يقول
حيبقى كلام
كلام فى الهوا
لا يضر ولا ينفع
خلينا جنب الحيطة
وبكرة حيكبر
ويبقى شعارأو مانشيت
والناس تمشى وراه
وقلبى يقول
لأ ...........شِعر
المولود حيطلع شِعر
كلام بجد
أحاسيس بشر
ولما يكبر
حيبقى تاريخ
عقلى رفض
وشجب واستنكر
وأعلن إنه الإله
الأمر الناهى
وأن المولود كلام
فمُت أنا

أجيال الشاى باللبن

2005-12-10T10:45:00.000+02:00

مع انى ما بطيقش الشاى باللبن سواء المشروب او الحياه عامة اللى ملامحة مش واضحة و بفضل اتكلم كتير و لازم الواحد يكون مُحدد و بتاع و شاى بالنعناع, بس لما بالصدفة امبارح مسكت الجريدة القومية المنيلة بتاعتنا و قريت الكلام اللى كتبينوه عن نجيب باشا محفوظ فى عيد ميلاده اللى مش عارف كام كده. كان عمال بيحكى انه فضل يعربد (نسوان بأه و مسخره) على حد تعبيره "العربده الكامله" يعنى زى الجريمة الكاملة كده و بعدين بأه لما وصل من العمر أرذله (42 عام من السيكو بيكو المتين) قرر انه يتجوز بتقوله ايه يا ولاد يتجوز (كنت هاشخ* له) المهم المعلم بأه كاتب انه تزوج من السيده حرمه اللى شاف فيها نموزج الست اللى هاتعرف تساعده على الكتابه و التركيز فى عمله و تراعى بيته و خلال حكاياته عن الحب الحب و الشوق الشوق من ايام ما كان عمره 9 سنين ما جبش سيرت مراته لدرجة انه قال ان اعظم قصه حب حصلتله و هوه عنده 17 سنه لما اعد يعاكس واحده فى المترو (اظاهر انها كانت جامدة) و بعد كل الكلام ده ال * راميط بتوع صفحة المرأه فى الاهرام افاضوا فى القول ان نجيب محفوظ انصف المرأه و مش عارف ايه كد الصراحه أحييييييييييييييه يعنى بس ده مش موضوعنا.

المهم انا بعد ما قريت الكلام اللى كنت عارفه قبل كده لأنى من عشاق كتابات نجيب محفوظ بس الكلام داس على الجرح أهى هيه دى الناس اللى مابتحبش الشاى باللبن و الا بلاش الصراحه يعنى نموزج. الراجل لما قال يا حب و عواطف مشى مع بنات و قابل و كتب جوابات و عذابات الحب و لما قال يا مسخرة نام مع نسوان و شرب و عربد و حشش و اتكيف و لما قال يا تمرد قال مفيش ربنا و رفض المبدأ من أساسه و بعدين قال يا توبه تاب و اناب و اصلح و صلى و كتب صوفى و اقترب لما رأى الإيمان الكامل و لما قال يا هدايه اتجوز.

اما احنا بقى الجيل المبارك اللى اتعرفنا على الحب عن طريق القصص و الروايات و الافلام و رنات الموبيل و عرفنا الجنس من خلال الافلام و الصور و العادة السريه وعرفت الدين من الشرايط و الداعية العصرى حتى لما جينا نتمرد قلك ربنا .. ربنا حلو و موجود بس النبى ده مش عارف ايه و اللى قلك ربنا موجود بس انا مش عاوز انفذ كلامه او فى قصور مش عارف كده فى ايه. المهم انه مافيش حد عاش التجربة لأخرها أو راح لأسود أو أبيض كله عايش فى منطقة ضبابيه غير محدده المعالم. محدش عاوز يفتح باب أى من الاتجاهين كله واقف فى منطقة الشاى باللبن الاعظم عمال يجري يوارب الباب الشمال شويه و يتفرج على العالم المسحور و اللذيذ و بعدين حاجه كده جواه تنأح عليه يقوم جاى جرى قافل الباب و يجرى يوارب الباب اليمين و يتفرج شويه و روحه تستريح و يعيش لحظه نقاء و شفافيه و بعدين روحه تمل و يفضل على الحال ده لا هوه محصل لا ده و لا ده و مكتفى بكوباية الشاي بالبن اللى معاه.

أيها الساموراى أنا معكم و إن لم أكن معكم

2005-11-27T23:21:00.000+02:00

من فيلم الساموراى الأخير
الساموراى يتدافعون فى الهجوم بينما يرد عليهم اليابنيون بألة الحرب الحديثة الى تطلق 200 رصاصة متتالية
والتى قاموا بشرائها من الأمريكيين
السامراى يموتون جميعاً ولا يتبقى إلا قائدهم(كاتسوموتو ) والذى يقتل نفسه على طريقة الساموراى بغمد السيف حتى مقبضه فى بطنه
ولا يتبقى إلا توم كروز

الساموراى الأخير

أيها الساموراى
كنت أتمنى أن أكون معكم قالباً وليس قلباً
فأنا قلبى أوضع من أن يكون قلباً محارباً بين قلوبكم
بينما جسمى هو لها
يتلقى عنكم الرصاصات بلا ألم

أيها الساموراى
لقد قاتلتكم من أجل مبادئكم
الشرف
العدل
الوطن
وأنا الأخر كانت لى بعض المبادىء
ولكنى أضعف من أن أحملها بين ضلوعى
أيها الساموراى
هل تريدون سماع قصتى
فربما وجدتم بى بعض الأمل
لقد اعتقنت عشرات المبادىء منذ قديم الاذل
ربما من قبل أن تعرف البشرية كلمة ساموراى
وامنت بها جميعاً
بالله
بالشرف
والعدل
والوطن
والحق
والضمير
والحب
كل تلك المبادىء دون أى ترتيب قد مزجت معاً
كى يبعث منها كيانى
ولكنى لم أعمل بأى منها
فقط ظلت بداخلى
تحرقنى بضيائها
فبالله عليكم خذونى معكم
أيها الساموراى
لقد أحببت ذات يوم
وووجدت معنى لكل الكلمات والاهات التى طالما سمعت بها من العاشقين
وجدت معنى للواحة
الكلمة التى طالما عذبتنى
لقد وجد المسافر أرضه بعد مئات السنين من التيه
وجدت الحبيبة
ولكنى كنت كما عودتكم ضعيف
أضعف من البوح بتلك الكلمات
أحبك
أعشقك
أريدك
فغادرت واحتى وأنا أشد عطشاً
أيها الساموراى
لقد امنت
بالله خالق السموات و الأرض
وامنت
بما انزل فى قلبى من وحيه
امنت بإنه يحبنى وإننى قريب منه
ولكنى لم أفعل شيءً
فقط امنت
امنت وصمت
أيها الساموراى
انا مثلكم
وإن كنت أختلف معكم فى بعض الأمور
ولكنى أكن لكم عظيم الإحترام
لقد ضحيتم بأجسادكم فى معركة كنتم تعلمون أنها خاسرة
فقط
من أجل مبادئكم
أما انا فكنت دائما أضعف من أن أحمل أسلحة الحياه الدنيا
الحقيقة إننى كنت خائفاً
من أن تزهق روحى بسبب تلك الأسلحة
من ان تجبرنى على القتال
من أن تدفعنى إلى معارك لا قبل لى بها
وأقتل
وكنت أجبن من أتخيل نفسى قتيلاً
أيها الساموراى

ها أنا أقولها ثانيةً
انا معكم
بأعز ما أمتلك
وكل ما أمتلك
جسدى
فلا قلبى ولا روحى تساوى شيئاَ
خذونى كدرع لكم
فلقد توقف جسدى عن إلاحساس بالامه منذ زمن بعيد

أيها الساموراى
عٌذراً إن كنت لا أملك سيفاً
عٌذراً إن كنت ضعيفً فى القتال
فقط خذونى معكم
كصاحب مبدأ

متصدقهمش يا بحر

2005-11-24T02:34:00.000+02:00

متصدقهمش يا بحر
صدقنى كلهم كدابين اللى بيقولو أنهم بيحبوك وبيتوهو فى جمالك
صدقنى إنت مجرد أكلشيه جميل بالنسبة ليهم
قال ايه الواحد منهم يروح يقعد علي شطك شوية
تروح عنه كل همومه
وخلاص الدنيا بقت حلوة
والواحد فيهم بقى أبيض من جوة ومن برة زى ما ولدته الحاجة
فمتصدقهمش يا بحر
الناس كلها بتحبك أنا متأكد من كدة
بس مش بالشكل اللى إنت عايزه
الناس لقوا فيك صورة جميلة ممكن تساعدهم فى صورهم وكتابانهم ورسومهم
الواحد من دول يدوب يقف قدامك دقيقتين خلاص روح الفن نزلت عليه
وبقى بيكاسو و شوقى فى بعض
يا سلام كمان لو رمالوه كام طوبة فى المياه علشان المنظر السينمائى يكتمل
فمتصدقهمش يا بحر
أتحدى واحد من دول قعد على شطك خمس دقائق الساعة واحدة فى عز الصيف
أتحدى واحد ماللى بيتغزلوا فى جمالك وقف علشان يتمتع بجمالك الساعة واحدة بليل فى عز أمشير
إنت عارف لو كلامهم صحيح
كان يبقى كورنيشك مليان صيف شتا ..............بس تعمل ايه فى الناس الناقصة
متزعلش يا بحر
مش إنت السبب صدقنى
إنت طول عمرك زى مانتا
عمرك ما اتغيرت
لأنك مش بشر
هى بس الناس تعبانة شوية من الحياه
عارف إن إنت عندك إكتئاب حاد من كتر ما سمعت شكاوى
بس انت طول عمرك فاتح صدرك لينا
وعمرك ما اتضايقت من اللى بيفضفضولك
إنت بتزعل بس
من اللى شايفينك منظر حلو
أو يقعدو عليك شوية علشان يعملوا نفسهم بني ادمين

رحيل

2005-11-20T07:22:00.000+02:00

نظرت إليه, كان صامتاً كالعادة. أرى الترقب فى عينيه. هو يشعر بشي ما سيحدث اليوم و لكنه غير متيقين. لا لا هو يعرف بالتأكيد و لكنه غير مصدق. لا أريد أن أتردد كالعادة.أريد حسم المسألة.
كلما حاولت أن أدير له ظهري و أنصرف واتركه يستوعب ما اعتزمت عليه ألمحه بطرف عيني يرمقني بإستهانه و يدير لي ظهره بمنتهى الثقة, ثقة من يعرف انى لن أكمل الالتفاتة و فعلاً أرجع خجلاً انظر إليه بنصف عين ثم ببطء أصوب نظري للأرض و أفكر قلقاً كيف ينظر إلى ألان هل ينظر باستهزاء هل يرمقني من أسفل لأعلى. أرفع عيني عليه فأجده يحدجنى بنظره صامته واثقة.
كان واثقاً أنى سأظل تابعاً له و لأحلامه و أرائه و كيف لا و هو ملاكي الحارس كل ما أقوله صواب, كل ما أفكر فيه حكمة بالغة. أذكر عندما بلغنا الحلم أنا و هو كيف تجردنا من ملابسنا و وقفنا أمام بعضنا البعض. أذكر يومها و أنا أنظر لشيئي ثم أنظر له كيف هذا. هذا ليس لطفل مراهق يبدو كاملاً كما أراه فى الأفلام الجنسية التى كنا نشاهدها معاً. كل شئ كنت أراه عندي صغيراً أو تافهاً أو حتى عادياً يصوره هو لى على أنه من عظائم الأمور وأنى منقطع النظير أفكاري لا يستطيع أحد فهمها قلبي ينبض ذهباً كل هؤلاء الحمقى الذين تقابلهم لم يستطيعوا فهمك هؤلاء الرعاع أمامهم مئات السنين ليدركوا عظمتك. هكذا كان ينبئني و صدقته.
كلما حاولت أن أتكلم مع أحد غيره تـكون الأفكار حاضره متيقظة أريدها أن تندفع بغزاره على لساني بنفس الغزارة و البلاغة التى أتحدث بها معه و لكن هيهات, لم أستطع يوماً أن أتواصل مع أحد كما استطعت أن أتواصل معه و أحكى وأشرح وأبرر كل أفعالي و حركاتي و سكناتي و دائماً يفهمني حتى أنني أحياناً كان يفهمني أكثر من نفسي.
و هو دائماً صامت لا يتكلم يكتفي بالنظر إلى عيني و أنا أفهم كل شئ يريد أن يقول أنت الأفضل أنت الأذكى لن يستطيعوا فهمك لن يقدروا على فك طلاسمك السحرية أنت نبي غير مرسل أنتظر معي و سيأتيك الوحي كما جاء غيرك.
و لكنى شعرت بسخف كل هذا و خاصة بعدما اندمجت فى الحياة العملية أكثر و قابلت أناس أخريين غيره و استطعت أن أتواصل معهم, نعم ليس بنفس الحميمة و الفهم و لكن نتواصل بحقائق. و اكتشفت أنني لست أذكى و لا أفضل من كل هؤلاء البشر أنا مجرد رجل عادى هو فقط يظن أنني خارق للعادة و صحبتي معه أصبحت عائقاً بيني و بين التواصل الحقيقي مع أناس أقابلهم يومياً.
لم يعطني فرصه لتحليل ما قلته أو فكرت فيه فدائماً أنا الصواب و لكن حان الوقت للتفكير للتمرد للرحيل عن كل هذا الزيف, أريد أن أعيش حياه حقيقية حتى لو كنت فيها مجرد رجل عادى أفضل من ان أعيش معه وحده نبياً مخلدا.
نظرت له نظره حاسمه و أخيره رأيته ينظر إلى بتوسل أن أبقى لم اهتم به و استدرت مبتعدا عن المراّه.

if u like fantasy follow me

2005-11-13T23:49:00.000+02:00

ماشى الطريق

مدونة جديدة للمدعو كتابة تهتم بالفنتازيا والفنطازية

وأهو كله برتقال

نهاية فنان

2005-11-11T14:55:00.000+02:00

كان فيه زمان إنسان
إنسان لكن فنان
انا لسه فاكر شكله
وعيونه ونظرته
وشفايفه وبسمته
وكانت على وشه كلمة
بتقول ده واد فنان
وتمر بيه الأيام
تحيره وتغيره
وتسيبله فى كل صفحة علامة
علامة إستفهام
ويوم ورا يوم
ينزوى الفنان
ويصبح كأى انسان
وتمر كمان أيام
خلاص مات الفنان
راحت روح الجان
ماتت النظرة البريئة
ضاعت البسمة الرقيقة
واتولد الإنسان
وركب الإنسان حصانه
اه لو كان زى زمان فنان
كان جرى بحصانه ولف الدنيا
لأ جرى ايه

ده كان طار بيه
كان اخد حبيبته وطار بيها بعيد
لكن يا خسارة

مات الفنان
وبقى الانسان
جرى بالحصان
داس البشر
سبى صبايا زى القمر
زرع الخوف من غير مطر
وفى اخر الليل يرجع لبيته
وزى كل ليله النوم يجافيه
فيطلع البوم صور فى كراكيبه كان خباه
ويبكى على صورة كانت زمان جواه
دى كانت صورة لية معاه

Pigs On The Wing

2005-11-08T17:45:00.000+02:00

If you didn't care what happened to me,
And I didn't care for you,
We would zig zag our way through the boredom and pain,
Occasionally glancing up through the rain,
Wondering which of the buggers to blame
And watching for pigs on the wing.

BUT

You know that I care what happens to you,
And I know that you care for me,
So I don't feel alone.Or the weight of the stone,
Now that I've found somewhere safeTo bury my bone.
And any fool knows a dog needs a home,
A shelter from pigs on the wing.

Pink Floyd. Animals. (p)1977

شخبطة

2005-11-03T22:31:00.000+02:00

فى القارب

...............
جربت قبل كدة شعور
إنك تكون فى رحلة فى قارب
والناس حواليك كلها قاعدة متنحة وباصة لقدام
وإنت الوحيد اللى عمال تبص عل السمك فى المية
وعلى حركة المجداف
وعلى وشوش البشر اللى معديين
طيب جربت تكمل الرحلة لحد الأخر
خلاص وصلتوا الشط التانى
الناس كلها نزلت ومشيت
وإنت الوحيد اللى لسة واقف
عمال تفتكر كل لحظة فى الرحلة
وعينيك على المراكب الجاية
اللى محملة ناس متنحين
.........................................................................................
يعنى ماردشت يعنى

.........................
شعور وحش جداً إنك تكون بتحب تدوينات شخص ما جداً
وتفضل مستنى أى بوست جديد ليه
وأول ما تلاقيه تقراه على طول أونلاين وتعلق عليه
حتى لو ما عندكش كلام مفيد تقوله بس عاجبك البوست
تقوله أى حاجة تشجعه
حلوة أوى
جامد يا مان
بس مع الوقت
تلاقى أن الشخص ده ولا حاسس بيك
عمره ما علق عليك مثلاً
ما بيعبرش كومنتاتك
تبتدى تحس إنه ما يعرفش إن عندك بلوج أصلاً
الصراحة
الواحد بيبقى نفسه ينتقم
يطنش الشخص ده خالص ويحلف إنه مش حيعتب البلوج بتاعه تانى
بس فى إلأخر
تشتاق للحاجات اللى بيكتبها
وتخش البلوج بتاعه
وتقرا تدويناته
وتعلق عليها كمان
وتنتصر الكلمة

أرواح مريضة--1

2005-10-30T12:18:00.000+02:00

كان يجلس بين أصدقائه بالمقهى. جلسته المعتاده فى المنتصف. دائماً محور الاهتمام و التفرد. يعتبرونه نموزج غير متكرر فى الحياه هو غيرهم بالتأكيد و ربما غير كل البشر بل و بعضهم كان يضفى عليه درجات ما فوق االبشريه.كان بالنسبة لهم الاب الروحى و الملجاء النفسى و الواحة التى يلقى بها كل واحد منهم فضلاته النفسيه و مخاوفه و اسراره وتسائلاته التى لا يجد اجابه عليها و لا يثق الا برأيه هو. يلقون بحمولهم و يستريحوا بعدها. و هو دائماً ما يتقبل هذا الدور و يجيده و يدمنه.
بالأضافة لقراءاته الغيرالمحدوده و التى كان الغرض منها معرفة العنوانين و المصطلحات الفخمة التى لا يعى منها أحدهم حرف أعطاه هذا الدور ثقل كبير بين هذه المجموعة و كان هو يحتاج لهذا الثقل والا طار فى الهواء من كثرة ما يحمل فى عقله و روحه من فراغ!!
كانوا كعادتهم يثرثرون و يتجادلون و إذا اختلفوا فى الرأى صوبوا أنظارهم بخشوع اليه و كل فريق يحكى موقفه و يستميت فى برهنة وجهة نظره و كان هو كعادته يدهشهم بألمامه بوجهة نظر الطرفين قبل حتى أن يكملوا ونقض كلا الرأيين أو يحرف فى رأى منهم و يغير من ألفاظه و يتبناه هو ويقتنع الجميع بالرأى السديد.
و نادراً ما يحدث ان يجادله أحد فى أمر ما قاله. بل لم تحدث الا مرة واحدة و كانت ليلة مشهوده لا ينساها أحدهم االى الان عندما أبدى مصطفى إعتراض على أحد أراءه. كانت أول ممرة تحدث على الاطلاق و كانت وجهة نظر مصطفى مقنعة جدأ ولكنه لم يعجبه ان يجتمع الطرفان هذه المره دون الرجوع اليه بل واقتنعوا بوجهة نظر هذا المصطفى!!!. فقام على الفور فرفض الفكرة بأسلوب قاطع ففوجئوا بمصطفى يقول "ايه يا عم ده, انت هاتشتغلنا ولا ايه" حاله من السكون مرت لثوانى معدودة. كلهم يتذكرون نظرة الدهشه و الاستعلاء فى عينيه ثم بدأ الهجوم. هجوم حاد لمدة نصف ساعة لم يعطى أحد فرصة للكلام و كان الهجوم معتمد على براعته فى الجدال التى اشتهر بها فلم يجد مصطفى الا ان يعلن راية الاستسلام. وعلت ابتسامة الراحة وجوه المحيطين به فهو بالنسبة لهم الجدار الامن و العازل من ضعفهم النفسى واصبح وجودهم معتمد على وجوده و وجوده معتمد على ضعف أرواحه.
اما هو فأرتسمت على وجهه نظره غريبة فبينما كان النصر المذهل علنياً كانت هزيمته امام نفسه مروعه لأنه ببساطة كان مقتنع برأى مصطفى.

و القمر بسنان و بيشرب سجاير كمان

2005-10-26T00:44:00.000+02:00

لية العديد من المحاولات فى شعر العامية وللأسف أكتشفت إنى مش موهوب, كتبت حوالى 50 عمل قطعت منهم حوالى 45 عمل على الأقل
المهم فى مرة كتبت قطعة شعرية بديعة مصابنى

:بقول فيها

خلاص هنساك
وانسى الليالى كمان
وانسى القمر بسنان
يا نهار أبيض" القمر بسنان "حالة من الضحك الهيستيرى
لأ مش معقولة إلأنحطاط الأدبى يوصل للدرجة دى
رجعت تانى أعيد الكتابة
خلاص هنساك
وانسى الليالى كمان
وانسى القمر بسنان
أكتر من 10 محاولات من هنا ومن هنا مفيش فايدة

"القمر لسة بسنان"
شوية كدة وسرحت فى الملكوت
وبدأت أكتب من جديد
أيوة القمر بسنان
والشمس ليها ودان
ومطلعالى لسانها كمان
دى حاجة جنان فى جنان
لا لا لا ده مابقأش شعر ده حقيقة
أنا شايف أنى صعب انى أحول الواقع لكلام مكتوب
فأكتشفت إنه من الأسهل أنى أحول الواقع لخيال
فيها ايه القمر لو عنده سنان
ويا حبذا لو ماكانش بيغسل سنانه كمان وبيشرب سجاير
بالشكل ده حتبقى سنانه صفرة ومش حتبان للناس لما يشوفوا القمر أصفر زى ما بيبان فى أفلام الكارتون
وكمان الشمس ماله أن يكون عندها ودان على الأقل علشان تعرف تلبس نضارة قمر
والصراحة هى مطلعالى لسانها فعلاً

كل يوم الصبح وانا ماشى فى الشارع أبصلها الاقيها مطلعالى لسانها وبتقولى يالا يا اهبل غور
الوضع فعلاً بقى مزرٍ جداً
أعتقد أننى فشلت فى التعامل مع معطيات الحياة المادية
فعملت لنفسى عالم خيالى بعيش فيه
الحكاية دى عندى من أيام الطفولة من أيام ما كنت بلعب بالعملات ماتش كورة؟؟؟؟؟؟؟؟؟؟؟
أنا مقتنع من زمان أن موهبتى الوحيدة هى الخيال
يمكن عشان كدة نفسى أبقى مخرج
باحس أنى كل الأفلام الى حاعملها حتبقى فانتازيا
بحب إدارة المشروعات
بحب الشطرنج
بحب أى حاجة ثوابتها قليلة ونسبة الخيال فيها كبيرة
fininding neverlandبحب
بحس أنهم بيتكلمو عنى أنا بالذات فى الفيلم ده مش حد تانى
بحس أنى لو كنت موهوب زى الراجل اللى عمل بيتر بان
كنت ممكن أبقى واحد تانى
الصراحة فكرة العالم المُتخيل أنا عارف إنها فكرة فاشلة
خصوصاً فى ظل العالم اللى إحنا موحولين فيه دلوقتى اللى بيخلينا نتعامل مع أسوأ ماديات الحياة
أنا عارف أن عدد كبير من المدونين الأفاضل عايشين فى عالم الخيال ده
بس يمكن علشان أغلبهم فى الكلية
لسة ما جربوش الأنتقال من العالم الخيالى بكل جماله الى العالم الحقيقى
transition zone أنا جربت أدور على

ما بين العالمين
عالمى الخيالى وعالمهم الحقيقى
بس الصراحة دورت كتير وأول ما لقيت نفسى بحط أيدى عليها
حسيت أنى روحى بتتسحب منى
حسيت أنى بابيع نفسى
أنا كدة يا حياة يا تتعاملى معايا حتة واحدة
يا يفتحالله
ساعات يبقى نفسى لو فى سكينة تقسمنى نصين
نص يموت و نص يكمل فى الدنيا
تسألنى تختار أنهو نص علشان يموت
حقولك مش عارف

مصر امبارح والنهاردة و بُكرة

2005-10-18T13:08:00.000+02:00

(1)

المكان:محطة القطار اللى باشترى من كشك الجرانين اللى فيها الجرانين بتاعتى
شابة فى العشرينات من عمرها تسأل صاحب الكشك:جرنال الحادثة موجود لو سمحت
صاحب الكشك:لأ خلص
البنت: ياه خلص
أنا فى سرى:ياه خلص انا فاكر انى كنت شفت عناوين كم عدد من أعداده قبل ذلك وكانت كوميدية جدا
صاحب الكشك:اه علشان باطيطسا
أنا والفتاة:؟؟؟؟؟؟؟؟؟؟؟؟؟؟؟؟؟؟؟؟؟
صاحب الكشك:ايوة باطيطسا اللى مكتوب على دراعه لا الله الا الله
صراحة كنت انوى ان اترك هذه الواقعة عند هذا الحد وأترك الباقى لخيال القارئ‘
ولكن
كانت هناك عدة تساؤلات فى ذهنى
عن كم البشر الذين يقومون بشراء هذا الجرنال من أجل مثل هذا الخبر
هل نحن فى حاجة فعلاً إلى مثل هذا لتأكيد إيماننا
هل تكون تلك النهاية
البحث عن أى دلالة إيمانية للعودة الى الله
حتى ولو كانت رجل مكتوبة على ذراعه لا الله إلا الله
هل وصل بنا اليأس الى هذا الدرجة؟؟؟؟؟؟؟؟؟؟؟
هناك تساول اخر
هل توجد حقاً مثل هذه العلامات؟؟؟؟؟؟؟؟؟؟
لقد رأيت الكثير منها
أشجار تأخذ شكل لفظ الجلالة
عبارات على الأيدى
"لن أضرب أمثلة أخرى بالتأكيد جميعكم رأيتم الكثير من تلك العلامات
هل حقاً تلك العلامات حقيقية
أم هى مجرد صدف
.....................................................

(2)

فى حلقة "القاهرة اليوم" السبت الماضى

إستضاف مذيع البرنامج عمرو أديب الفنان عادل امام لمشاركته تقديم الحلقة
كما دأب منذ بداية رمضان بمشاركة أحد الفنانين له فى تقديم البرنامج
الى هنا والأمر عادى
ولكن المفاجأة كانت فى فقرة الاستشارات الدينية والتى تولى الاجابة عنها الداعية خالد الجندى
حيث كان عادل امام هو الذى يتلقى أسئلة و استفسارات المشاهدين عبر الهاتف
(بينما يتولى خالد الجندى الأجابة (لأ تفكيرك ما يروحش بعيد أوى كدة
الصراحة المفاجأة كانت شديدة أوى
لدرجة أنى فكرت جدياً فى الأتصال بالبرنامج و سؤال الأخ خالد الجندى
عن الفنان الذى لا يخلو أى فيلم من أفلامه من بوس و أحضان والذى منه
ثم يقوم بعد ذلك بتقديم فقرات دينية
الصراحة أنامش متخيل شعور الأستاذ خالد الجندىو فريق الأعداد بيقوله أن عادل امام هوا الى حيكون معاه
حاحاول أتخيل سيناريو للموقف

.....................................
خالد الجندى:الللللللللللله هى وصلت لكده يا جماعة عادل امام يا نهار أبيض
المخرج::يعنى يا أستاذ خالد أنتو تكونوا قاعدين جوا بتصورو والزعيم برة قاعد يقمر عيش يرضى مين ده بالذمة
خالد الجندى:فاتتنى دى ياأستاذ أشرف(أشرف شيحة هو مخرج البرنامج) وعموماً عدولة مننا و علينا
طارق الكاشف(المنتج الفنى):روق كده اُمال يا خالد ويا ريت أى فتاوى خاصة بالمرأة تباظيها لعادل هو جامد أوى فى فتاوى الحريم
مع احترامى الكامل لموهبة عادل امام واعجابى الشديد بالعديد من أفلامه بس اللى حصل ده كان مسخرة

ما قبل التدوين

2005-10-18T13:00:00.000+02:00

صراحة
وحتى هذه اللحظة لست متأكداً من أن مدونتنا سوف تأخذ موقعه فى وقت قريب وسط هذا الكم الهائل
من المدونات والتى اصبح مدونيها يشكلون فيما بينهم دائرة مغلقة
أتخيل أنه من الصعب جداً اختراقها
ولكننا نعلم من البداية اننا نراهن بأفكارنا وليس بموهبتنا الأدبية
والتى نثق من وجود من يفوقنا فيها موهبة و أسلوباً
ولكن إعتمادنا سيكون بالدرجة الأولى على الأفكار
ومن هنا نشأت فكرة أن أقوم بعمل دعاية للبلوج عن طريق ارسال عنوان البلوج عن طريق ال

comments
وهذه الطريقة لم تحذ على اعجاب بعض المدونين مثلاً الأخ وش مكرمش بل وزميلى فى تلك المدونة ملك
ولكنى صراحةً مقتنع انها الطريقة المثلى
وإنها ليست إستجداء
و خلينا نتكلم بصراحة
ما الغرض من التدوين
أليست مشاركة الأخرين أفكارك ومشاعرك
وإدلأهم بأرائهم فيها
وهل يمكن أن يحدث هذا بدون أن يعرف الأخرون أن لك مدونة تعرض فيها كل ما يجول بذهنك
فإذا لم يحدث هذا
فمن الأفضل أن نبقى كتاباتنا حبيسة الأدراج
ولا داعى لنشرها على الأخرين